Successful Career: ಕೇವಲ 27 ವರ್ಷಕ್ಕೆ Instagramನಲ್ಲಿ ಲಕ್ಷ ಲಕ್ಷ ಗಳಿಕೆ; ನೀವೂ ಹೀಗೆ ಯಶಸ್ಸು ಕಾಣಬೇಕೇ?

ಯುವ ಉದ್ಯಮಿ ಆಂಚಲ್ ಅಗರ್ವಾಲ್ ಅವರ ಯಶಸ್ಸಿನ ಕಥೆ ಇದು. ಗುಜರಾತಿನ ಸೂರತ್ ನಿವಾಸಿ ಆಂಚಲ್ ಅಗರ್ವಾಲ್ ವಯಸ್ಸು ಕೇವಲ 27 ವರ್ಷ. ಸೋಷಿಯಲ್ ಮೀಡಿಯಾದಲ್ಲಿ ಸಮಯ ಕಳೆಯುವವರ ಮಧ್ಯೆ ಈಕೆ ಲಕ್ಷ ಲಕ್ಷ ಸಂಪಾದಿಸುತ್ತಿದ್ದಾಳೆ.

ತನ್ನ ಸೋಷಿಯಲ್ ಮೀಡಿಯಾ ಅಕೌಂಟ್ ‘ಹ್ಯಾಂಡ್ ಮೇಡ್ ಗಿಫ್ಟಿಂಗ್’ ಮೂಲಕ, ತಮ್ಮ ಕ್ರಿಯೇಟಿವಿಟಿ ತೋರಿಸುತ್ತಿದ್ದಾರೆ. ಯುವ ಉದ್ಯಮಿ ಆಂಚಲ್ ಅಗರ್ವಾಲ್ ICFAI ವಿಶ್ವವಿದ್ಯಾಲಯದಿಂದ ಮಾರ್ಕೆಟಿಂಗ್ ನಲ್ಲಿ ಎಂಬಿಎ ಮಾಡಿದ್ದಾರೆ. 2014 ರಿಂದ, ಅವರು ಪೂರ್ಣ ಸಮಯದ ಕುಶಲಕರ್ಮಿ ಮತ್ತು ವಾಣಿಜ್ಯೋದ್ಯಮಿ ಆಗಿದ್ದಾರೆ.

ಕೈಯಿಂದ ಮಾಡಿದ ಕಾರ್ಡ್ ಗಳು ಅಥವಾ ಉಡುಗೊರೆಗಳು ಅತ್ಯಂತ ವಿಶೇಷವಾದವು ಎಂದು ಆಂಚಲ್ ನಂಬುತ್ತಾರೆ. ಅವುಗಳಲ್ಲಿ ಭಾವನೆಯನ್ನು ತುಂಬಿ ಜನರ ಮುಖದಲ್ಲೂ ನಗು ತರಿಸಬಹುದು. ಆರಂಭದಲ್ಲಿ, ಈ ಕರಿಯರ್ ಸಕ್ಸಸ್ ಫುಲ್ ಆಗುತ್ತಾ ಎಂಬ ಅಂದಾಜು ಸಹ ಇರಲಿಲ್ಲ. ಆದರೆ ಈಗ 1 ಲಕ್ಷಕ್ಕೂ ಹೆಚ್ಚು ಜನರು Instagram ನಲ್ಲಿ ಫಾಲೋವರ್ಸ್ ಆಗಿದ್ದಾರೆ ಎನ್ನುತ್ತಾರೆ ಆಂಚಲ್.

ಸಣ್ಣ ಪ್ರಮಾಣ ಉದ್ಯಮ ಆರಂಭಿಸಿದಾಗ ಹಲವು ಸವಾಲುಗಳು ಎದುರಾಗುತ್ತವೆ. ತಮ್ಮ ಆರಂಭಿಕ ಹಂತದಲ್ಲಿ, ಆಂಚಲ್ ತನ್ನ ತಾಯಿ ಅಂಜು ಅವರ ಬೆಂಬಲವನ್ನು ಪಡೆದರು. ನಂತರ ಆಂಚಲ್ ರಾತ್ರಿಯಿಡೀ ವಸ್ತುಗಳನ್ನು ಪ್ಯಾಕ್ ಮಾಡುವ ಕೆಲಸ ಮಾಡುತ್ತಿದ್ದರು., ಯಶಸ್ವಿಯಾದ ನಂತರ, ಎಲ್ಲರೂ ಅವರ ಕೆಲಸವನ್ನು ಅರ್ಥಮಾಡಿಕೊಳ್ಳಲು ಮತ್ತು ಬೆಂಬಲಿಸಲು ಪ್ರಾರಂಭಿಸಿದರು.

ಪ್ರಸ್ತುತ ಆಂಚಲ್ ಅಗರ್ವಾಲ್ ತನ್ನ ವ್ಯವಹಾರವನ್ನು Instagram ನಿಂದ ನಿರ್ವಹಿಸುತ್ತಿದ್ದಾರೆ. ಆದರೆ ಮುಂದಿನ 1 ವರ್ಷದಲ್ಲಿ ಅವರು ಅದನ್ನು Amazon, Flipkart ನಂತಹ ಆನ್ಲೈನ್ ಶಾಪಿಂಗ್ ಪ್ಲಾಟ್ ಫಾರ್ಮ್ ಗಳಿಗೆ ಕೊಂಡೊಯ್ಯಲಿದ್ದಾರೆ.

ತನ್ನ ತಾಯಿ ಮತ್ತು ಅಜ್ಜನೇ ತನ್ನ ಸ್ಫೂರ್ತಿ ಎನ್ನುತ್ತಾರೆ ಆಂಚಲ್. ಅವರ ತಾಯಿ ಅಂಜು ಅವರಿಗೆ ಮೊದಲಿನಿಂದಲೂ ಬೆಂಬಲ ನೀಡುತ್ತಿದ್ದರು. ಅಜ್ಜ ಬಾಬು ರಾಮ್ ಜಿ ಅವರು ಜೀವನದ ದುಃಖದ ಕ್ಷಣಗಳನ್ನು ಮರೆತು ಯಾವಾಗಲೂ ಮುನ್ನಡೆಯಬೇಕೆಂದು ಕಲಿಸಿದರು.

ಆಂಚಲ್ ಅಗರ್ವಾಲ್ ಸ್ಟಾರ್ಟಪ್ ಶುರು ಮಾಡುವವರಿಗೆ ವಿಶೇಷ ಸಲಹೆ ನೀಡಿದ್ದಾರೆ. ಆರಂಭದ 1 ವರ್ಷದಲ್ಲಿ ಹಲವು ರೀತಿಯ ಸವಾಲುಗಳು ಬರುತ್ತವೆ. ಗ್ರಾಹಕರ ನಂಬಿಕೆಯನ್ನು ಗೆಲ್ಲಬೇಕು. ಕೆಲವೊಮ್ಮೆ ಹೂಡಿಕೆ ನಷ್ಟ ಅನುಭವಿಸಬಹುದು. ಆದರೆ ಎಂದಿಗೂ ಬಿಟ್ಟುಕೊಡಬೇಡಿ. ದುಪ್ಪಟ್ಟು ಶ್ರಮದೊಂದಿಗೆ ವ್ಯಾಪಾರದತ್ತ ಗಮನ ಹರಿಸಬೇಕು ಎನ್ನುತ್ತಾರೆ.

ಕೆಲಸ-ಜೀವನದ ಸಮತೋಲನವನ್ನು ಕಾಪಾಡಿಕೊಳ್ಳುವುದು ಸಹ ಬಹಳ ಮುಖ್ಯ. ಆಂಚಲ್ ಅಗರ್ವಾಲ್ ಪ್ರತಿದಿನ 1 ಗಂಟೆ ವರ್ಕ್ ಔಟ್ ಮಾಡುತ್ತಾರೆ. ಇದು ಅವರಿಗೆ ಸಂತೋಷವನ್ನು ನೀಡುತ್ತದೆ. ಸಣ್ಣ ಪ್ರಮಾಣದ ವ್ಯಾಪಾರ ಮಾಲೀಕರು ತಮ್ಮ ಕೆಲಸದ ಸಮಯವನ್ನು ನಿಗದಿಪಡಿಸುವುದು ಬಹಳ ಮುಖ್ಯ. ಇದರೊಂದಿಗೆ, ಉತ್ತಮ ಆಹಾರವನ್ನು ಸೇವಿಸಿ, ವಾರದಲ್ಲಿ 1 ದಿನವನ್ನು ನಿಮಗಾಗಿ, ನಿಮ್ಮ ಕುಟುಂಬಕ್ಕಾಗಿ ಕಾಯ್ದಿರಿಸಿ. ಭವಿಷ್ಯದ ಗುರಿಗಳ ಬಗ್ಗೆ ಸ್ಪಷ್ಟತೆ ಇರಲಿ ಎಂದು ಆಂಚಲ್ ಸಲಹೆ ನೀಡುತ್ತಾರೆ.