ಚಕ್ರವರ್ತಿ ಸೂಲಿಬೆಲೆಗೆ ಮೊದಲು ಮಾನವನಾಗು ಎಂದ ನಟ ಡಾಲಿ ಧನಂಜಯ್​!

ವಿಶ್ವದಾದ್ಯಂತ ಮಹಾಮಾರಿ ಕೊರೋನಾ ವೈರಸ್ ಜನರನ್ನು ಸಾವಿನ ಸುಳಿಯತ್ತ ಕೊಂಡೊಯ್ಯುವ ಮೂಲಕ ಜಗತ್ತನೇ ತಲ್ಲಣಗೊಳಿಸಿದೆ.

ಮಾರಕ ವೈರಸ್ ಬಗ್ಗೆ ಸೆಲೆಬ್ರಿಟಿಗಳು, ನಟ-ನಟಿಯರು ಸಾಮಾಜಿಕ ತಾಣದ ಮೂಲಕ ಜನರಲ್ಲಿ ಜಾಗೃತಿ ಮೂಡಿಸುವ ಕೆಲಸ ಮಾಡುತ್ತಿದ್ದಾರೆ. ಈ ನಡುವೆ ಚಕ್ರವರ್ತಿ ಸೂಲಿಬೆಲೆ ಮಾಡಿರುವ ಟ್ವೀಟ್ವೊಂದು ಅನೇಕರ ಕೆಂಗಣ್ಣಿಗೆ ಗುರಿಯಾಗಿದೆ.

ಇಟಲಿ ದೇಶ ಕೊರೋನಾ ಭೀತಿ ಎದುರಿಸುತ್ತಿದೆ. ಈಗಾಗಲೇ ಸುಮಾರು 24,747 ಜನರು ಕೊರೋನಾ ಸೋಂಕಿತರು ಪತ್ತೆಯಾಗಿದ್ದಾರೆ. . 1809 ಜನರು ಸೋಂಕಿನಿಂದಾಗಿ ಸಾವಿನ ನಿದ್ರೆಗೆ ಜಾರಿದ್ದಾರೆ. ಮತ್ತೊಂದೆಡೆ ಆಸ್ಪತ್ರೆಗಳ ಅಭಾವ ಕೂಡ ಉಂಟಾಗಿದೆ.

ಹೀಗಿರುವಾಗ 80 ವರ್ಷ ಮೇಲ್ಪಟ್ಟ ಕೊರೋನಾ ಸೋಂಕಿತ ವೃದ್ಧನಿಗೆ ಐಸಿಯು ನೀಡಲು ನಿರಾಕರಿದೆ. ಈಗಾಗಲೇ ಇಟಲಿಯಲ್ಲಿ ಸೋಂಕು ವ್ಯಾಪಕವಾಗಿ ಹರಡುತ್ತಿರುವ ಹಿನ್ನೆಲೆಯಲ್ಲಿ ಆಸ್ಪತ್ರೆಯಲ್ಲಿ ಜಾಗದ ಅಭಾವ ಸೃಷ್ಟಿಯಾಗಿದೆ.

ಹೀಗಾಗಿ 80 ವರ್ಷ ಮೇಲ್ಪಟ್ಟವರಿಗೆ ತೀವ್ರ ನಿಗಾ ಘಟಕದಲ್ಲಿ ಚಿಕಿತ್ಸೆ ನೀಡಲು ಸಾಧ್ಯವಿಲ್ಲ ಎಂದು ಅಲ್ಲಿನ ಪ್ರಧಾನಿ ಹೇಳಿದ್ದಾರೆ. ಇದನ್ನೇ ಇಟ್ಟುಕೊಂಡು ಸೂಲಿಬೆಲೆ ಅವರು ಜೀಸಸ್ ಎಲ್ಲರನ್ನೂ ಪ್ರೀತಿಸುತ್ತಾನೆ ಎಂದು ವ್ಯಂಗ್ಯವಾಗಿ ಟ್ವೀಟ್ ಮಾಡಿದ್ದಾರೆ.

ಸೂಲಿಬೆಲೆ ಟ್ವೀಟ್​​ಗೆ ಹಲವು ನೆಟ್ಟಿಗರು ಕೋಪಗೊಂಡು, ತೀವ್ರ ತರಾಟೆಗೆ ತೆಗೆದುಕೊಂಡಿದ್ದಾರೆ. ಇಂತಹ ಸಂದಿಗ್ನ ಸನ್ನಿವೇಶಕ್ಕೆ ಕೋಮು ಬಣ್ಣ ನೀಡುವ ನಿನಗೆ ನಾಚಿಕೆಯಾಗಬೇಕು ಎಂದು ಕಿಡಿಕಾರಿದ್ದಾರೆ.

ಅಷ್ಟೇ ಅಲ್ಲದೇ, ನಟ ಡಾಲಿ ಧನಂಜಯ ಅವರು ಈ ಬಗ್ಗೆ ರಿಟ್ವೀಟ್ ಮಾಡಿ, ‘ಏನಾದರು ಆಗು ಮೊದಲು ಮಾನವನಾಗು‘ ಎಂದು ಸೂಕ್ಷ್ಮವಾಗಿ ಸೂಲಿಬೆಲೆಗೆ ತಿವಿದಿದ್ದಾರೆ.

ನಟ ಡಾಲಿ ಧನಂಜಯ್​  ಮಾಡಿರುವ ರಿಟ್ವೀಟ್ 

ಸೂಲಿಬೆಲೆ ಮಾಡಿರುವ ಟ್ವೀಟ್​​ಗೆ  ಟ್ವೀಟ್ಟಿಗರು ವಿರೋಧ ವ್ಯಕ್ತಪಡಿಸುತ್ತಿದ್ದಂತೆ. ಚಕ್ರವರ್ತಿ ಮತ್ತೊಂದು ಟ್ವೀಟ್ ಮಾಡಿದ್ದಾರೆ. ಆ ಟ್ವೀಟ್​ನಲ್ಲಿ ಕ್ಷಮಿಸಿ ನಾನು ನನ್ನ ಟ್ವೀಟ್ ಅನ್ನು ಸರಿಪಡಿಸಿಕೊಂಡಿದ್ದೇನೆ.

ಜಗತ್ತಿನಾದ್ಯಂತ ಮಿಷನರಿಗಳು ಸಂಚರಿಸುತ್ತಾ ಜಾಗೃತಿ ಮಾಹಿಯನ್ನು ಹೊರಡಿಸುತ್ತಿರುವ ವಿಚಾರನ್ನು ನಾನಿಲ್ಲಿ ಬರೆದುಕೊಂಡಿದ್ದೇನೆ.

ಆದರೆ ಇಟಲಿಯಲ್ಲಿ ಮಾತ್ರ 80 ವರ್ಷಕ್ಕಿಂತ ಪ್ರಾಯದ ವೃದ್ಧರಿಗೆ ಐಸಿಯುವಿನಲ್ಲಿ ಚಿಕಿತ್ಸೆ ನೀಡುವಲ್ಲಿ ಹಿಂದೇಟು ಹಾಕುತ್ತಿದ್ದಾರೆ. ದೇವರು ಎಲ್ಲರನ್ನು ಪ್ರೀತಿಸುತ್ತಾರೆ ಆದರೆ 80 ವರ್ಷಕ್ಕಿಂತ ಹೆಚ್ಚಿನ ಪ್ರಾಯದ ವಯೋವೃದ್ಧರಿಗೆ ಮಾತ್ರ ಚಿಕಿತ್ಸೆ ನೀಡುತ್ತಿಲ್ಲ ಎಂದು ಬರೆದುಕೊಂಡಿದ್ದಾರೆ.

ನಟ ಡಾಲಿ ಧನಂಜಯ್​

ನಟ ಡಾಲಿ ಧನಂಜಯ್​