Interview Tips-27: ಯುವಕರೇ, ಜಾಬ್ ಇಂಟರ್​ವ್ಯೂಗೆ ಈ 4 ಬಣ್ಣದ ಶರ್ಟ್ ಧರಿಸಿದ್ರೆ ಪ್ರೊಫೆಷನಲ್ ಆಗಿ ಕಾಣ್ತೀರ

ಉದ್ಯೋಗಾಕಾಂಕ್ಷಿಗಳು ಬಟ್ಟೆ ಅಥವಾ ಡ್ರೆಸ್ಸಿಂಗ್ ಬಗ್ಗೆ ಗಮನ ಹರಿಸಬೇಕು. ಸರಿಯಾದ ಅಪಿಯರೆನ್ಸ್ ಇಲ್ಲದಿದ್ದರೆ ನೀವು ಅವಕಾಶ ವಂಚಿತರಾಗುತ್ತೀರಿ. ಹಾಗಾಗಿ ಬಣ್ಣದ ಆಯ್ಕೆಯಲ್ಲಿ ಎಡವಟ್ಟು ಮಾಡಬೇಡಿ.

ಈ ನಾಲ್ಕು ಬಣ್ಣದ ಶರ್ಟ್ ಗಳನ್ನು ಧರಿಸುವುದು ಸೂಕ್ತ. ಈ ಬಣ್ಣದ ಶರ್ಟ್ ಗಳು ನಿಮ್ಮನ್ನು ಪ್ರೊಫೆಷನಲ್ ಆಗಿ ಕಾಣುವಂತೆ ಮಾಡುತ್ತವೆ. ಆ ಬಣ್ಣಗಳು ಯಾವುವು ಎಂದು ತಿಳಿಯೋಣ ಬನ್ನಿ.

1) ಬಿಳಿ ಬಣ್ಣದ ಶರ್ಟ್: ಇದೊಂದು ಸೇಫ್ & ಸಿಂಪಲ್ ಆಯ್ಕೆ ಎನ್ನಬಹುದು. ಇದರಿಂದ ನಿಮಗೆ ಕ್ಲೀನ್ ಇಮೇಜ್ ಸಿಗುತ್ತದೆ. ನೋಡಲು ಬ್ರೈಟ್ ಆಗಿ ಕೂಡ ಕಾಣುತ್ತೀರಿ.

2) ತಿಳಿ ನೀಲಿ ಬಣ್ಣದ ಶರ್ಟ್: ಸಂದರ್ಶನಕ್ಕೆ ನೀಲಿ ಬಣ್ಣವು ಅತ್ಯುತ್ತಮ ಬಣ್ಣಗಳಲ್ಲಿ ಒಂದಾಗಿದೆ ಎಂದು ಅನೇಕ ತಜ್ಞರು ಹೇಳುತ್ತಾರೆ. ಈ ಬಗ್ಗೆ ಜಾಬ್ ಸರ್ಚ್ ವೆಬ್ ಸೈಟ್ CareerBuilder ವೃತ್ತಿಪರರ ಅಧ್ಯಯನವನ್ನು ನಡೆಸಿತು. ಆ ಪ್ರಕಾರ ನೀಲಿ ಬಣ್ಣವು ಹೆಚ್ಚು ಶಿಫಾರಸು ಮಾಡಲಾದ ಬಣ್ಣವಾಗಿದೆ.

3) ಕಪ್ಪು ಬಣ್ಣದ ಶರ್ಟ್: ಕಪ್ಪು ಒಂದು ಶ್ರೇಷ್ಠ ಬಣ್ಣವಾಗಿದೆ. CareerBuilder ನ ಸಮೀಕ್ಷೆಯಲ್ಲಿ ಈ ಬಣ್ಣ ಎರಡನೇ ಸ್ಥಾನದಲ್ಲಿದೆ. ಸಂದರ್ಶಕರು ಮತ್ತು ನೇಮಕಾತಿಗಾರರು ಈ ಬಣ್ಣವು ನಾಯಕತ್ವವನ್ನು ಪ್ರತಿಬಿಂಬಿಸುತ್ತದೆ ಎನ್ನುತ್ತಾರೆ. ಕಪ್ಪು ಶಕ್ತಿಯುತವಾದ ಬಣ್ಣವಾಗಿರುವುದರಿಂದ ಆತ್ಮವಿಶ್ವಾಸದಿಂದ ಬಳಸಿ. 

4) ಬೂದು ಬಣ್ಣದ ಶರ್ಟ್: ಉದ್ಯೋಗ ಸಂದರ್ಶನಗಳಿಗೆ ಗ್ರೇ ತಟಸ್ಥ ಬಣ್ಣವಾಗಿದೆ. ಇದು ನಿಮ್ಮನ್ನು ತಾರ್ಕಿಕ ಮತ್ತು ವಿಶ್ಲೇಷಣಾತ್ಮಕ ವೃತ್ತಿಪರ ಎಂದು ಬಿಂಬಿಸುತ್ತದೆ. (ಪ್ರಾತಿನಿಧಿಕ ಚಿತ್ರ)

ಯುವತಿಯರು ತಮ್ಮ ಉದ್ಯೋಗ ಸಂದರ್ಶನಕ್ಕೆ ಶರ್ಟ್ ಧರಿಸಲು ನಿರ್ಧರಿಸಿದ್ದರೆ, ಮೇಲಿನ ಸಲಹೆಗಳನ್ನು ನೀವು ಸಹ ಪಾಲಿಸಬಹುದು.