ಕೊರೋನಾ ‌ಕಡಿವಾಣಕ್ಕೆ ಮಂಡ್ಯ ವೈದ್ಯನ ವಿನೂತನ‌ ಪ್ರಯೋಗ

ಕೊರೋನಾ ಕಡಿವಾಣಕ್ಕೆ ಮಂಡ್ಯದ ವೈದ್ಯನೋರ್ವ ಹೊಸ ವಿನೂತನ‌ ಪ್ರಯೋಗ ಮಾಡಿದ್ದಾರೆ. ತನ್ನ ಖಾಸಗಿ ಕ್ಲಿನಿಕ್​ನಲ್ಲಿ ತಪಾಸಣೆಗೆ ಬರುವವರಿಗೆ ಸೋಡಿಯಂ ಹೈಪೋ ಕ್ಲೋರೈಟ್ ಬಳಸಿ ಸ್ಯಾನಿಟೇಜ್ ಸ್ಪ್ರೇ‌ ಮಾಡುತ್ತಿದ್ದಾರೆ. ಡ್ರಾಪ್ಲೆಟ್ ಚೇಂಬರ್ ಕೇರ್ ನಲ್ಲಿ ಕೂರಿಸಿ ತಪಾಸಣೆ ಮತ್ತು ಪರಿಶೀಲನೆ ಮಾಡುವ ಮೂಲಕ ಪ್ರಾಥಮಿಕ ಹಂತದಲ್ಲೇ ಕೊರೋನಾ ಕಡಿವಾಣ ಹಾಕಬಹುದೆಂಬ ಅಭಿಪ್ರಾಯ ವ್ಯಕ್ತಪಡಿಸ್ತಿದ್ದಾರೆ.

ಹೌದು! ಅಂದ ಹಾಗೆ ಇವರ ಹೆಸರು ಡಾ. ಪ್ರಶಾಂತ್ ಈಶ್ವರ್. ಇವರು ಮಂಡ್ಯ ನಗರದ ಪ್ರಸಿದ್ದ ರೇಡಿಯಾಲಜಿಸ್ಟ್ ಆಗಿದ್ದು, ನಗರದಲ್ಲಿ ಅನುಷಾ ಡಯಾಗ್ನಸ್ಟಿಕ್ ಸೆಂಟರ್ ಇಟ್ಟುಕೊಂಡಿದ್ದು ಬಹಳ ಪ್ರಸಿದ್ದಿಯಾಗಿದ್ದಾರೆ. ಕೋವಿಡ್​ನಿಂದಾಗಿ ಬಹುತೇಕ ಡಯಾಗ್ನಸ್ಟಿಕ್ ಸೆಂಟರ್ ಮುಚ್ಚಿವೆಯಾದರೂ,ಇವರು ಮಾತ್ರ ಮುಚ್ಚಿಲ್ಲ. ಹಾಗಂತ ಇವರಿಗೆ ಕೊರೋನಾ ಭಯ ಇಲ್ಲ ಅಂತಲ್ಲ. ಇವರಿಗೂ ಭಯವಿದ್ರು, ಇವರು ಇದರಿಂದ ತಪ್ಪಿಸಿಕೊಳ್ಳಲು ತಮ್ಮದೇ ಅನುಭವದ ವಿಧಾನವೊಂದನ್ನು ಕಂಡುಕೊಂಡಿದ್ದಾರೆ.

ಇವರು ರೋಗಿಗಳ ತಪಾಸಣೆ ಮಾಡುವ ಕೊಠಡಿಗೆ ಪ್ರತಿನಿತ್ಯ ನಿಗದಿತ ಪ್ರಮಾಣದಲ್ಲಿ ನೀರಿನೊಂದಿಗೆ ಸೋಡಿಯಂ ಹೈಪೋಕ್ಲೋರೈಟ್ ರಾಸಾಯನಿಕ ಬಳಸಿ ಸ್ಯಾನಿಟೇಜ್ ಸ್ಪ್ರೇ‌ ಮಾಡಿಸಿಕೊಂಡು ಆ ಕೊಠಡಿಯಲ್ಲಿ ಬಂದ ರೋಗಿಗಳ ತಪಾಸಣೆ ಮಾಡ್ತಿದ್ದಾರೆ.

ಇದರಿಂದ ಬಹುತೇಕ ಕೊರೋನಾ ಪ್ರಾಥಮಿಕ ಲಕ್ಷಣಗಳಾದ ನೆಗಡಿ, ತಲೆನೋವು, ಗಂಟಲು ಕೆರೆತ ಹೊಂದಿದ್ದರೆ ಈ ಸೋಡಿಯಂ ಹೈಪೋ ಕ್ಲೋರೈಟ್ ಸೇವನೆಯಿಂದ ಗುಣಮುಖರಾಗ್ತಾರೆ ಅನ್ನೋದು ಇವರ ಅಭಿಪ್ರಾಯ. ಅಲ್ಲದೇ ಇದು ನನ್ನ ಅನುಭವಕ್ಕೆ ಬಂದಿದ್ದು ಅಂತಾರೆ ಈ ರೇಡಿಯಾಲಜಿಸ್ಟ್ ವೈದ್ಯ.

ಇನ್ನು ಇದಕ್ಕಾಗಿ ಇವರು‌ ತಮ್ಮ ಕ್ಲಿನಿಕ್​ನಲ್ಲಿ DCC ಕೊಠಡಿ ನಿರ್ಮಿಸಿಕೊಂಡಿದ್ದಾರೆ. (ಡ್ರಾಪ್ಲೆಟ್ ಚೇಂಬರ್ ಕೇರ್). ಇಲ್ಲಿ ಸ್ಪ್ರೇ ಮೂಲಕ ಸಿಂಪಡಿಸಲಾದ ಸೋಡಿಯಂ ಹೈಪೋಕ್ಲೋರೈಟ್​​ನ್ನು ಇಲ್ಲಿಗೆ ಬಂದವರು ಸೇವಿಸಿದಾಗ ಶ್ವಾಸಕೋಸದಲ್ಲಿನ ಉಸಿರಾಟದ ಸಮಸ್ಯೆ ಸಲೀಸಾಗಿದೆ. ಸಣ್ಣ ಸಣ್ಣ ಮೈಕ್ಲೋಪೇಟ್ ಗಳಾಗಿ ಈ ರಾಸಾಯನಿಕ ಸೇವನೆ ಮಾಡುವುದು ಆರೋಗ್ಯಕ್ಕೆ ಉಪಯುಕ್ತವಾಗಲಿದೆ.

ದೊಡ್ಡ ಪ್ರಮಾಣದಲ್ಲಿ ಇದರ ಸೇವನೆ ಅಪಾಯವಾದರೂ ಮೈಕ್ರೋ ಪ್ಲೇಟ್ ಸೇವನೆ ನೆಗಡಿ, ತಲೆನೋವು, ಗಂಟಲು ಕೆರೆತ ಓಡಿಸುವ ಗುಣ ಹೊಂದಿಯಂತೆ. ಇದರಿಂದ ಯಾವುದೇ ಅಡ್ಡಪರಿಣಾಮ ಕೂಡ ಆಗಲ್ಲವೆಂದು ಈ ವೈದ್ಯರು ತಿಳಿಸಿದ್ದು, ಇದು ಸ್ವಂತ ಅನುಭವದ ಆಧಾರದ ಮೇಲೆ ಕಂಡುಕೊಂಡಿರೋದಾಗಿ ಹೇಳಿದ್ದಾರೆ.

ಇದನ್ನು ಸರ್ಕಾರ ಮತ್ತಷ್ಟು ಸಂಶೋಧನೆ ನಡೆಸಿ ಕ್ವಾರೆಂಟೈನ್ ಮತ್ತು ಕೋವಿಡ್ ವಾರ್ಡ್ ನಲ್ಲಿ ಈ ವಿಧಾನ ಅನುಸರಿಸಿದ್ರೆ ಕೊರೋನಾಗೆ ಕಡಿವಾಣ ಹಾಕಲು ಇದು ರಾಮಬಾಣವಾಗಬಹುದೆಂಬ ಅಭಿಪ್ರಾಯ ವ್ಯಕ್ತ ಪಡಿಸಿದ್ದಾರೆ.

ಒಟ್ಟಿನಲ್ಲಿ ಮಂಡ್ಯದ ಈ ವೈದ್ಯ ತನ್ನ ಅನುಭವದ ಮೂಲಕ ಕಂಡುಕೊಂಡಿರುವ ಈ ವಿಧಾನವನ್ನು  ತನ್ನ ಕ್ಲಿನಿಕ್ ನಲ್ಲಿ ಪ್ರಯೋಗ ಮಾಡ್ತಿದ್ದಾರೆ. ಇಲ್ಲಿಗೆ ಬರುವ ಬಹುತೇಕ ರೋಗಿ ಗಳು ಮತ್ತು ಜನರು ಈ ಹೊಸ ವಿಧಾನದಿಂದ ತಮ್ಮಗಿದ್ದ ತಲೆನೋವು,ಗಂಟಲು ಕೆರೆತ, ನೆಗಡಿ ಇಲ್ಲಿನ ಕೊಠಡಿಗೆ ಬಂದ ಮೇಲೆ ಹೋಗಿದೆ ಎನ್ನುತ್ತಿದ್ದಾರೆ.

ಸರ್ಕಾರ ಈ ವಿಧಾನವನ್ನು‌  ತಜ್ಞರ ಸಲಹೆ ಪಡೆದು ಕೊವಿಡ್ ಕಡಿವಾಣಕ್ಕೆ ಬಳಸಲಿ ಅನ್ನೋದು ಈ ವೈದ್ಯನ ಸಲಹೆಯಾಗಿದ್ದು, ಸರ್ಕಾರ ಈ ಸಲಹೆಯನ್ನು ಎಷ್ಟರ ಮಟ್ಟಿಗೆ ಸ್ವೀಕರಿಸಲಿದೆ ಎನ್ನುವುದನ್ನು ಕಾದು ನೋಡಬೇಕಿದೆ.