Digital Journalisam: ಯುವಜನತೆಗೆ ಅವಕಾಶ ಕಲ್ಪಿಸುತ್ತಿದೆ ಡಿಜಿಟಲ್​ ಮಾಧ್ಯಮ

ಕೊರೊನಾ ಅವಧಿಯಲ್ಲಿ ಅತಿ ಹೆಚ್ಚು ಬೆಳವಣಿಗೆ ಹೊಂದಿದ ಕ್ಷೇತ್ರವೆಂದರೆ ಅದು ಡಿಜಿಟಲ್​ ಜರ್ನಲಿಸಂ​. ಇದು ಸಾಂಪ್ರದಾಯಿಕ ಮುದ್ರಣಕ್ಕಿಂತ ತುಂಬಾ ಭಿನ್ನವಾಗಿದೆ.

ಪ್ರಸಾರ ಪತ್ರಿಕೋದ್ಯಮದಲ್ಲಿ ಹೆಚ್ಚು ಬೇಡಿಕೆಯುಳ್ಳ ಕ್ಷೇತ್ರ ಇದಾಗಿದ್ದು ಜನರೂ ಕೂಡ ಇತ್ತೀಚಿಗೆ ಹೆಚ್ಚಾಗಿ ಮೊಬೈಲ್​ ಬಳಕೆ ಮಾಡಲು ಆರಂಭಿಸಿದ್ದಾರೆ ಆದ್ದರಿಂದ ಡಿಜಿಟಲ್​​ ಕ್ಷೇತ್ರದ ಬೆಳವಣಿಗೆ ತುಂಬಾ ಹೆಚ್ಚಾಗಿದೆ.

ಅನೇಕ ಪತ್ರಿಕೆಗಳು ಪ್ರತಿ ದಿನವೂ ನಿನ್ನೆ ಏನಾಯಿತು ಎಂಬ ಅಂಶವನ್ನು ತಿಳಿಸುತ್ತದೆ ಆದರೆ ಅತಿ ವೇಗವಾಗಿ ತಕ್ಷಣದ ಸುದ್ದಿಯನ್ನು ನಿಮಗೆ ನೀಡುವಲ್ಲಿ ಡಿಜಿಟಲ್​ ಪತ್ರಿಕೋದ್ಯಮ ಸಹಕಾರಿಯಾಗಿದೆ.

ಇಂಟರ್ನೆಟ್ ಮೂಲಕ ಮಾಡಲಾಗುವ ಪಾಡ್‌ಕಾಸ್ಟ್‌ಗಳು ಕೂಡಾ ಇದರಲ್ಲೇ ಬರುತ್ತದೆ. ಆನ್‌ಲೈನ್ ಪತ್ರಿಕೋದ್ಯಮ ಎಂದೂ ಕರೆಯಲ್ಪಡುವ ಡಿಜಿಟಲ್ ಪತ್ರಿಕೋದ್ಯಮವು ಈಗಿನ ಸಮಕಾಲೀನ ಯುಗದಲ್ಲಿ ಅತಿ ಹೆಚ್ಚು ಬಳಕೆಯಲ್ಲಿರುವ ಮಾಧ್ಯಮ ಇದಾಗಿದೆ.

ನಿರ್ದಿಷ್ಟ ಕೀವರ್ಡ್‌ಗಳ ಬಳಕೆ ಮಾಡಿದಾಗ ಮಾತ್ರ ಇದು ಹೆಚ್ಚು ಜನರನ್ನು ತಲುಪಲು ಸಾಧ್ಯವಾಗುತ್ತದೆ. ಮಲ್ಟಿಮೀಡಿಯಾ ವಿಷಯಗಳನ್ನು ಅಂದರೆ ವಿಡಿಯೋ, ಆಡಿಯೋ, ಪಾಡ್​ಕಾಸ್ಟ್​ ಹಾಗೂ ಇತ್ತೀಚೆಗೆ ಡಿಜಿಟಲ್​ ರೇಡಿಯೋ ಕೂಡಾ ಚಾಲ್ತಿಗೆ ಬಂದಿದೆ.

ಯುವಜನತೆಗೆ ಭರಪೂರ ಅವಕಾಶಗಳನ್ನು ಸೃಷ್ಟಿಸುತ್ತಿರುವುದೇ ಡಿಜಿಟಲ್​ ಮೀಡಿಯಾ. ಕಳೆದ ನಾಲ್ಕೈದು ವರ್ಷಗಳಿಂದ ಡಿಜಿಟಲ್ ಮಾಧ್ಯಮ ಅಭಿವೃದ್ದಿ ಹೊಂದಿದೆ. ಯೂಟ್ಯೂಬ್ ಬಳಕೆ ಹೆಚ್ಚು ಜನಪ್ರಿಯವಾಗುತ್ತಿದೆ.

ಒಂದು ಅಧ್ಯಯನ ಪ್ರಕಾರ ಜಾಗತಿಕ ಮಟ್ಟದಲ್ಲಿ ಇಂದು 4.2 ಶತಕೋಟಿ ಜನರು ಡಿಜಿಟಲ್ ಮಾಧ್ಯಮ ಬಳಕೆ ಮಾಡುತ್ತಿದ್ದಾರೆ. ಜಗತ್ತಿನ ಹಲವು ಉದ್ಯಮಗಳ ಯಶಸ್ಸು ಇಂದು ಡಿಜಿಟಲ್ ಮಾಧ್ಯಮಗಳ ಮಾರುಕಟ್ಟೆ, ಜನಪ್ರಿಯತೆಯನ್ನು ಅವಲಂಬಿಸಿದೆ.