ಮಹಾರಾಷ್ಟ್ರದಲ್ಲಿ ಇನ್ಮುಂದೆ Mask​ ಕಡ್ಡಾಯ ಅಲ್ಲ; ಕರ್ನಾಟಕದಲ್ಲಿ?

ಕೋವಿಡ್ ಸೋಂಕು ಆರಂಭವಾದ ಸಮಯ ಹಾಗೂ ಎರಡನೇ ಕೋವಿಡ್ ಅಲೆಯಲ್ಲಿ ದೇಶದಲ್ಲಿ ಅತಿ ಹೆಚ್ಚು ಸೋಂಕಿಗೆ ನಲುಗಿದ್ದ ರಾಜ್ಯ ಮಹಾರಾಷ್ಟ್ರ.

ವಾಣಿಜ್ಯ ನಗರಿಯಲ್ಲಿ ಸೋಂಕು ನಿಯಂತ್ರಣಕ್ಕೆ ಕರ್ಫ್ಯೂ ಸೇರಿದಂತೆ ಬಿಗಿ ನಿಯಂತ್ರಣದ ಜೊತೆಗೆ ಅಂತರಾಷ್ಟ್ರೀಯ ಪ್ರಯಾಣಿಕರ ಮೇಲೆ ಹೆಚ್ಚಿನ ನಿರ್ಬಂಧ ಕೈಗೊಳ್ಳಲಾಗಿತ್ತು

ಆದರೆ, ಇದೀಗ ಮಹಾರಾಷ್ಟ್ರದಲ್ಲಿ ಗಣನೀಯವಾಗಿ ಕೋವಿಡ್ ಸೋಂಕು ಕಡಿಮೆಯಾಗಿದೆ. ಈ ಹಿನ್ನಲೆ ಕೋವಿಡ್ ನಿರ್ಬಂಧಗಳನ್ನು ಸಡಿಲಗೊಳಿಸಲಾಗಿದೆ.

ಈ ಸಂಬಂಧ ಇಂದು ಟ್ವೀಟ ಮಾಡಿರುವ ಮಹಾರಾಷ್ಟ್ರ ಸಿಎಂ ಉದ್ಧವ್ ಠಾಕ್ರೆ ರಾಜ್ಯದಲ್ಲಿ ಮರಾಠಿ ಹೊಸ ವರ್ಷ ಬರಮಾಡಿಕೊಳ್ಳುತ್ತಿದ್ದಂತೆ ಎಲ್ಲಾ ಕೋವಿಡ್ ನಿರ್ಬಂಧಗಳನ್ಜು ತೆರುವು ಮಾಡಲಾಗುತ್ತಿದೆ ಎಂದು ತಿಳಿಸಿದ್ದಾರೆ.

ಮರಾಠಿಗರ ಹೊಸ ವರ್ಷವಾದ ಗುಡಿ ಪಡ್ವಾ ದಿಂದ ಮಾಸ್ಕ್​ ಧಾರಣೆ ಕಡ್ಡಾಯವಲ್ಲ, ಆದರೆ ಮಾಸ್ಕ್​ ಧರಿಸುವಂತೆ ನಾವು ಸಲಹೆ ನೀಡುತ್ತೇವೆ ಎಂದು ಅವರು ತಿಳಿಸಿದ್ದಾರೆ.

ಇಂದು ಮಹಾರಾಷ್ಟ್ರ ಸಿಎಂ ನೇತೃತ್ವದಲ್ಲಿ ನಡೆದ ಸಚಿವ ಸಂಪುಟ ಸಭೆಯಲ್ಲಿ ಈ ಕೋವಿಡ್​ ನಿರ್ಬಂಧ ತೆರುವುಗೊಳಿಸುವ ಕುರಿತು ನಿರ್ಧಾರ ನಡೆಸಲಾಗಿದೆ.

ಇನ್ನು ಮಹಾರಾಷ್ಟ್ರದಲ್ಲಿ ದಿನದ ಕೋವಿಡ್​ ಸಂಖ್ಯೆ 100ಕ್ಕಿಂತ ಕಡಿಮೆ ಇಳಿದಿದೆ. ಅಲ್ಲದೇ ಇತ್ತೀಚೆಗೆ ಯಾವುದೇ ಕೋವಿಡ್​ ಸಾವು ಕೂಡ ವರದಿ ಆಗಿಲ್ಲ

35 ಜಿಲ್ಲೆಗಳಲ್ಲಿ 964 ಸಕ್ರಿಯ ಪ್ರಕರಣಗಳಿವೆ. ಯವತ್ಮಾಲ್, ವಾಶಿಮ್ ಮತ್ತು ಹಿಂಗೋಲಿ ಜಿಲ್ಲೆಗಳಲ್ಲಿ ಶೂನ್ಯ ಸಕ್ರಿಯ ಪ್ರಕರಣಗಳಿವೆ ಎಂದು ರಾಜ್ಯ ಆರೋಗ್ಯ ಇಲಾಖೆ ತಿಳಿಸಿದೆ.