Xiaomi: ಕೊರೋನಾ ನಡುವೆ ಚೀನಾ ಬಿಡುಗಡೆ ಮಾಡಿದೆ ಡ್ಯುಯಲ್ ಕ್ಯಾಮೆರಾದ ಸ್ಮಾರ್ಟ್​ವಾಚ್​​!

ಚೀನಾ ಮೂಲದ ಶಿಯೋಮಿ ಕಂಪೆನಿ ಹೊಸ ಸ್ಮಾರ್ಟ್​ವಾಚ್​ ಅನ್ನು ಸಿದ್ಧಪಡಿಸಿ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. ನೂತನ ಸ್ಮಾರ್ಟ್​ವಾಚ್​ನಲ್ಲಿ ಡ್ಯುಯಲ್ ಕ್ಯಾಮೆರಾವನ್ನು ನೀಡಲಾಗಿದೆ.

ಮಾತ್ರವಲ್ಲದೆ, ಸ್ಮಾರ್ಟ್​ವಾಚ್​ಗೆ ತಕ್ಕಂತೆ ಬ್ಯಾಟರಿ ಬಾಳಿಕೆಯನ್ನು ವೃದ್ಧಿಸಲಾಗಿದ್ದು, ಒಂದು ಬಾರಿ ಚಾರ್ಜ್ ಮಾಡಿದರೆ 8 ದಿನಗಳ ಕಾಲ ಬಳಸಬಹುದಾಗಿದೆ.

ಶಿಯೋಮಿ ಕಂಪೆನಿ ಮಿ ಬ್ಯಾಂಡ್​​ಗಳನ್ನು ಪರಿಚಯಿಸುತ್ತಾ ಬಂದಿದೆ. ಮಿ, ಮಿ1 ಮಿ2, ಕಲರ್ ಡಿಸ್​ಪ್ಲೇ  ಹೊಂದಿರುವ ಮಿ3 ಬ್ಯಾಂಡ್​​ಗಳನ್ನು ಪರಿಚಯಿಸುತ್ತಾ ಬಂದಿದೆ. ಜೊತೆಗೆ ಅದಕ್ಕೆ ಅನುಗುಣವಾದ ಫೀಚರ್ಸ್​ಗಳನ್ನು ಅದರಲ್ಲಿ ನೀಡಿದೆ.

ಮಿ ಬ್ಯಾಂಡ್​​ಗಳು ಮಾರುಕಟ್ಟೆಯಲ್ಲಿ ಭಾರೀ ಬೇಡಿಕೆಯನ್ನು ಗಳಿಸಿತ್ತು ಮತ್ತು ಕಡಿಮೆ ಬೆಲೆಯ ಈ ಸ್ಮಾರ್ಟ್​ಬ್ಯಾಂಡ್​ಗಳು ಗ್ರಾಹಕರ ಮನಸನ್ನು ಬೇಗ ಸೆಳೆದುಕೊಂಡಿತ್ತು.

ಈ ಹಿಂದೆಯೇ ಶಿಯೊಮಿ ಕಂಪೆನಿ ಸ್ಮಾರ್ಟ್​ವಾಚ್​​ಗಳನ್ನು ಮಾರುಕಟ್ಟೆಗೆ ತರಲು ಯೋಜನೆ ಹಾಕಿದ್ದು, ಆದರೆ ಇದೀಗ ಮಿ ಬುನ್ನಿ ಹೆಸರಿನ ವಾಚ್ 4 ಅನ್ನು ಸಿದ್ಧಪಡಿಸಿ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. ಮಾತ್ರವಲ್ಲದೆ ಹಲವಾರು ಫೀಚರ್ಸ್​ಗಳನ್ನು ಇದರಲ್ಲಿ ನೀಡಿದೆ.

ನೂತನ ಮಿ ಬುನ್ನಿ ವಾರ್ಚ್ 1.78 ಇಂಚಿನ ಅಮೋಲ್ಡ್ ಡಿಸ್​ಪ್ಲೇ ಹೊಂದಿದ್ದು, 5 ಮೆಗಾಪಿಕ್ಸೆಲ್ ಡ್ಯುಯೆಲ್ ಕ್ಯಾಮೆರಾವನ್ನು ನೀಡಲಾಗಿದೆ. ಇದರಲ್ಲಿ ವಿಡಿಯೋ ಕಾಲ್ ಫೀಚರ್ ಕೂಡ ಇರಲಿದೆ.

ಮಾತ್ರವಲ್ಲದೆ ಎನ್ಎಫ್​​ಸಿ, ವೈ-ಫೈ, 4ಜಿ, ಸ್ಟೀಕರ್, ಮೈಕ್ರೋಫೋನ್ ಆಯ್ಕೆ ಕೂಡ ಇದರಲ್ಲಿದೆ. ನೀರಿನಿಂದಲೂ ಈ ಸ್ಮಾರ್ಟ್​ವಾಚ್​ ರಕ್ಷಣೆ ಪಡೆಯಬಹುದಾದ ಸಾಮರ್ಥ್ಯ ಹೊಂದಿದೆ.

296 ಗ್ರಾಂ ತೂಕವಿರುವ ಶಿಯೋಮಿ ಬುನ್ನಿ ವಾಚ್​ನಲ್ಲಿ  920ಎಮ್ಎಎಚ್ ಬ್ಯಾಟರಿ ಅಳವಡಿಸಲಾಗಿದೆ. ಒಂದು ಬಾರಿ ಚಾರ್ಜ್ ಮಾಡಿದರೆ 8 ದಿನಗಳ ಕಾಲ ಬಳಸಬಹುದಾಗಿದೆ.

ಚೀನಾ ಮಾರುಕಟ್ಟೆಗೆ ಈ ಸ್ಮಾರ್ಟ್​ವಾರ್ಚ್ ಬಿಡುಗಡೆಗೊಂಡಿದ್ದು, ಏಪ್ರಿಲ್ 9ರ ನಂತರ ಶಿಯೋಮಿ ಬುನ್ನಿ ವಾಚ್ ಜೆಡಿ.ಕಾಮ್ ಮತ್ತು ಮಿ.ಡಾಟ್ ಕಾಮ್ ವೆಬ್​ಸೈಟ್​ನಲ್ಲಿ ಮಾರಾಟ ಶುರು ಮಾಡಲಿದೆ

ಮಾಹಿತಿಗಳ ಪ್ರಕಾರ ಮಿ ಬುನ್ನಿ ಸ್ಮಾರ್ಟ್​ವಾಚ್​ ಬೆಲೆ 9,600 ರೂಪಾಯಿ ಇರಲಿದೆ ಎಂದು ಅಂದಾಜಿಸಲಾಗಿದೆ