Coronavirus Updates: ಕರ್ನಾಟಕದಲ್ಲಿ ಕೋವಿಡ್​​-19: ಒಂದೇ ದಿನ 5619 ಕೇಸ್​, 1.51 ಲಕ್ಷ ದಾಟಿದ ಸೋಂಕಿತರ ಸಂಖ್ಯೆ

ಕರ್ನಾಟದಲ್ಲಿ ಮಾರಕ ಕೋವಿಡ್​-19 ಆರ್ಭಟ ಮುಂದುವರೆದಿದೆ. ಇಂದು ಬುಧವಾರ ಒಂದೇ ದಿನ ಸುಮಾರು 5619 ಕೇಸ್​​ ಪತ್ತೆಯಾಗಿವೆ ಎಂದು ರಾಜ್ಯ ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿದ ಹೆಲ್ತ್​​​ ಬುಲೆಟಿನ್​​ನಿಂದ ತಿಳಿದು ಬಂದಿದೆ.

ರಾಜ್ಯದಲ್ಲಿ ಇಂದು 5619 ಮಂದಿಗೆ ಪಾಸಿಟಿವ್ ಕಾಣಿಸಿಕೊಂಡಿದೆ. ಇದರಿಂದ ರಾಜ್ಯದ ಕೊರೋನಾ ಸೋಂಕಿತರ ಸಂಖ್ಯೆ 151449ಕ್ಕೆ ಏರಿಕೆಯಾಗಿದೆ.

ಮಾರಕ ಕೊರೋನಾಗೆ ಒಂದೇ ದಿನ ಸುಮಾರು 100 ಮಂದಿ ಬಲಿಯಾಗಿದ್ಧಾರೆ. ಈ ಮೂಲಕ ಇದುವರೆಗೂ ರಾಜ್ಯದಲ್ಲಿ ಕೊರೋನಾದಿಂದ ಮೃತಪಟ್ಟವರ ಸಂಖ್ಯೆ 2804ಕ್ಕೆ ಏರಿಕೆಯಾಗಿದೆ.

ರಾಜಧಾನಿ ಬೆಂಗಳೂರಿನಲ್ಲಿ ಕಳೆದ 24 ಗಂಟೆಯಲ್ಲಿ 29 ಮಂದಿ ಬಲಿಯಾಗಿದ್ದಾರೆ ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ತಿಳಿಸಿದೆ.

ಎಂದಿನಂತೆಯೇ ಇಂದು ಕೂಡ ಬೆಂಗಳೂರು ನಗರದಲ್ಲಿ ಅತೀಹೆಚ್ಚು ಅಂದರೆ 1848 ಹೊಸ ಪ್ರಕರಣಗಳು ವರದಿಯಾಗಿದೆ.

ಇನ್ನು, 151449 ಪ್ರಕರಣಗಳ ಪೈಕಿ 74679 ಮಂದಿ ಸಂಪೂರ್ಣ ಗುಣಮುಖರಾಗಿ ಕೋವಿಡ್​-19 ಆಸ್ಪತ್ರೆಯಿಂದ ಡಿಸ್ಚಾರ್ಜ್​ ಆಗಿದ್ಧಾರೆ.

ಬಳ್ಳಾರಿ - 631, ಬೆಳಗಾವಿ - 293, ಮೈಸೂರು - 261, ದಾವಣಗೆರೆ - 224, ಧಾರವಾಡ - 199, ಕಲಬುರ್ಗಿ - 197, ಉಡುಪಿ - 173, ಕೊಪ್ಪಳ - 154, ದಕ್ಷಿಣ ಕನ್ನಡ ಮತ್ತು ಬಾಗಲಕೋಟೆಯಲ್ಲಿ 149 ಮಂದಿಗೆ ಕೊರೋನಾ ಬಂದಿದೆ.

ಹಾಸನ - 137, ಚಿಕ್ಕಬಳ್ಳಾಪುರ - 129, ಉತ್ತರ ಕನ್ನಡ - 125, ಮಂಡ್ಯ - 123, ಬೆಂಗಳೂರು ಗ್ರಾಮಾಂತರ - 110, ರಾಯಚೂರು - 91, ಗದಗ - 78, ಯಾದಗಿರಿ - 76, ಹಾವೇರಿ - 71, ವಿಜಯಪುರ - 66, ಬೀದರ್ - 52, ಕೋಲಾರ - 49, ಚಿಕ್ಕಮಗಳೂರು - 48, ರಾಮನಗರ - 5, ಚಾಮರಾಜನಗರ - 38, ಶಿವಮೊಗ್ಗ - 35, ತುಮಕೂರು - 34, ಚಿತ್ರದುರ್ಗ - 24 ಮತ್ತು ಕೊಡಗಿನಲ್ಲಿ 13 ಮಂದಿಗೆ ಸೋಂಕು ತಗುಲಿದೆ.