UPSC Success Story: ಕೇವಲ 23 ವರ್ಷಕ್ಕೆ ಮೊದಲ ಪ್ರಯತ್ನದಲ್ಲೇ ಟಾಪರ್ ಆದ ಐಎಎಸ್ ಅಧಿಕಾರಿ ಇವರು

ಕಾನ್ಪುರ ದೇಹತ್ ನ ಸಿಡಿಒ ಸೌಮ್ಯಾ ಪಾಂಡೆ ಅವರು ನಿಜಕ್ಕೂ ಉದ್ಯೋಗಸ್ಥ ಮಹಿಳೆಯರಿಗೆ ಸ್ಫೂರ್ತಿಯಾಗಿದ್ದಾರೆ. 22 ದಿನಗಳ ಮಗುವಿನೊಂದಿಗೆ ಕರ್ತವ್ಯಕ್ಕೆ ಹಾಜರಾಗುವ ಮೂಲಕ ಸೌಮ್ಯಾ ಸುದ್ದಿಯಾಗಿದ್ದರು. ಇಂದಿಗೂ 2 ವರ್ಷದ ಮಗುವಿನ ಜೊತೆ ದೇಶ ಸೇವೆಯ ಜವಾಬ್ದಾರಿ ಹೊತ್ತಿದ್ದಾರೆ

ಐಎಎಸ್ ಸೌಮ್ಯ ಪಾಂಡೆ ಉತ್ತರ ಪ್ರದೇಶದ ಪ್ರಯಾಗ್ರಾಜ್ ನಲ್ಲಿ ಜನಿಸಿದರು. ಅಲ್ಲಿಯೇ ಪ್ರಾಥಮಿಕ ಶಿಕ್ಷಣವನ್ನೂ ಮುಗಿಸಿದ್ದಾರೆ. ಸೌಮ್ಯಾ ಪಾಂಡೆ 10ನೇ ತರಗತಿಯಲ್ಲಿ 98% ಮತ್ತು 12ನೇ ತರಗತಿಯಲ್ಲಿ 97.8% ಗಳಿಸಿ ಜಿಲ್ಲೆಗೆ ಅಗ್ರಸ್ಥಾನ ತಮ್ಮದಾಗಿಸಿಕೊಂಡಿದ್ದರು.

2015 ರಲ್ಲಿ ಅವರು MNNIT ನಿಂದ ಎಲೆಕ್ಟ್ರಿಕಲ್ ಎಂಜಿನಿಯರಿಂಗ್ ಶಾಖೆಯಲ್ಲಿ B.Tech ಮಾಡಿದರು. ಇಲ್ಲಿಯೂ ಚಿನ್ನದ ಪದಕ ವಿಜೇತೆ ಆಗಿದ್ದರು. ಸೌಮ್ಯ ಪಾಂಡೆ ಇಂಜಿನಿಯರಿಂಗ್ ಮುಗಿಸಿ ಒಂದು ವರ್ಷ ಬಿಡುವು ಮಾಡಿಕೊಂಡು UPSC ಪರೀಕ್ಷೆಗೆ ತಯಾರಿ ನಡೆಸಿದ್ದರು.

ಕೇವಲ 23 ನೇ ವಯಸ್ಸಿನಲ್ಲಿ 4 ನೇ ರ್ಯಾಂಕ್ ಯೊಂದಿಗೆ ಮೊದಲ ಪ್ರಯತ್ನದಲ್ಲಿ UPSC ಪರೀಕ್ಷೆಯಲ್ಲಿ ತೇರ್ಗಡೆಯಾದರು. ಅವರು ಎನ್ ಸಿಸಿ ಬಿ ಮತ್ತು ಸಿ ವರ್ಗದ ಪ್ರಮಾಣಪತ್ರಗಳನ್ನು ಸಹ ಹೊಂದಿದ್ದಾರೆ. ಶಾಸ್ತ್ರೀಯ ನೃತ್ಯದಲ್ಲಿ ಪ್ರವೀಣಳಾಗಿದ್ದಲ್ಲದೆ, ಬ್ಯಾಸ್ಕೆಟ್ ಬಾಲ್ ನ ಅತ್ಯುತ್ತಮ ಆಟಗಾರ್ತಿಯೂ ಹೌದು.

ಐಎಎಸ್ ಸೌಮ್ಯಾ ಪಾಂಡೆ ಅವರು 4ನೇ ವಯಸ್ಸಿನಿಂದ ಗುರು ಊರ್ಮಿಳಾ ಶರ್ಮಾ ಅವರಿಂದ ಕಥಕ್ ಕಲಿಯಲು ಪ್ರಾರಂಭಿಸಿದರು. ಅವರು ಭರತನಾಟ್ಯದಿಂದ ಮಣಿಪುರಿಯವರೆಗೆ ಶಾಸ್ತ್ರೀಯ ನೃತ್ಯದ ಹಲವು ಪ್ರಕಾರಗಳನ್ನು ಕಲಿತಿದ್ದಾರೆ. ಐಎಎಸ್ ಸೌಮ್ಯಾ ಪಾಂಡೆ ಅವರ ಡ್ಯಾನ್ಸ್ ವಿಡಿಯೋಗಳು ಆಗಾಗ ವೈರಲ್ ಆಗುತ್ತವೆ.

ಐಎಎಸ್ ಸೌಮ್ಯಾ ಪಾಂಡೆ ಪ್ರಸ್ತುತ ಕಾನ್ಪುರ ದೇಹತ್ ನಲ್ಲಿ ಸಿಡಿಒ ಆಗಿ ನೇಮಕಗೊಂಡಿದ್ದಾರೆ. 2020 ರಲ್ಲಿ, ಅವರು ತಮ್ಮ ಮಗಳಿಗೆ ಜನ್ಮ ನೀಡಿದ 22 ನೇ ದಿನದಂದು ಕಚೇರಿಗೆ ಹಾಜರಾಗಿದ್ದರು. ವಾಸ್ತವವಾಗಿ, ಆ ಸಮಯದಲ್ಲಿ ಕೋವಿಡ್ ಕಾರಣದಿಂದಾಗಿ ಪರಿಸ್ಥಿತಿ ಹದಗೆಡುತ್ತಿತ್ತು. ಅಂತಹ ಪರಿಸ್ಥಿತಿಯಲ್ಲೂ ಅವರು ಹೆರಿಗೆ ರಜೆ ರದ್ದುಗೊಳಿಸಿ ಕರ್ತವ್ಯಕ್ಕೆ ಹಾಜರಾಗಿದ್ದರು. ಇದಕ್ಕಾಗಿ ಅವರಿಗೆ ಭಾರೀ ಮೆಚ್ಚುಗೆ ವ್ಯಕ್ತವಾಗಿತ್ತು.

ಯುಪಿಎಸ್ ಸಿ ಅಭ್ಯರ್ಥಿಗಳಿಗೆ ಸೌಮ್ಯಾ ಸಲಹೆಗಳನ್ನು ಕೊಡುತ್ತಿರುತ್ತಾರೆ. UPSC ಪೂರ್ವ ಪರೀಕ್ಷೆಗೆ ಬೇಸಿಕ್ ವಿಷಯಗಳೊಂದಿಗೆ ತಯಾರಿ ಪ್ರಾರಂಭಿಸಬೇಕು. ಇದಕ್ಕೆ ಎನ್ ಸಿಇಆರ್ ಟಿಗಿಂತ ಉತ್ತಮ ಆಯ್ಕೆ ಬೇರೊಂದಿಲ್ಲ ಎನ್ನುತ್ತಾರೆ. UPSC ಪರೀಕ್ಷೆಯ ತಯಾರಿಗಾಗಿ ಟೆಸ್ಟ್ ಸರಣಿಗಳು ಬಹಳ ಮುಖ್ಯ ಎಂದು ಸಲಹೆ ನೀಡುತ್ತಾರೆ.