ಕೊರೋನಾ ಸೋಂಕಿಗೆ ತುತ್ತಾತ ಜೇಮ್ಸ್​ ಬಾಂಡ್​ನ ನಾಯಕಿ!; ಜಾಲತಾಣದಲ್ಲಿ ಆಕೆ ಬರೆದುಕೊಂಡಿದ್ದೇನು ಗೊತ್ತಾ?

ಜಗತ್ತಿನಾದ್ಯಂತ ಮಹಾಮಾರಿ ಕೊರೋನಾ ವೈರಸ್ ಜನರ ಜೀವ ಹಿಂಡುತ್ತಿದೆ. ಈಗಾಗಲೇ 6,500 ಮಂದಿ ಈ ಡೆಡ್ಲಿ ವೈರಸ್​ನಿಂದಾಗಿ ಸಾವನ್ನಪ್ಪಿದ್ದಾರೆ. 1.69 ಲಕ್ಷ ಜನರು ಕೊರೋನಾ ಸೋಂಕಿಗೆ ತುತ್ತಾಗಿದ್ದಾರೆ.

ಅಮೆರಿಕದಲ್ಲೂ ಕೊರೋನಾ ಹಾವಳಿ ಹೆಚ್ಚಾಗಿದೆ, ಈವರೆಗೆ 65 ಜನರನ್ನು ಕೊರೋನಾ ಬಲಿ ತೆಗೆದುಕೊಂಡಿದೆ. ಇನ್ನು ಸೋಂಕಿತರ ಸಂಖ್ಯೆ ಮೂರು ಸಾವಿರಕ್ಕೆ ಏರಿದ್ದು, ಹಾಲಿವುಡ್​​ನ ಖ್ಯಾತ ನಟಿಯೊಬ್ಬರಿಗೂ ಕೊರೋನಾ ಸೋಂಕು ಇರುವುದು ದೃಢಪಟ್ಟಿದೆ.

ಹಾಲಿವುಡ್ ಜನಪ್ರಿಯ ನಟಿ, ಮಾಡೆಲ್ ಓಲ್ಗಾ ಕುರಿಲೆಂಕೊ ಕೊರೊನಾ ಸೋಂಕು ತಗುಲಿದ್ದು, ಪಾಸಿಟೀವ್ ಇರುವುದು ದೃಢಪಟ್ಟಿದೆ. ಹಾಗಾಗಿ ಈ ವಿಚಾರವನ್ನು ನಟಿ ಓಲ್ಗಾ ಸಾಮಾಜಿಕ ತಾಣದಲ್ಲಿ ಬಹಿರಂಗಪಡಿಸಿದ್ದಾರೆ.

ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಈ ಬಗ್ಗೆ ವಿಚಾರವನ್ನು ಹಂಚಿಕೊಂಡಿದ್ದು ‘ನನಗೆ ಕೊರೋನಾ ಸೋಂಕು ಇರುವುದಾಗಿ ದೃಢಪಟ್ಟಿದೆ. ಹಾಗಾಗಿ ಮನೆಯಲ್ಲೇ ಇದ್ದೇನೆ. ವಾಸ್ತವಾಗಿ ಒಂದು ವಾರದಿಂದ ನಾನು ಅನಾರೋಗ್ಯದಿಂದ ಬಳಲುತ್ತಿದ್ದೆ. ಜ್ವರ, ಆಯಾಸದ ಲಕ್ಷಣಗಳು ನನ್ನಲ್ಲಿವೆ. ನೀವು ಎಚ್ಚರದಿಂದಿರಿ. ಇದನ್ನು ಗಂಭೀರವಾಗಿ ಪರಿಗಣಿಸಿ" ಎಂದು ಬರೆದುಕೊಂಡಿದ್ದಾರೆ ನಟಿ ಓಲ್ಗಾ ಕುರಿಲೆಂಕೊ

40 ವರ್ಷದ ನಟಿ ಓಲ್ಗಾ ಕುರಿಲೆಂಕೊ ಈ ವಿಚಾರವನ್ನು ಉಕ್ರೇನ್ ಭಾಷೆಯಲ್ಲಿ ಬರೆದುಕೊಂಡಿದ್ದಾರೆ. ಅಭಿಮಾನಿಗಳಿಗೆ ಅರ್ಥವಾಗಲಿ ಎಂಬ ಉದ್ದೇಶದಿಂದ ಅವರದ್ದಾಗಿದೆ.

ಇನ್ನು ನಟಿಗೆ ಕೊರೋನಾ ಸೋಂಕು ಪತ್ತೆಯಾಗಿರುವ ವಿಚಾರ ತಿಳಿದು ಸ್ನೇಹಿತರು, ಅಭಿಮಾನಿಗಳು ಆದಷ್ಟು ಬೇಗ ಚೇತರಿಸಿಕೊಳ್ಳಿ ಕಾಮೆಂಟ್ ಬರೆದಿದ್ದಾರೆ.

“ದೇವರೇ, ಶೀಘ್ರ ಚೇತರಿಸಿಕೊಳ್ಳಿ ಎಂದು ನಿಮಗಾಗಿ ನಾವು ಪ್ರಾರ್ಥಿಸುತ್ತಿದ್ದೇವೆ" ಎಂದು ಉಕ್ರೇನ್ ನಟಿ ಮಿಲ್ಲಾ ಜೋವೋವಿಚ್ ಕಾಮೆಂಟ್ ಬರೆದಿದ್ದಾರೆ.

“ದೇವರೇ, ಶೀಘ್ರ ಚೇತರಿಸಿಕೊಳ್ಳಿ ಎಂದು ನಿಮಗಾಗಿ ನಾವು ಪ್ರಾರ್ಥಿಸುತ್ತಿದ್ದೇವೆ" ಎಂದು ಉಕ್ರೇನ್ ನಟಿ ಮಿಲ್ಲಾ ಜೋವೋವಿಚ್ ಕಾಮೆಂಟ್ ಬರೆದಿದ್ದಾರೆ.

ಓಲ್ಗಾ ಕುರಿಲೆಂಕೋ 2008ರಲ್ಲಿ ರಲ್ಲಿ ಬಂದ ಜೇಮ್ಸ್ ಬಾಂಡ್: ಕ್ಯಾಂಟಮ್ ಆಫ್ ಸೊಲೇಸ್ ಚಿತ್ರದಲ್ಲಿ ಡೇನಿಯಲ್ ಕ್ರೆಗ್ ಜೊತೆಗೆ 'ಕೆಮಿಲ್ಲೇ ಮೋಂಟೆಸ್' ಎಂಬ ಬಾಂಡ್ ಗರ್ಲ್ ಆಗಿ ಓಲ್ಗಾ ನಟಿಸಿದ್ದಾರೆ.

'ಒಬ್ಲಿವಿಯನ್' ಎಂಬ ಸಿನಿಮಾದಲ್ಲಿ ನಟಿಸಿದ್ದಾರೆ. ಅದಲ್ಲದೆ, ಮೊಮೆಂಟಮ್ , ಸ್ಟ್ರೈಕ್ಸ್ ಅಗೈನ್, ಜಾನಿ ಇಂಗ್ಲಿಷ್ ನಂತಹ ಚಿತ್ರಗಳಲ್ಲೂ ನಟಿಸಿದ್ದಾರೆ.

ನಟಿ ಓಲ್ಗಾ ಕುರಿಲೆಂಕೋ

ನಟಿ ಓಲ್ಗಾ ಕುರಿಲೆಂಕೋ