Shraddha Srinath: ತಮ್ಮ 14 ದಿನಗಳ ಐಸೋಲೇಶನ್​​ ಬಗ್ಗೆ ಬಾಯಿಬಿಟ್ಟ ಶ್ರದ್ಧಾ ಶ್ರೀನಾಥ್​..!

ನಟಿ ಶ್ರದ್ಧಾ ಶ್ರೀನಾಥ್​ ಸಹ 14 ದಿನಗಳು ಹೋಂ ಕ್ವಾರಂಟೈನ್​ ಮಾಡಲಾಗಿದೆ ಅನ್ನೋ ಸುದ್ದಿ ಈಗ ಎಲ್ಲೆಡೆ ಓಡಾಡುತ್ತಿದೆ.

ಶ್ರದ್ದಾ ಕ್ವಾರಂಟೈನ್​ನಲ್ಲಿ ಇದ್ದದ್ದು ಸತ್ಯ. ಆದರೆ ಅವರ ಬಗ್ಗೆ ಹರಡಿರುವ ಹೋಂ ಕ್ವಾರಂಟೈನ್​ ಸುದ್ದಿ ಕೇಳಿ ತುಂಬಾನೇ ಗರಂ ಆಗಿದ್ದಾರೆ.

ಚೆನ್ನೈ, ಹೈದರಾಬಾದ್​ ಅಂತ ಫ್ಲೈಟ್​ನಲ್ಲಿ ಓಡಾಡುತ್ತಿದ್ದ ಶ್ರದ್ಧಾ ಮನೆಯಲ್ಲಿ ಕ್ವಾರಂಟೈನ್​ ಆಗಿದ್ದು ನಿಜವಂತೆ.

ಹಾಗಂತಾ ಯಾರೂ ಅವರನ್ನು ಕ್ವಾರಂಟೈನ್​ ಮಾಡಲಿಲ್ಲವಂತೆ. ಖುದ್ದು ಅವರೇ ಈ ನಿರ್ಧಾರಕ್ಕೆ ಬಂದಿದ್ದು ಎಂದು ಟ್ವೀಟ್​ ಮಾಡಿದ್ದಾರೆ.

ತಮಿಳು ಪತ್ರಿಕೆಯೊಂದು ಶ್ರದ್ಧಾ ಹೋಂ ಕ್ವಾರಂಟೈನ್​ ಕುರಿತಾಗಿ ಸುದ್ದಿ ಮಾಡಿದ್ದು, ಈ ಬಗ್ಗೆ ತಮ್ಮ ಟ್ವಿಟರ್​ನಲ್ಲಿ ಸ್ಪಷ್ಟನೆ ಕೊಟ್ಟಿದ್ದಾರೆ ಶ್ರದ್ಧಾ.

ನಾನು ಮಾ.12-15 ನಡುವೆ ವಿಮಾನದಲ್ಲಿ ಪ್ರಯಾಣಿಸಿದ್ದೆ. ಆ ಫ್ಲೈಟ್​ನಲ್ಲಿ ಯಾವಸೋಂಕಿತರು ಇರಲಿಲ್ಲ. ಹೀಗಾಗಿ ನಮ್ಮ ಮನೆಗೆ ರಾಜ್ಯ ಸರ್ಕಾರದ ಯಾವ ವೈದ್ಯಧಾರಿಕಾರಿಗಳೂ ಭೇಟಿ ನೀಡಲಿಲ್ಲ.

ನನಗೆ ಮನೆಯಲ್ಲೇ ಇರುವಂತೆ ಯಾರೂ ಹೇಳಲಿಲ್ಲ.

ಆದರೆ ನಾನೇ ನನ್ನ ಸಂಬಂಧಿಕರಲ್ಲಿದ್ದ ವೈದ್ಯರನ್ನು ಸಂಪರ್ಕಿಸಿ 14 ದಿನಗಳ ಕಾಲ ಸೆಲ್ಫ್​ ಐಸೋಲೇಶನ್​ನಲ್ಲಿದೆ. ಮಾ.29ಕ್ಕೆ 14 ದಿನಗಳ ಐಸೋಲೇಶನ್ ​ಕೊನೆಗೊಂಡಿತು. ಜವಾಬ್ದಾರಿಯುತ ನಾಗರಿಕಳಾಗಿ ನನ್ನ ಕರ್ತವ್ಯ ನಿರ್ವಹಿಸಿದ್ದೇನೆ ಎಂದು ಶ್ರದ್ಧಾ ಬರೆದುಕೊಂಡಿದ್ದಾರೆ.

ಆದರೆ ವದಂತಿಗಳ ಬಗ್ಗೆ ಸುದ್ದಿ ಮಾಡಿದ್ದ ಪತ್ರಿಕೆಯನ್ನೂ ತರಾಟೆಗೆ ತೆಗೆದುಕೊಂಡಿದ್ದಾರೆ.

ಇತ್ತೀಚೆಗಷ್ಟೆ ಚೆನ್ನೈನ ಫಿನಿಕ್ಸ್​ ಮಾಲ್​ನಲ್ಲಿ ಶ್ರದ್ಧಾ ತಮ್ಮದೇ ಆದ ರೆಸ್ಟೊರೆಂಟ್​ ತೆರೆದಿದ್ದಾರೆ.

ಅದರ ಕೆಲಸಗಳ ಮೇಲೆಯೇ ಅವರು ಚೆನ್ನೈಗೆ ಓಡಾಡುತ್ತಿದ್ದರು.

ಶ್ರದ್ಧಾ ಶ್ರೀನಾಥ್​

ಶ್ರದ್ಧಾ ಶ್ರೀನಾಥ್​

ಶ್ರದ್ಧಾ ಶ್ರೀನಾಥ್​

ಶ್ರದ್ಧಾ ಶ್ರೀನಾಥ್​

ಶ್ರದ್ಧಾ ಶ್ರೀನಾಥ್​

ಶ್ರದ್ಧಾ ಶ್ರೀನಾಥ್​