Actress Arrested: ಫೈವ್​ ಸ್ಟಾರ್ ಹೋಟೆಲ್​ನಲ್ಲಿ ಹೈಟೆಕ್​ ವೇಶ್ಯಾವಾಟಿಕೆ! ಇಬ್ಬರು ನಟಿಯರು ಬಂಧನ

ಪುಣೆಯ ವಕಾಡ್ ಪ್ರದೇಶದ ಫೈವ್​ಸ್ಟಾರ್ ಹೋಟೆಲ್‌ಗಳಲ್ಲಿ ನಡೆಸುತ್ತಿದ್ದ ಬೃಹತ್ ಹೈಟೆಕ್​ ವೇಶ್ಯಾವಾಟಿಕೆಯನ್ನು ಪೋಲಿಸರು ಭೇದಿಸಿದ್ದಾರೆ. ಈ ದಂದೆಯಲ್ಲಿ ಭೋಜ್‌ಪುರಿ ನಟಿ ಹಾಗೂ ರೂಪದರ್ಶಿಗಳು ಭಾಗಿಯಾಗಿದ್ದರು ಎಂಬುದು ತಿಳಿದುಬಂದಿದೆ. ಈ ಸಂಬಂಧ ಮೂವರನ್ನು ಬಂಧಿಸಲಾಗಿದೆ. ಪಿಂಪ್ರಿ-ಚಿಂಚ್ವಾಡ್ ಪೊಲೀಸರು ಈ ಸೆಕ್ಸ್ ರಾಕೆಟ್ ಅನ್ನು ಭೇದಿಸಿದ್ದಾರೆ.

ಪಿಂಪ್ರಿ-ಚಿಂಚ್‌ವಾಡ್ ಅಪರಾಧ ವಿಭಾಗದ ಪೋಲಿಸರು ತಮಗೆ ಸಿಕ್ಕ ಪಕ್ಕ ಸುಳಿವಿನ ಮೇರೆಗೆ, ಪಂಚತಾರಾ ಹೋಟೆಲ್‌ ಮೇಲೆ ಪ್ಲಾನ್ ಮಾಡಿ ದಾಳಿ ಮಾಡಿದ್ದಾರೆ.

ಪೊಲೀಸರು ಮಾರು ವೇಷದಲ್ಲಿ ಹೋಟೆಲ್ ಪ್ರವೇಶಿಸಿದ್ದಾರೆ. ಈ ವೇಳೆ ಅಲ್ಲಿ ನಟಿ ಮತ್ತು ಮಾಡೆಲ್​ಗಳು ಅನೈತಿಕ ಚಟುವಟಿಕೆಯಲ್ಲಿ ತೊಡಗಿಕೊಂಡಿರುವುದು ಕಂಡುಬಂದಿದೆ ಎಂದು ವಕಾಡ್ ಪೊಲೀಸ್ ಠಾಣೆಯ ತನಿಖಾಧಿಕಾರಿ ದೇವೆನ್ ಚವಾಣ್ ಹೇಳಿದ್ದಾರೆ. ಯಾರು ಹೆಚ್ಚಿನ ಮೊತ್ತವನ್ನು ನೀಡುತ್ತಾರೋ ಅವರೊಂದಿಗೆ ನಟಿಯರನ್ನು ಮಲಗಲು ಹೇಳುತ್ತಿದ್ದರೆಂದು ತಿಳಿದುಬಂದಿದೆ.

ಭೋಜ್‌ಪುರಿ ನಟಿ ಮತ್ತು ಮಾಡೆಲ್​ ಫೋಟೋಗಳನ್ನು ಬಳಸಿ ಮೂವರು ವ್ಯಕ್ತಿಗಳು ಗ್ರಾಹಕರನ್ನು ವೇಶ್ಯಾವಾಟಿಕೆಗೆ ಆಮಿಷವೊಡ್ಡುತ್ತಿದ್ದರು. ಪರಿಶೀಲನೆಯ ನಂತರ, ಅಪರಾಧ ವಿಭಾಗದ ಪತ್ತೆದಾರರು ನಕಲಿ ಗ್ರಾಹಕರನ್ನು ನೇಮಿಸಿದ್ದರು. ಅವರು ಏಜೆಂಟ್-ಹ್ಯಾಂಡ್ಲರ್​ಗಳನ್ನು ಆನ್‌ಲೈನ್‌ನಲ್ಲಿ ಸಂಪರ್ಕಿಸಿದ್ದರು.

ನಂತರ ಅವರು ನಟಿ-ಮಾಡೆಲ್‌ನ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ ಮತ್ತು ಹೋಟೆಲ್ ಕೋಣೆಯನ್ನು ಸಹ ಬುಕ್ ಮಾಡಿದ್ದಾರೆ. ನಂತರ ಡಮ್ಮಿ ಗ್ರಾಹಕರು ಹೋಟೆಲ್‌ಗೆ ಹೋಗಿದ್ದು, ಅಲ್ಲಿ ವೇಶ್ಯಾವಾಟಿಕೆ ನಡೆಯುತ್ತಿರುವುದನ್ನು ಖಚಿತಪಡಿಸಿದ್ದಾರೆ.

ನಂತರ ಪೊಲೀಸ್​ ಅಧಿಕಾರಿಗಳು ನಟಿಯನ್ನು ರಕ್ಷಿಸಿದ್ದಾರೆ, ಆದರೆ ಅವರ ಗುರುತು ಬಹಿರಂಗಪಡಿಸಿಲ್ಲ. ದಂಧೆ ನಡೆಸುತ್ತಿದ್ದ ಮೂವರನ್ನು ಬಂಧಿಸಲಾಗಿದೆ ಎಂದು ಚವಾಣ್ ತಿಳಿಸಿದ್ದಾರೆ. ಬಂಧಿತರನ್ನು ಪ್ರಬೀರ್ ಪಿ.ಮಜುಂದಾರ್, ದಿನೇಶ್ ಯಾದವ್ ಮತ್ತು ವಿರಾಜ್ ಯಾದವ್ ಎಂದು ತಿಳಿದಿದ್ದು, ಅಪಾರ ಪ್ರಮಾಣದ ಹಣದ ಭರವಸೆ ನೀಡಿ ಇಬ್ಬರು ಮಹಿಳೆಯರನ್ನು ವೇಶ್ಯಾವಾಟಿಕೆಗೆ ತಳ್ಳಿದ್ದರು ಎಂದು ಅವರು ಮಾಹಿತಿ ನೀಡಿದ್ದಾರೆ.

ಈ ಆರೋಪಿಗಳು ಗ್ಲಾಮರ್ ಉದ್ಯಮದಲ್ಲಿ ಇತರ ಮಹಿಳೆಯರು ತೊಡಗಿಸಿಕೊಂಡಿದ್ದಾರೆ ಎನ್ನಲಾಗುತ್ತಿದ್ದು, ಪಿಂಪ್ರಿ-ಚಿಂಚ್‌ವಾಡ್ ಮತ್ತು ಇತರ ಭಾಗಗಳಲ್ಲಿ ವೇಶ್ಯಾವಾಟಿಕೆ ನಡೆಸುತ್ತಿದ್ದಾರೆ ಎಂಬ ಅನುಮಾನ ಇದೆ., ಇದರ ಬಗ್ಗೆ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ ಎಂದು ತಿಳಿದುಬಂದಿದೆ.