Marriage: ಮದುವೆ ಮುನ್ನಾದಿನ ಡ್ರೈ ಕ್ಲೀನ್‌ಗೆ ಬಟ್ಟೆ ಕೊಡೋಕೆ ಹೋದ ಮದುಮಗಳು, 6 ಮಕ್ಕಳ ತಂದೆ ಜೊತೆ ಎಸ್ಕೇಪ್!

ಭೋಪಾಲ್​: ಮದುವೆ ಒಂದು ದಿನ ಮುಂಚಿತವಾಗಿ ವಧು 6 ಮಕ್ಕಳ ತಂದೆಯೊಂದಿಗೆ ಓಡಿಹೋದ ಘಟನೆ ಮಧ್ಯಪ್ರದೇಶದ ರೇವಾ ಜಿಲ್ಲೆಯಲ್ಲಿ ನಡೆದಿದೆ. ತನ್ನ ಬಟ್ಟೆಗಳನ್ನು ಡ್ರೈ-ಕ್ಲೀನ್ ಮಾಡಲು ಕೊಟ್ಟು ಬರುತ್ತೇನೆ ಅಂತ ಮನೆಯಿಂದ ಹೊರ ಬಂದ ಯುವತಿ ಮತ್ತೆ ಮನೆಗೆ ವಾಪಸ್​ ಹೋಗಿಲ್ಲ. (ಸಾಂದರ್ಭಿಕ ಚಿತ್ರ)

ಮದುವೆಯ ಸಂದರ್ಭದಲ್ಲಿ ಅನೇಕ ಬಾರಿ ಇದ್ದಕ್ಕಿದ್ದಂತೆ ಏನಾದರೂ ತಿರುವುಗಳು ಎದುರಾಗುತ್ತಲೇ ಇರುತ್ತದೆ. ಇಂತಹದ್ದೆ ಘಟನೆ ಭೋಪಾಲ್​​ನಲ್ಲಿ ನಡೆದಿದ್ದು, ಬಟ್ಟೆ ಡ್ರೈ-ಕ್ಲೀನ್​​ಗೆ ಕೊಟ್ಟು ಬರುತ್ತೇನೆ ಅಂತ ಮನೆಯಿಂದ ಹೊರ ಬಂದ ಯುವತಿ ಗೆಳೆಯನೊಂದಿಗೆ ಪರಾರಿಯಾಗಿದ್ದಾಳೆ. (ಸಾಂದರ್ಭಿಕ ಚಿತ್ರ)

ಇನ್ನು, ಮಾರ್ಚ್​ 15ರಂದು ಘಟನೆ ನಡೆದಿದ್ದು, ಮದುವೆ ಸಿದ್ಧತೆಗಳಲ್ಲಿ ಬ್ಯುಸಿಯಾಗಿದ್ದ ಮನೆ ಮಂದಿಗೆ ಶಾಕ್​ ಎದುರಾಗಿದೆ. ಮನೆಯಿಂದ ಹೊರ ಬಂದ ಯುವತಿ ಎಷ್ಟೇ ಸಮಯವಾದರೂ ಮನೆಗೆ ವಾಪಸ್ ಆಗದಿದ್ದಾಗ ಕುಟುಂಬಸ್ಥರು ಆತಂಕಗೊಂಡು ಹುಡುಕಾಡಿದಾಗ ಘಟನೆ ಬೆಳಕಿಗೆ ಬಂದಿದೆ. (ಸಾಂದರ್ಭಿಕ ಚಿತ್ರ)

ಯುವತಿ ಈಗಾಗಲೇ ಮದುವೆಯಾಗಿ 6 ಮಕ್ಕಳನ್ನು ಹೊಂದಿರುವ ವ್ಯಕ್ತಿಯೊಂದಿಗೆ ಪರಾರಿಯಾಗಿರುವುದು ಕುಟುಂಬಸ್ಥರಿಗೆ ತಿಳಿದು ಆಘಾತ ಎದುರಿಸಿದ್ದಾರೆ. ಇನ್ನು, ಮನೆಯಿಂದ ಓಡಿ ಹೋಗುವಾಗ ಮನೆಯಲ್ಲಿದ್ದ ನಗದು ಹಣವನ್ನು ಪ್ಯಾಕ್ ಮಾಡಿಕೊಂಡು ಹೋಗಿದ್ದಾಳೆ. (ಸಾಂದರ್ಭಿಕ ಚಿತ್ರ)

ಸದ್ಯ ಯುವತಿಯ ಪೋಷಕರು ಹಾಗೂ ಮದುವೆಯಾಗ ಬೇಕಿದ್ದ ವರನ ಕುಟುಂಬಸ್ಥರು ಯುವತಿಯ ಪತ್ತೆಗಾಗಿ ಪೊಲೀಸರ ಮೊರೆ ಹೋಗಿದ್ದು, ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ದೂರಿನಲ್ಲಿ ತಮ್ಮ ಮಗಳನ್ನು ಅಪಹರಿಸಿದ ವ್ಯಕ್ತಿಗೆ ಈಗಾಗಲೇ ಮದುವೆಯಾಗಿದ್ದು, ಅಷ್ಟೇ ಅಲ್ಲ 6 ಮಕ್ಕಳ ತಂದೆಯಾಗಿದ್ದಾನೆ ಎಂದು ಆರೋಪಿಸಿದ್ದಾರೆ. (ಸಾಂದರ್ಭಿಕ ಚಿತ್ರ)

ಇತ್ತ ಯುವತಿಯೊಂದಿಗೆ ನಾಪತ್ತೆಯಾಗಿರುವ ವ್ಯಕ್ತಿಯ ಪತ್ನಿ ಕೂಡ ಪೊಲೀಸ್​ ಠಾಣೆಗೆ ಆಗಮಿಸಿ ದೂರು ನೀಡಿದ್ದಾರೆ. ಕುಟುಂಬಸ್ಥರ ಹೇಳಿಕೆ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ಆರಂಭ ಮಾಡಿದ್ದು, ಇಬ್ಬರಿಗಾಗಿ ಹುಡುಕಾಟ ನಡೆಸಿದ್ದಾರೆ. ಇನ್ನು, ಯುವತಿ ಮದುವೆಯಾಗ ಬೇಕಿದ್ದ ಯುವಕ ಕೂಡ ಅದೇ ಗ್ರಾಮದವನಾಗಿದ್ದು, ಭಾವಿ ಪತ್ನಿ ಆಗಬೇಕಿದ್ದ ಯುವತಿ ಮಾಡಿದ ಕೆಲಸ ನೋಡಿ ಶಾಕ್​ ಆಗಿದ್ದಾರೆ. (ಸಾಂದರ್ಭಿಕ ಚಿತ್ರ)

ಯುವತಿ ಮನೆ ಬಿಟ್ಟು ತೆರಳುವ ಮುನ್ನ ಪತ್ರವೊಂದನ್ನು ಬರೆದು ತನ್ನ ರೂಮ್​​ನಲ್ಲಿಟ್ಟಿದ್ದು, ಪತ್ರದಲ್ಲಿ ತನಗೆ ಇಷ್ಟ ಆಗಿರುವ ವ್ಯಕ್ತಿಯೊಂದಿಗೆ ಹೊರಟು ಹೋಗುತ್ತಿದ್ದಾಗಿ ಬರೆದಿದ್ದಾಳೆ ಎನ್ನಲಾಗಿದೆ. ಇನ್ನು, ಯುವತಿಯ ಕುಟುಂಬಸ್ಥರು ಹೇಳುವ ಪ್ರಕಾರ, ಅವರ ಮಗಳನ್ನು ಘೋಘರ್ ನಿವಾಸಿ ಇರ್ಷಾದ್ ಮನ್ಸೂರಿ ಎಂಬಾತ ಅಪಹರಣ ಮಾಡಿದ್ದು, ಈಗಾಗಲೇ ಆತನಿಗೆ ಮದುವೆಯಾಗಿ ಆರು ಮಕ್ಕಳಿದ್ದಾರೆ. ಅಲ್ಲದೆ ಯುವತಿ ಮನೆಯಲ್ಲಿದ್ದ 40 ಸಾವಿರ ರೂಪಾಯಿ ಹಣವನ್ನು ತೆಗೆದುಕೊಂಡು ಹೋಗಿದ್ದಾಳೆ ಎಂದು ತಿಳಿಸಿದ್ದಾರೆ. ಇನ್ನು, ಯುವತಿಯನ್ನು ಕರೆದುಕೊಂಡು ಹೋಗಿರುವ ವ್ಯಕ್ತಿ ಹಾಗೂ ಆಕೆ ಇಬ್ಬರು ಬೇರೆ ಬೇರೆ ಧರ್ಮಗಳಿಗೆ ಸೇರಿದ್ದಾರೆ. (ಸಾಂದರ್ಭಿಕ ಚಿತ್ರ)