Interview Tips-25: ಉದ್ಯೋಗ ಸಂದರ್ಶನದಲ್ಲಿ ನಿಮ್ಮ ಪರಿಚಯ ಮಾಡಿಕೊಡುವಾಗ ಈ ತಪ್ಪುಗಳನ್ನು ಮಾಡಬೇಡಿ

ಮೊದಲಿಗೆ ನಿಮ್ಮ ರೆಸ್ಯೂಮ್ ಸಂದರ್ಶಕರ ಮುಂದೆಯೇ ಇರುತ್ತದೆ. ಅದರಾಚೆಗೂ ನಿಮ್ಮನ್ನು ‘ನಿಮ್ಮ ಬಗ್ಗೆ ಹೇಳಿ’ ಎಂದು ಕೇಳುವ ಹಿಂದಿನ ಉದ್ದೇಶವನ್ನು ತಿಳಿಯಬೇಕು. ಇಂದಿನ ಸಂದರ್ಶನದ ಅಧಿಕಾರಿಗಳು ತಮ್ಮ ಉದ್ಯೋಗಿಗಳನ್ನು ಆಯ್ಕೆ ಮಾಡಲು ಸ್ಮಾರ್ಟ್ ಸಂದರ್ಶನ ತಂತ್ರಗಳನ್ನು ಬಳಸುತ್ತಾರೆ. ಆದ್ದರಿಂದ ನೀವು ಕೆಲವು ಹೊಸ ಮತ್ತು ಗೊಂದಲಮಯ ಪ್ರಶ್ನೆಗಳಿಗೆ ಸಿದ್ಧರಾಗಿರಬೇಕು.

ನಿಮ್ಮ ಬಗ್ಗೆ ನಮಗೆ ಹೇಳಿ ಎಂದು ಹೇಳಿದರೆ ಗೊಂದಲಕ್ಕೆ ಒಳಗಾಗಬೇಡಿ. ಈ ಪ್ರಶ್ನೆಗೆ ಹೇಗೆ ಉತ್ತರಿಸಬೇಕೆಂದು ಇಂದು ನಾವು ನಿಮಗೆ ಹೇಳಲಿದ್ದೇವೆ.

ಸಂದರ್ಶಕರು ಈ ಪ್ರಶ್ನೆಯ ಮೂಲಕ ನಿಮ್ಮ ವರ್ತಮಾನವನ್ನು ತಿಳಿಯಲು ಬಯಸುತ್ತಾರೆ ಎಂಬುದನ್ನು ನೆನಪಿಡಿ. ಅವರು ನಿಮ್ಮ ಭವಿಷ್ಯದ ಆಸಕ್ತಿಗಳ ಬಗ್ಗೆ ತಿಳಿದುಕೊಳ್ಳಲು ಬಯಸುತ್ತಾರೆ. ಆದ್ದರಿಂದ ನೀವು ಈ ಉತ್ತರವನ್ನು ನಿಮ್ಮ ಪ್ರಸ್ತುತದಿಂದ ಪ್ರಾರಂಭಿಸಬೇಕು. ನಂತರ ಭೂತಕಾಲ ಮತ್ತು ನಂತರ ಭವಿಷ್ಯ ಬಗ್ಗೆ ಹೇಳಬೇಕು.

ನೀವು ಪ್ರಸ್ತುತ ಎಲ್ಲಿ ಕೆಲಸ ಮಾಡುತ್ತಿದ್ದೀರಿ ಮತ್ತು ಯಾವ ಕೆಲಸ ಮಾಡುತ್ತೀರಿ ಎಂಬುದನ್ನು ನೀವು ಹೇಳಬೇಕು. ನಿಮ್ಮ ಉತ್ತರಗಳು ನೀವು ಸಂದರ್ಶನ ನೀಡುತ್ತಿರುವ ಹುದ್ದೆಯ ಸ್ವರೂಪಕ್ಕೆ ಹೊಂದಿಕೆಯಾಗಬೇಕು, ಅದರ ವಿರುದ್ಧವಾಗಿರಬಾರದು ಎಂಬುದನ್ನು ನೆನಪಿಡಿ. ಉದಾಹರಣೆಗೆ ನೀವು ರೈಟರ್ ಹುದ್ದೆಗೆ ಪ್ರಯತ್ನಿಸುತ್ತಿದ್ದರೆ, ನೀವು ಈಗ ಏನನ್ನು ಬರೆಯುತ್ತಿದ್ದೀರಿ, ಯಾವ ವಿಷಯ ಬರವಣಿಗೆ ನಿಮ್ಮ ಪ್ಲಸ್ ಪಾಯಿಂಟ್ ಎಂದು ಹೇಳಬೇಕು.

ಈ ಪ್ರಶ್ನೆಗೆ ಪ್ರತಿಕ್ರಿಯೆಯಾಗಿ, ನಿಮ್ಮ ಕೌಶಲ್ಯ ಮತ್ತು ಅನುಭವವನ್ನು ತಿಳಿಸಿ. ಉತ್ತರಿಸುವಾಗ ನಿಮ್ಮ ಸಂವಹನ ಕೌಶಲ್ಯಗಳು ಉತ್ತಮವಾಗಿರಬೇಕು. ಆ ವಿಷಯಗಳ ಮೇಲೆ ಕೇಂದ್ರೀಕರಿಸಿ. ನೀವು ಅರ್ಜಿ ಸಲ್ಲಿಸುತ್ತಿರುವ ಸ್ಥಾನಕ್ಕೆ ಸಂಬಂಧಿಸಿದ ಎಲ್ಲಾ ಕೌಶಲ್ಯಗಳನ್ನು ತಿಳಿಸಿ.

ಯಾವುದೇ ಸಂದರ್ಶನದ ಆರಂಭದಲ್ಲಿ ಕೇಳಲಾಗುವ ಅತ್ಯಂತ ಸಾಮಾನ್ಯವಾದ ಪ್ರಶ್ನೆ ಇದು, HR ಖಂಡಿತವಾಗಿಯೂ ನಿಮ್ಮನ್ನು ಕೇಳುತ್ತಾರೆ. "ನಿಮ್ಮ ಬಗ್ಗೆ ಏನಾದರೂ ಹೇಳಿ" ಎಂದು HR ಕೇಳಿದಾಗ, ನಿಮ್ಮ CV ಯಲ್ಲಿಲ್ಲದ ನಿಮ್ಮ ಬಗ್ಗೆ ನೀವು ಇನ್ನೇನು ಹೇಳಬಹುದು ಎಂಬುದನ್ನು ಅವರು ತಿಳಿದುಕೊಳ್ಳಲು ಬಯಸುತ್ತಾರೆ. ಹಾಗಾಗಿ ನಿಮ್ಮ CV ಯಲ್ಲಿ ಇರುವ ಮಾಹಿತಿಯನ್ನು ಹೇಳದೆ, ನಿಮ್ಮ ಉತ್ತಮ ಗುಣಗಳ ಬಗ್ಗೆ ಮಾತನಾಡಿ.

ಈ ಪ್ರಶ್ನೆಯ ಮೂಲಕ HR ನಿಮ್ಮಿಂದ ನಿಮ್ಮ ಆಸಕ್ತಿಗಳು ಯಾವುವು? ನೀವು ಟೀಂ ವರ್ಕರ್ ಹೌದಾ ಇಲ್ಲವಾ? ನೀವು ಚೆನ್ನಾಗಿ ಕೆಲಸ ಮಾಡುತ್ತೀರಾ? ಎಂದು ತಿಳಿದುಕೊಳ್ಳಲು ಪ್ರತ್ನಿಸುತ್ತಾರೆ ಎಂದುವುದನ್ನು ಮರೆಯದಿರಿ.

ಇನ್ನು ಮುಖ್ಯವಾಗಿ ನಿಮ್ಮ ಉತ್ತರ ವಾಸ್ತವಕ್ಕೆ ಹತ್ತಿರವಾಗಿರಲಿ. ಇಂಟರ್ ವ್ಯೂನಲ್ಲಿ ಇಂಪ್ರೆಸ್ ಮಾಡುವ ಉದ್ದೇಶದಿಂದ ಸುಳ್ಳುಗಳನ್ನು ಹೇಳಬೇಡಿ. ಇದರಿಂದ ಮುಂದೆ ನಿಮಗೇ ಸಮಸ್ಯೆ ಆಗುತ್ತೆ.