ಟಿಆರ್​ಪಿ ವಿಷಯದಲ್ಲಿ ರಾಮಾಯಣಯಕ್ಕೆ ಟಕ್ಕರ್ ಕೊಡ್ತಾಳಾ ಪುಟ್ಟಗೌರಿ..!

ಲಾಕ್​ಡೌನ್​ನಿಂದಾಗಿ ದೂರದರ್ಶನ  80-90  ದಶಕದ ಧಾರಾವಾಹಿಗಳನ್ನು ಮರು ಪ್ರಸಾರ ಮಾಡುತ್ತಿದೆ. ಇದರಿಂದಾಗಿ ಈಗ ಟಿಆರ್​ಪಿ ವಿಷಯದಲ್ಲಿ ದೂರದರ್ಶನ ಖಾಸಗಿ ಚಾನಲ್​ಗಳನ್ನೂ ಹಿಂದಿಕ್ಕಿದೆ.

ಇದೇ ಕಾರಣಕ್ಕೆ ಈಗ ಕಲರ್ಸ್​ ವಾಹಿನಿ ಸಹ ಹಳೇ ಧಾರಾವಾಹಿಯನ್ನು ಮರು ಪ್ರಸಾರ ಮಾಡುತ್ತಿದೆ.

ಸೂಪರ್​ ಹಿಟ್​ ಧಾರಾವಾಹಿ ಬಾಲಿಕಾ ವಧುವನ್ನು ಸೋಮವಾರದಿಂದ ಶುಕ್ರವಾರದವೆರೆಗೆ ಸಂಜೆ 6ಕ್ಕೆ ಮರು ಪ್ರಸಾರ ಮಾಡುತ್ತಿದೆ.

ಧಾರಾವಾಹಿಯ ಮರು ಪ್ರಸಾರದ ಕುರಿತು ಕಲಾವಿದರಾದ ಅನೂಪ್​ ಸೋನಿ, ಅವಿಕಾ ಗೋರ್​ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್​ ಮಾಡಿದ್ದಾರೆ.

ಏ.14ಕ್ಕೆ ಮುಗಿಯಬೇಕಿದ್ದ ಲಾಕ್​ಡೌನ್​ ಈಗ ಮೇ 3ರವರೆಗೆ ವಿಸ್ತರಿಸಲಾಗಿದೆ. ಇದೇ ಕಾರಣದಿಂದಾಗಿ ಧಾರಾವಾಹಿಗಳ ಚಿತ್ರೀಕರಣ ಸಹ ನಡೆಯುತ್ತಿಲ್ಲ. ಇದರಿಂದಾಗಿ ಖಾಸಗಿ ಚಾನಲ್​ಗಳ ಟಿಆರ್​ಪಿಗೂ ಸಮಸ್ಯೆಯಾಗಿದೆ.

ಟಿಆರ್​ಪಿ ಹೆಚ್ಚಿಸುವ ಕಾರಣಕ್ಕೆ ಕಲರ್ಸ್​ ಸದ್ಯ ಒಂದು ಕಾಲದ ಸೂಪರ್​ ಹಿಟ್​ ಧಾರಾವಾಹಿ ಬಾಲಿಕಾ ವಧುವನ್ನು ಮರು ಪ್ರಸಾರ ಮಾಡುತ್ತಿದೆಯಂತೆ. ಇದೇ  ಧಾರಾವಾಹಿ ಕನ್ನಡದಲ್ಲಿ ಪುಟ್ಟಗೌರಿ ಎಂಬ ಹೆಸರಿನಲ್ಲಿ ಪ್ರಸಾರವಾಗಿತ್ತು.