Patnaದಲ್ಲಿ ಹೊಸ ಓಮಿಕ್ರಾನ್ ತಳಿ ಪತ್ತೆ; ಮೂರನೇ ಅಲೆ ರೂಪಾಂತರಿಗಿಂತ ಅಪಾಯಕಾರಿ ಇದು

ದೇಶದೆಲ್ಲೆಡೆ ಇದೀಗ ಕೋವಿಡ್​ ನಾಲ್ಕನೇ ಅಲೆ ಆತಂಕ ಎದುರಾಗಿದೆ. ಈ ನಡುವೆ ಪಾಟ್ನಾದಲ್ಲಿ ಓಮಿಕ್ರಾನ್​ನ ಹೊಸ ರೂಪಾಂತರ ತಳಿ ಪತ್ತೆ ಆಗಿರುವುದು ಆತಂಕ ಮೂಡಿಸಿದೆ. ವಿಶೇಷ ಎಂದರೆ, ಇಲ್ಲಿ ಪತ್ತೆಯಾಗಿರುವ ಈ ಓಮಿಕ್ರಾನ್​ ಹೊಸ ರೂಪಾಂತರ ತಳಿ ಈ ಹಿಂದಿನ BA.2. 12 BA.2 ಗಿಂತ 10 ಪಟ್ಟು ಹೆಚ್ಚು ಅಪಾಯಕಾರಿಯಾಗಿದೆ

ಪಾಟ್ನಾದ ಇಂದಿರಾಗಾಂಧಿ ವೈದ್ಯಕೀಯ ವಿಜ್ಞಾನ ಸಂಸ್ಥೆಯಲ್ಲಿ ಬಿಹಾರದ ಆರೋಗ್ಯ ಇಲಾಖೆಯು ಹೊಸ ಓಮಿಕ್ರಾನ್ ರೂಪಾಂತರವನ್ನು ಪತ್ತೆ ಮಾಡಿದೆ. ದೇಶದಲ್ಲಿ ಕರೋನಾದ ಮೂರನೇ ಅಲೆಯ ಸಮಯದಲ್ಲಿ ಈ ಸೋಂಕು ಪತ್ತೆಯಾಗಿದೆ. BA.2.12 ರೂಪಾಂತರವನ್ನು ಮೊದಲು ಅಮೆರಿಕದಲ್ಲಿ ಕಂಡುಹಿಡಿಯಲಾಗಿತು.

ದೆಹಲಿಯಲ್ಲಿ ಈಗಾಗಲೇ ಐದು ಬಿಎ.2.12 ಪ್ರಕರಣಗಳು ಪತ್ತೆಯಾಗಿದ್ದು, ಈಗ ಪಾಟ್ನಾದಲ್ಲಿ ಮೊದಲ ಪ್ರಕರಣ ಪತ್ತೆಯಾಗಿದೆ

ಐಜಿಐಎಂಎಸ್‌ನ ಮೈಕ್ರೋಬಯಾಲಜಿ ವಿಭಾಗದ ಎಚ್‌ಒಡಿ ಪ್ರೊಫೆಸರ್ ಡಾ ನಮ್ರತಾ ಕುಮಾರಿ ನೀಡಿರುವ ಮಾಹಿತಿ ಪ್ರಕಾರ ಹೆಚ್ಚುತ್ತಿರುವ ಕೋವಿಡ್ ಪ್ರಕರಣಗಳನ್ನು ಗಮನದಲ್ಲಿಟ್ಟುಕೊಂಡು, ನಾವು ಕರೋನಾದ ಓಮಿಕ್ರಾನ್ ರೂಪಾಂತರದ ಮಾದರಿಗಳ ಜಿನೋಮ್ ಅನುಕ್ರಮವನ್ನು ಪ್ರಾರಂಭಿಸಿದ್ದೇವೆ.

ಈ ವೇಳೆ13 ಮಾದರಿಗಳನ್ನು ಪರೀಕ್ಷಿಸಲಾಯಿತು. ಅವುಗಳಲ್ಲಿ ಒಂದು ಬಿಎ.12 ತಳಿಗಳನ್ನು ಹೊಂದಿತ್ತು. ಉಳಿದ 12 ಮಾದರಿಗಳು BA.2 ತಳಿಗಳನ್ನು ಹೊಂದಿವೆ.

BA.12 ರೂಪಾಂತರವು BA.2 ಗಿಂತ 10 ಪಟ್ಟು ಹೆಚ್ಚು ಅಪಾಯಕಾರಿಯಾಗಿದೆ. ಆದರೂ ಆತಂಕ ಪಡುವ ಅಗತ್ಯವಿಲ್ಲ. ಅದರಿಂದ ರಕ್ಷಿಸಿಕೊಳ್ಳಲು ಇಲ್ಲಿ ಮುನ್ನೆಚ್ಚರಿಕೆ ಅಗತ್ಯ ಎಂದಿದ್ದಾರೆ

ಏಪ್ರಿಲ್ 23 ರಂದು, ರಾಷ್ಟ್ರ ರಾಜಧಾನಿಯು ಮೊದಲ ಬಾರಿಗೆ ಕೋವಿಡ್​​ನ BA.2.12 ರೂಪಾಂತರ ವರದಿ ಆಗಿದೆ. ಇದು ಓಮಿಕ್ರಾನ್​ ರೂಪಾಂತರಿಗಿಂತ ಹೆಚ್ಚು ಹರಡುತ್ತದೆ. BA.2.12 ಓಮಿಕ್ರಾನ್ ರೂಪಾಂತರದ ಉಪ-ವಂಶಾವಳಿಯಾಗಿದೆ.

ದೆಹಲಿಯಲ್ಲಿ ಕೋವಿಡ್​ 19 ಪ್ರಕರಣಗಳಲ್ಲಿ ಪ್ರಸ್ತುತ ಉಲ್ಬಣವನ್ನು ಕಂಡುಹಿಡಿಯುವ ಸಂದರ್ಭದಲ್ಲಿ ಈ ಜೀನೋಮ್ ಸೀಕ್ವೆನ್ಸಿಂಗ್ ಪತ್ತೆ ಮಾಡಲಾಗಿದೆ.