ಸ್ಟಾರ್ ಕ್ರಿಕೆಟಿಗನಿಗೆ ಕೊರೋನಾ ಸೋಂಕು : ಆತಂಕದಲ್ಲಿ ತಂಡದ ಆಟಗಾರರು..!

ಪಾಕಿಸ್ತಾನ್ ಸೂಪರ್ ಲೀಗ್​ ಪಂದ್ಯಗಳನ್ನು ತಾತ್ಕಾಲಿಕ ರದ್ದುಪಡಿಸಲಾಗಿದೆ. ಟೂರ್ನಿಯಲ್ಲಿ ಭಾಗವಹಿಸಿದ ಆಟಗಾರರೊಬ್ಬರಿಗೆ ಕೊರೋನಾ ತಗುಲಿರುವ ಶಂಕೆಯ ಹಿನ್ನೆಲೆಯಲ್ಲಿ ನಾಕೌಟ್ ಪಂದ್ಯಾವಳಿಗಳನ್ನು ರದ್ದು ಮಾಡಲಾಗಿದೆ ಎಂದು ಇತ್ತೀಚೆಗೆ ಪಿಸಿಬಿ ಸಿಇಒ ವಾಸೀಂ ಖಾನ್ ತಿಳಿಸಿದ್ದರು.

ಅದು ಯಾವ ಆಟಗಾರ ಎಂಬುದರ ಬಗ್ಗೆ ಮಾತ್ರ ಸ್ಷಷ್ಟನೆ ನೀಡಿರಲಿಲ್ಲ. ಆದರೆ ಇದೀಗ ಪಾಕ್ ಮಾಜಿ ಆಟಗಾರ ಹಾಗೂ ಕಮೆಂಟೇಟರ್ ರಮೀಜ್ ರಾಜಾ ಸ್ಪೋಟಕ ಹೇಳಿಕೆಯೊಂದನ್ನು ಹೊರ ಹಾಕಿದ್ದಾರೆ.

ಪಿಎಸ್​ಎಲ್​ನಲ್ಲಿ ಭಾಗವಹಿಸಿದ ಇಂಗ್ಲೆಂಡ್ ತಂಡ ಸ್ಪೋಟಕ ಆರಂಭಿಕ ಅಲೆಕ್ಸ್ ಹೇಲ್ಸ್​ ಅವರಲ್ಲಿ ಕೊರೋನಾ ಲಕ್ಷಣಗಳು ಕಾಣಿಸಿಕೊಂಡಿದೆ ಎಂದು ಸಂದರ್ಶನವೊಂದರಲ್ಲಿ ಬಹಿರಂಗಪಡಿಸಿದ್ದಾರೆ.

ಅಲೆಕ್ಸ್​ ಅವರನ್ನು ಪರೀಕ್ಷೆಗೆ ಒಳಪಡಿಸಿದಾಗ ಸೋಂಕಿನ ಲಕ್ಷಣಗಳು ಕಂಡು ಬಂದಿವೆ. ಇದಕ್ಕೆ ಏನು ಮುಖ್ಯ ಕಾರಣ ಎಂಬುದು ತಿಳಿದು ಬಂದಿಲ್ಲ ಎಂದು ಜಿಯೋ ಸೂಪರ್ ಟಿವಿಗೆ ನೀಡಿದ ಸಂದರ್ಶನದಲ್ಲಿ ರಮೀಜ್ ರಾಜಾ ಹೇಳಿದ್ದಾರೆ.

ಪಾಕಿಸ್ತಾನ್ ಸೂಪರ್ ಲೀಗ್ 5ನೇ ಆವೃತ್ತಿ ಮುಕ್ತಾಯದ ಹಂತದಲ್ಲಿ, ಸೋಂಕು ತಗುಲಿರುವ ಸುದ್ದಿ ಹೊರಬೀಳುತ್ತಿದ್ದಂತೆ ನಾಕೌಟ್ ಹಂತದ ಪಂದ್ಯಗಳನ್ನು ತಾತ್ಕಾಲಿಕವಾಗಿ ರದ್ದು ಪಡಿಸಲಾಗಿದೆ.

ಸೋಂಕಿನ ಗುಣಲಕ್ಷಣಗಳು ಪತ್ತೆಯಾಗುತ್ತಿದ್ದಂತೆ ಟೂರ್ನಿ ತೊರೆದು ಅಲೆಕ್ಸ ಹೇಲ್ಸ್ ಇಂಗ್ಲೆಂಡ್​ಗೆ ಮರಳಿದ್ದು, ಸಾವಿರಾರು ಮೈಲಿ ದೂರದಲ್ಲಿ ಬಂಧಿಯಾಗುವ ಬದಲು ತವರಿನಲ್ಲಿ ಕುಟುಂಬದೊಟ್ಟಿಗೆ ಉಳಿಯುವುದು ವಾಸಿ ಎಂದು ಮಾಧ್ಯಮಕ್ಕೆ ತಿಳಿಸಿದ್ದಾರೆ.

ಅಲ್ಲದೆ ಕೊರೋನಾ ವೈರಸ್ ಬಗ್ಗೆ ಹಬ್ಬಿರುವ ಸುದ್ದಿ ಬಗ್ಗೆ ಅಲೆಕ್ಸ್ ಹೇಲ್ಸ್ ಸ್ಪಷ್ಟನೆ ನೀಡಿದ್ದು, ನಾನು ಇಂಗ್ಲೆಂಡ್ ಮರಳುವಾಗ ಸಂಪೂರ್ಣ ಫಿಟ್ ಆಗಿದ್ದೆ. ಆದರೆ ತವರಿನ ಮರಳಿದ ಬಳಿಕ ಜ್ವರ ಕಾಣಿಸಿಕೊಂಡಿತು.

ಬಳಿಕ ಕೆಮ್ಮು ಕೂಡ ಕಾಣಿಸಿಕೊಂಡಿದೆ. ಹೀಗಾಗಿ ಸರ್ಕಾರದ ಸೂಚನೆಯಂತೆ ಸ್ವಯಂ ದಿಗ್ಭಂಧನಕ್ಕೆ ಒಳಗಾಗಲು ನಿರ್ಧರಿಸಿದೆ ಎಂದು ಅಲೆಕ್ಸ್ ಹೇಲ್ಸ್ ತಿಳಿಸಿದ್ದಾರೆ. ಸದ್ಯ ಆರೋಗ್ಯ ತಪಾಸಣೆ ಜಾರಿಯಲ್ಲಿದ್ದು, ಶೀಘ್ರದಲ್ಲೇ ಸೋಂಕಿನ ಬಗ್ಗೆ ಮಾಹಿತಿಯನ್ನು ತಿಳಿಸುವುದಾಗಿ ಹೇಳಿಕೊಂಡಿದ್ದಾರೆ.

ಸದ್ಯ ರಮೀಜ್ ರಾಜಾ ನೀಡಿರುವ ಹೇಳಿಕೆಯಿಂದ ಪಾಕಿಸ್ತಾನ್ ಟೂರ್ನಿಯಲ್ಲಿ ಭಾಗವಹಿಸಿದ್ದ ಆಟಗಾರರು ಆತಂಕದಲ್ಲಿದ್ದು, ಅದರಲ್ಲೂ ಅಲೆಕ್ಸ್ ಹೇಲ್ಸ್ ಪ್ರತಿನಿಧಿಸಿದ ಕರಾಚಿ ಕಿಂಗ್ಸ್ ತಂಡದ ಆಟಗಾರರು ಚಿಂತೆಗೀಡಾಗಿದ್ದಾರೆ.

ಅಲೆಕ್ಸ್ ಹೇಲ್ಸ್

ಅಲೆಕ್ಸ್ ಹೇಲ್ಸ್

ಅಲೆಕ್ಸ್ ಹೇಲ್ಸ್

ಅಲೆಕ್ಸ್ ಹೇಲ್ಸ್