Omicron: ಬೂಸ್ಟರ್ ಡೋಸ್ ತಗೊಂಡ್ರೂ ಬಿಡಲ್ಲ ಈ ಓಮೈಕ್ರಾನ್​, ಎಲ್ಲರನ್ನೂ ಕಾಡುತ್ತೆ ಅಂತಿದ್ದಾರೆ ತಜ್ಞರು

ನವದೆಹಲಿ(ಜ.12): ಕೋವಿಡ್-19ನ ಹೊಸ ರೂಪಾಂತರ ಓಮೈಕ್ರಾನ್(New Variant Omicron) ನಾವಂದುಕೊಂಡ ರೀತಿ ಇಲ್ಲ. ಈ ವೈರಸ್(Virus)​ ಎಲ್ಲರನ್ನೂ ಕಾಡುತ್ತೆ, ಎಲ್ಲರಿಗೂ ಓಮೈಕ್ರಾನ್ ಸೋಂಕು(Omicron virus) ತಗುಲುತ್ತೆ ಎಂಬ ಆತಂಕಕಾರಿ ವಿಷಯವೊಂದು ತಜ್ಞರ(Experts) ಬಾಯಿಂದ ಹೊರ ಬಿದ್ದಿದೆ.

ಬೂಸ್ಟರ್ ಡೋಸ್​ ಪಡೆದುಕೊಂಡಿದ್ದರೂಸಹ ಈ ರೂಪಾಂತರಿ ಓಮೈಕ್ರಾನ್​ ನಮ್ಮನ್ನು ಕಾಡದೆ ಬಿಡದು. ಅಂತಿಮವಾಗಿ ಎಲ್ಲರೂ ಸಹ ಈ ಸೋಂಕಿಗೆ ತುತ್ತಾಗುತ್ತಾರೆ ಎಂದು ಉನ್ನತ ಸರ್ಕಾರಿ ತಜ್ಞರೊಬ್ಬರು ಹೇಳಿದ್ದಾರೆ.

ಬೂಸ್ಟರ್ ಡೋಸ್ ಲಸಿಕೆಗಳು ವೈರಸ್​​ನ ತ್ವರಿತ ಹರಡುವಿಕೆಯನ್ನು ನಿಲ್ಲಿಸುವುದಿಲ್ಲ. ಈ ಸೋಂಕು ಪ್ರಪಂಚದಾದ್ಯಂತ ಹರಡುತ್ತದೆ ಎಂದು ಹೇಳಿದ್ದಾರೆ. ಈ ಓಮೈಕ್ರಾನ್ ಶೀತದಂತೆಯೇ ನಮ್ಮನ್ನು ಕಾಡುತ್ತದೆ. ಭಾರತದಲ್ಲಿ ಲಸಿಕೆ ಪರಿಚಯವಾಗುವ ಮೊದಲೇ ಶೇ.85ರಷ್ಟು ಮಂದಿ ಈಗಾಗಲೇ ಸೋಂಕಿಗೆ ತುತ್ತಾಗಿದ್ದಾರೆ ಎಂದು ತಿಳಿದು ಬಂದಿದೆ.

ಈ ಹೊಸ ವೈರಸ್ ಭಯಾನಕ ರೋಗವಲ್ಲ.​ ಸೌಮ್ಯ ಲಕ್ಷಣಗಳನ್ನು ಹೊಂದಿದ್ದು, ಈ ಸೋಂಕು ತಗುಲಿದವರು ಆಸ್ಪತ್ರೆಗೆ ದಾಖಲಾಗುವ ಪ್ರಮಾಣವೂ ಕಡಿಮೆ ಇದೆ. ಆದರೆ ಪ್ರತಿಯೊಬ್ಬರೂ ಸಹ ಈ ಓಮೈಕ್ರಾನ್​ ವೈರಸ್​​​ಗೆ ತುತ್ತಾಗುವ ಸಾಧ್ಯತೆ ಇದೆ. ಆದರೆ ಈ ಸೋಂಕನ್ನು ನಾವು ನಿಭಾಯಿಸಬಹುದು ಎಂದಿದ್ದಾರೆ.

ನಾವು ವಿಭಿನ್ನವಾದ ವೈರಸ್​​ನೊಂದಿಗೆ ಜೀವನ ಸಾಗಿಸುತ್ತಿದ್ದೇವೆ. ಈ ಓಮೈಕ್ರಾನ್​ ಡೆಲ್ಟಾಗಿಂತ ಸೌಮ್ಯವಾಗಿದೆ. ಎಲ್ಲರಿಗೂ ತಿಳಿದಿರುವಂತೆ ಇದನ್ನು ಪ್ರಾಯೋಗಿಕವಾಗಿ ತಡೆಯಲು ಆಗದು ಎಂದು ಸಾಂಕ್ರಾಮಿಕ ರೋಗಶಾಸ್ತ್ರಜ್ಞ ಮತ್ತು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿಯ ರಾಷ್ಟ್ರೀಯ ಸಾಂಕ್ರಾಮಿಕ ರೋಗಶಾಸ್ತ್ರದ ವೈಜ್ಞಾನಿಕ ಸಲಹಾ ಸಮಿತಿಯ ಅಧ್ಯಕ್ಷ ಡಾ. ಜೈಪ್ರಕಾಶ್ ಮುಳಿಯಿಲ್ ಹೇಳಿದರು.

ಯಾವುದೇ ವೈದ್ಯಕೀಯ ಸಂಸ್ಥೆಗಳು ಬೂಸ್ಟರ್ ಡೋಸ್‌ಗಳನ್ನು ಸೂಚಿಸಿಲ್ಲ ಎಂದ ಡಾ ಮುಲಿಯಿಲ್ ಅವರು, ಸಾಂಕ್ರಾಮಿಕ ರೋಗದ ನೈಸರ್ಗಿಕ ಪ್ರಗತಿಯನ್ನು ಬೂಸ್ಟರ್ ಡೋಸ್ ನಿಲ್ಲಿಸುವುದಿಲ್ಲ ಎಂದು ಹೇಳಿದರು.

ವೈರಸ್ ಕೇವಲ ಎರಡು ದಿನಗಳಲ್ಲಿ ಸೋಂಕನ್ನು ದ್ವಿಗುಣಗೊಳಿಸುತ್ತದೆ, ಆದ್ದರಿಂದ ಪರೀಕ್ಷೆಯು ಅದರ ಇರುವಿಕೆಯನ್ನು ಪತ್ತೆಹಚ್ಚುವ ಮೊದಲೇ, ಸೋಂಕಿತ ವ್ಯಕ್ತಿಯು ಈಗಾಗಲೇ ಹೆಚ್ಚಿನ ಸಂಖ್ಯೆಯ ಜನರಿಗೆ ಸೋಂಕನ್ನು ಹರಡಿರುತ್ತಾನೆ.

ನಮ್ಮಲ್ಲಿ ಬಹುಪಾಲು ಜನರಿಗೆ ನಾವು ಸೋಂಕಿಗೆ ಒಳಗಾಗಿದ್ದೇವೆ ಎಂದು ತಿಳಿದಿರುವುದಿಲ್ಲ. ಬಹುಶಃ 80% ಕ್ಕಿಂತ ಹೆಚ್ಚು ಜನರಿಗೆ ಸೋಂಕು ತಗುಲಿದ್ದರೂ ಸಹ ತಿಳಿದಿರುವುದಿಲ್ಲ ಎಂದು ಅವರು ಹೇಳಿದರು.