ಕೊರೋನಾ ಎಫೆಕ್ಟ್​: 2 ಸಾವಿರ ಕುಟುಂಬಗಳ ನೆರವಿಗೆ ನಿಂತ ಸ್ಟಾರ್ ಕ್ರಿಕೆಟರ್

ಕೊರೋನಾ ಎಂಬ ವೈರಾಣುನಿಂದ ಇಡೀ ವಿಶ್ವವೇ ತತ್ತರಿಸಿ ಹೋಗಿದೆ. ಇತ್ತ ಭಾರತ ಈ ಸೋಂಕು ಹರಡದಂತೆ ತಡೆಯಲು 21 ದಿನಗಳ ಲಾಕ್​ಡೌನ್ ಹೇರಿದೆ. ಅತ್ತ ಬಾಂಗ್ಲಾದೇಶದ ಪರಿಸ್ಥಿತಿ ಕೂಡ ಭಿನ್ನವಾಗಿಲ್ಲ.

ಎಲ್ಲೆಡೆ ವೇಗದಿಂದ ಹರಡುತ್ತಿರುವ ಈ ಸೋಂಕು ಬಾಂಗ್ಲಾದೇಶದಲ್ಲಿ 48 ಮಂದಿಯಲ್ಲಿ ಕಂಡು ಬಂದಿದೆ. ಮುನ್ನೆಚ್ಚರಿಕೆ ಕ್ರಮವಾಗಿ ಈಗಾಗಲೇ ಎಲ್ಲಾ ವ್ಯವಹಾರ, ವ್ಯಾಪಾರಗಳನ್ನು ರದ್ದುಗೊಳಿಸುವಂತೆ ಅಲ್ಲಿನ ಸರ್ಕಾರ ಆದೇಶ ಹೊರಡಿಸಿದೆ.

ಸೋಂಕನ್ನು ತಡೆಯಲು ಬಾಂಗ್ಲಾದೇಶ ಎಮರ್ಜೆನ್ಸಿ ಘೋಷಿಸಿದ್ದು, ಇದರಿಂದ ಅನೇಕ ಬಡ ಕಾರ್ಮಿಕರು ನಿರುದ್ಯೋಗಿಗಳಾಗಿದ್ದಾರೆ. ಸಣ್ಣ ಪುಟ್ಟ ಕೆಲಸ ಮಾಡುತ್ತಾ ದಿನ ದೂಡುತ್ತಿದ್ದ ಬಡ ಕಾರ್ಮಿಕರು ಇದೀಗ ಒಂದೊತ್ತಿನ ಆಹಾರಕ್ಕಾಗಿ ಪರದಾಡುತ್ತಿದ್ದಾರೆ.

ಇಂತಹ 2 ಸಾವಿರ ಕುಟುಂಬಗಳ ನೆರವಿಗೆ ಮುಂದಾಗಿದ್ದಾರೆ ಎಡಗೈ ದಾಂಡಿಗ ಶಕೀಬ್ ಅಲ್ ಹಸನ್.

ಕೊರೋನಾ ವೈರಸ್ ವಿರುದ್ಧ ಹೋರಾಡುತ್ತಿರುವ ಬಾಂಗ್ಲಾದೇಶವನ್ನು ಉಳಿಸುವುದು ನನ್ನ ಉದ್ದೇಶ. ಪ್ರಸ್ತುತ ನಿರುದ್ಯೋಗಿಗಳಾಗಿರುವ ಜನರಿಗೆ ಆಹಾರ ಒದಗಿಸುವ ಜವಾಬ್ದಾರಿ ವಹಿಸಿಕೊಂಡಿದ್ದೇನೆ ಎಂದು ಶಕೀಬ್ ತಿಳಿಸಿದ್ದಾರೆ.

ಶಕೀಬ್ ಅಲ್ ಹಸನ್ ಫೌಂಡೇಷನ್ ಮೂಲಕ ಬಾಂಗ್ಲಾ ಕ್ರಿಕೆಟಿಗ 2000 ಕುಟುಂಬಗಳ ನೆರವಿಗೆ ನಿಂತಿದ್ದು, ಈ ಮೂಲಕ ಆಹಾರ ಒದಗಿಸುವ ಕೆಲಸಕ್ಕೆ ಕೈ ಹಾಕಿದ್ದಾರೆ.

ಶಕೀಬ್ ಅಲ್ ಹಸನ್ ಫೌಂಡೇಷನ್ ಮೂಲಕ ಬಾಂಗ್ಲಾ ಕ್ರಿಕೆಟಿಗ 2000 ಕುಟುಂಬಗಳ ನೆರವಿಗೆ ನಿಂತಿದ್ದು, ಈ ಮೂಲಕ ಆಹಾರ ಒದಗಿಸುವ ಕೆಲಸಕ್ಕೆ ಕೈ ಹಾಕಿದ್ದಾರೆ.

ಇದರ ಹೊರತಾಗಿ ಕೊರೋನಾ ವಿರುದ್ಧದ ಹೋರಾಟಕ್ಕೆ ಬಾಂಗ್ಲಾದೇಶ ಕ್ರಿಕೆಟ್ ತಂಡದ ಆಟಗಾರರು ತಮ್ಮ ಸಂಬಳದ ಅರ್ಧದಷ್ಟು ಹಣವನ್ನು ದಾನ ಮಾಡಿದ್ದಾರೆ.

ಇದೀಗ ಶಕೀಬ್ ಅಲ್ ಹಸನ್ ಅವರ ಸಾಮಾಜಿಕ ಕಳಕಳಿಗೆ ಭಾರೀ ಬೆಂಬಲ ವ್ಯಕ್ತವಾಗುತ್ತಿದ್ದು, ಅಭಿಮಾನಿಗಳು ಸೇರಿ ಅನೇಕರು ಕ್ರಿಕೆಟಿಗನ ಕಾರ್ಯಕ್ಕೆ ಸಾಥ್ ನೀಡುವುದಾಗಿ ತಿಳಿಸಿದ್ದಾರೆ.

ಶಕೀಬ್ ಅಲ್ ಹಸನ್

ಶಕೀಬ್ ಅಲ್ ಹಸನ್

ಶಕೀಬ್ ಅಲ್ ಹಸನ್

ಶಕೀಬ್ ಅಲ್ ಹಸನ್