ಮಾಸ್ಕ್ ಹಾಕಿಕೊಂಡಿಲ್ಲವೆಂದು ಮೇಕೆಯನ್ನೇ ಬಂಧಿಸಿದ ಪೊಲೀಸರು ; ಉತ್ತರ ಪ್ರದೇಶದಲ್ಲೊಂದು ವಿಲಕ್ಷಣ ಘಟನೆ

ಮಾಸ್ಕ್​​ ಹಾಕಿಕೊಳ್ಳದ ಜನರನ್ನು ಬಂಧಿಸುವ ಇಲ್ಲವೆ ಕೇಸ್​ ಹಾಕುವುದು ನೋಡಿದ್ದೇವೆ. ಆದರೆ ಉತ್ತರ ಪ್ರದೇಶದಲ್ಲೊಂದು ವಿಲಕ್ಷಣ ಘಟನೆ ನಡೆದಿದೆ.

ಮಾಸ್ಕ್​​​​ ಹಾಕಿಕೊಳ್ಳದ ಆರೋಪದ ಮೇಲೆ ಬೆಕೋಗಂಜ್​​ ಪ್ರದೇಶದಲ್ಲಿ ತಿರುಗಾಡುತ್ತಿದ್ದ ಮೇಕೆಯೊಂದನ್ನು ಕಾನ್ಪುರ್ ಪೊಲೀಸರು ಬಂಧಿಸಿದ್ದಾರೆ.

ವಾರಾಂತ್ಯದಲ್ಲಿ ಈ ಘಟನೆ ನಡೆದಿದೆ. ಬೆಕೊಂಗಂಜ್ ಪೊಲೀಸರು ಮೇಕೆಯನ್ನು ಜೀಪ್‌ನಲ್ಲಿ ಹಾಕಿಕೊಂಡು ಪೊಲೀಸ್ ಠಾಣೆಗೆ ಕರೆದೊಯ್ದಿದ್ದಾರೆ.

ಪೊಲೀಸರು ತನ್ನ ಮೇಕೆಯನ್ನು ತೆಗೆದುಕೊಂಡು ಹೋಗಿರುವ ಮಾಹಿತಿ ತಿಳಿದ ಮೇಕೆಯ ಮಾಲೀಕ ಪೊಲೀಸ್​ ಠಾಣೆಗೆ ಧಾವಿಸಿದ್ದಾರೆ.

ಪೊಲೀಸರು ತನ್ನ ಮೇಕೆಯನ್ನು ತೆಗೆದುಕೊಂಡು ಹೋಗಿರುವ ಮಾಹಿತಿ ತಿಳಿದ ಮೇಕೆಯ ಮಾಲೀಕ ಪೊಲೀಸ್​ ಠಾಣೆಗೆ ಧಾವಿಸಿದ್ದಾನೆ.

ಯಾಕೆ ತನ್ನ ಮೇಕೆಯನ್ನು ಹಿಡಿದುಕೊಂಡು ಬರಲಾಗಿದೆ ಎಂದು ಪ್ರಶ್ನಿಸಿದ ಮೇಕೆಯ ಮಾಲೀಕ, ಅದನ್ನು ಬಿಡುಗಡೆ ಮಾಡುವಂತೆ ಪೊಲೀಸರಿಗೆ ಮನವಿ ಮಾಡಿದ್ದಾನೆ.

ಕೊನೆಗೆ ಪೊಲೀಸರು ಅವನ ಮೇಕೆ ಹಿಂತಿರುಗಿಸಲು ಒಪ್ಪಿಗೆ ಸೂಚಿಸಿದ್ದಾರೆ. ಆದರೆ ಪ್ರಾಣಿಗಳನ್ನು ರಸ್ತೆಯಲ್ಲಿ ಸಂಚರಿಸಲು ಬಿಡದಿರುವಂತೆ ಮಾಲೀಕನಿಗೆ ತಾಕೀತು ಮಾಡಿದ್ದಾರೆ.

ಮಾಸ್ಕ್ ಹಾಕಿಕೊಳ್ಳದೆ ಯುವಕ ರಸ್ತೆಯ ಮೇಲೆ ಹೋಗುತ್ತಿದ್ದುದನ್ನು ಪರಿಶೀಲಿಸಿದಾಗ, ಮೇಕೆಯೂ ನಡೆದುಕೊಂಡು ಹೋಗುತ್ತಿರುವುದು ಗಮನಕ್ಕೆ ಬಂದಿದೆ ಎಂದು ಅನ್ವರ್​ಗಂಜ್​ ಪೊಲೀಸ್ ಠಾಣೆ ಸರ್ಕಲ್ ಅಧಿಕಾರಿ ಸೈಫುದ್ದೀನ್ ಬೇಗ್ ತಿಳಿಸಿದ್ದಾರೆ

ಮಾಸ್ಕ್ ಹಾಕಿಕೊಳ್ಳದ ಯುವಕನನ್ನು ವಶಕ್ಕೆ ಪಡೆಯಲು ಯತ್ನಿಸಿದಾಗ ಆತ ಪೊಲೀಸರನ್ನು ನೋಡಿ ಓಡಿಹೋಗಿದ್ದಾನೆ. ಮೇಕೆ ಆತನದ್ದೇ ಇರಬಹುದೆಂದು ಪೊಲೀಸರು ಮೇಕೆಯನ್ನು ಠಾಣೆಗೆ ತಂದಿದ್ದರು. ನಂತರ, ನಾವು ಮೇಕೆ ಅದರ ಮಾಲೀಕರಿಗೆ ಹಸ್ತಾಂತರಿಸಿದೆವು ಎಂದು ಅಧಿಕಾರಿ ಮಾಹಿತಿ ನೀಡಿದ್ದಾರೆ.

ಜನರು ಈಗ ತಮ್ಮ ನಾಯಿಗಳಿಗೂ ಮಾಸ್ಕ್ ಧರಿಸುತ್ತಿರಬೇಕಾದರೆ, ಮೇಕೆಗೆ ಮಾಸ್ಕ್ ಏಕೆ ಹಾಕಬಾರದು ಎಂದು ಅಧಿಕಾರಿ ಪ್ರಶ್ನಿಸಿದ್ದಾರೆ.

ಸಾಮಾಜಿಕ ಜಾಲ ತಾಣದಲ್ಲಿ ಅಪಹಾಸ್ಯಕ್ಕೀಡಾಗುತ್ತಿದ್ದಂತೆಯೇ ಪೊಲೀಸರು ತಮ್ಮ ನಿಲುವನ್ನು ಬದಲಿಸಿದ್ದಾರೆ.