ತಮ್ಮೂರಿನವರ ಸಹಾಯಕ್ಕಾಗಿ ವಿದೇಶಿ ಉದ್ಯೋಗ ತೊರೆದ ದಾವಣಗೆರೆ ವ್ಯಕ್ತಿ; ಇವರ ಕಾರ್ಯಕ್ಕೆ ಎಲ್ಲೆಡೆ ಮೆಚ್ಚುಗೆ

ದಾವಣಗೆರೆ ಜಿಲ್ಲೆ ಹರಿಹರ ನಗರದ ಶ್ರೀನಿವಾಸ್​​ ತಮ್ಮ ದುಡಿಮೆ‌ಯ ಒಂದು‌ ಪಾಲನ್ನು ಸಾಮಾಜಿಕ‌ ಕಾರ್ಯಗಳಿಗೆಂದೇ ಮೀಸಲಿಟ್ಟಿದ್ದಾರೆ

ಸಮಾಜ‌ ಸೇವೆಗೆಂದೇ ಸಮಾನ‌ ಮನಸ್ಕರ ಬಳಗವೊಂದನ್ನು ಕಟ್ಟಿ ಸೇವಾ ಕಾರ್ಯ ಆರಂಭಿಸಿದ್ದಾರೆ

ಕರೋನಾದ ಮೊದಲ ಅಲೆ ಸಂದರ್ಭದಲ್ಲಿ ಮಾಸ್ಕ್, ಸ್ಯಾನಿಟೈಸರ್‌ ವಿತರಣೆ ಜತೆ ಫುಡ್ ಕಿಟ್ ವಿತರಿಸಿದ್ದರು. ಅವರ ಸೇವೆ ಕೇವಲ ನಗರಕ್ಕೆ ಸೀಮಿತವಾಗದೇ ಗ್ರಾಮೀಣ ಪ್ರದೇಶಗಳಿಗೂ‌ ವಿಸ್ತರಿಸಿದ್ದಾರೆ

ಅಗತ್ಯವುಳ್ಳವರಿಗೆ ಆಹಾರದ ಕಿಟ್ ಜತೆ ಸೋಂಕು ತಗುಲದಂತೆ ಮುನ್ನೆಚ್ಚರಿಕೆ‌ ವಹಿಸಲು ಸ್ಟೀಮರ್‌ಗಳನ್ನು ವಿತರಿಸುತ್ತಿದ್ದಾರೆ.

ಗ್ರಾಮೀಣ ಪ್ರದೇಶದ ಕೆಲವು ಪ್ರದೇಶಗಳಲ್ಲಿ ಟ್ಯಾಂಕರ್ ಮೂಲಕ‌ ಸೋಂಕು‌ ನಿವಾರಕ‌ ದ್ರಾವಣ ಸಿಂಪಡಣೆ ನಡೆಸುತ್ತಿದ್ದಾರೆ.

ಕಾಲೇಜಿನ ದಿನಗಳಿಂದಲೂ‌ ಸಾಮಾಜಿಕ‌ ಸೇವೆಯಲ್ಲಿ ಆಸಕ್ತಿ. ಉನ್ನತ ವಿದ್ಯಾಭ್ಯಾಸದ ನಂತರ, ಹಾಂಕಾಂಗ್‌ನ ಮಾರ್ಕೆಟಿಂಗ್ ಸಂಸ್ಥೆಗೆ ಸೇರಿದ್ದರು. ಆದರೂ, ತಮ್ಮೂರಿನ ಜನರಿಗೆ ಏನಾದ್ರೂ ಸೇವೆ ತುಡಿತ ಕಡಿಮೆಯಾಗಲಿಲ್ಲ. ಒಂದೊಳ್ಳೆ ದಿನ‌ ತಮ್ಮ ಕೆಲಸಕ್ಕೆ ರಾಜೀನಾಮೆ‌ ನೀಡಿ ತಾಯ್ನಾಡಿಗೆ ಮರಳಿ ಸೇವೆಯಲ್ಲಿ ತೊಡಗಿದ್ದಾರೆ.

ಬಹುತೇಕರ ಬಳಿ ಜೀವನಾಗತ್ಯಕ್ಕಿಂತ ಹೆಚ್ಚು ಸಂಪತ್ತಿದೆ. ಆದ್ರೆ, ಅದನ್ನು ಅಗತ್ಯವುಳ್ಳವರಿಗೆ ವ್ಯಯಿಸುವ ಮನಸ್ಸು ಇರೋದು‌ ಕೆಲವರಿಗೆ ಅದು ಶ್ರೀನಿವಾಸ ಅಂತಹವರಿಗೆ ಮಾತ್ರ