Job Offer: ಲೇಆಫ್ ಸೀಸನ್​ನಲ್ಲಿ ಯಾವುದೇ ಜಾಬ್ ಆಫರ್​ ಒಪ್ಪಿಕೊಳ್ಳುವ ಮುನ್ನ ಎಚ್ಚರಿಕೆ

ಯಾವುದೇ ಕೆಲಸಕ್ಕಾಗಿ ನಡೆಯುವ ಇಂಟರ್ ವ್ಯೂನಲ್ಲಿ ನಿಮ್ಮ ನಡವಳಿಕೆ, ಮಾತು, ಶಿಕ್ಷಣದ ಜೊತೆಗೆ ನಿಮ್ಮ ಕೆಲವು ಸುಪ್ತ ಅಂಶಗಳನ್ನು ಸಹ ಪರಿಶೀಲಿಸಲಾಗುತ್ತದೆ. ನಿಮಗೆ ಕೆಲಸ ಸಿಗುತ್ತದೋ ಇಲ್ಲವೋ ಎಂಬುದನ್ನು ಈ ಅಂಶಗಳೇ ನಿರ್ಧರಿಸುತ್ತವೆ. ಸಂದರ್ಶಕರು ನಿಮ್ಮ ಬಗ್ಗೆ ಎಲ್ಲವನ್ನೂ ಖಚಿತಪಡಿಸಿಕೊಂಡ ನಂತರವೇ ನಿಮ್ಮನ್ನು ನೇಮಿಸಿಕೊಳ್ಳುತ್ತಾರೆ.

ಆದರೆ, ಯಾವುದೇ ಕಂಪನಿಯಲ್ಲಿ ಆಯ್ಕೆಯಾದ ನಂತರ ನೀವು ಆ ಕಂಪನಿಯ ಬಗ್ಗೆ ಹೆಚ್ಚು ತಿಳಿದುಕೊಳ್ಳಲೇಬೇಕು. ಇಲ್ಲದಿದ್ದರೆ ಮುಂದೆ ನಿಮ್ಮ ಉದ್ಯೋಗ ಹಾಗೂ ಕರಿಯರ್ ಗೆ ಅಪಾಯ ಎದುರಾಗುತ್ತದೆ. ಹಾಗಾಗಿ ಯಾವುದೇ ಕೆಲಸಕ್ಕೆ ಸೇರುವ ಮೊದಲು ಆ ಕಂಪನಿಯ ಬಗ್ಗೆ ನೀವು ನಿಖರವಾಗಿ ಏನನ್ನು ತಿಳಿದುಕೊಳ್ಳಬೇಕು. ಆ ಬಗ್ಗೆ ಮಾಹಿತಿ ಇಲ್ಲಿದೆ.

1) ವರ್ಕ್ ಲೈಫ್ ಬ್ಯಾಲೆನ್ಸ್ ತುಂಬಾನೇ ಮುಖ್ಯ: ವಾರದಲ್ಲಿ ಇಲ್ಲವೇ ತಿಂಗಳಲ್ಲಿ ಎಷ್ಟು ದಿನ, ಎಷ್ಟು ಗಂಟೆಗಳ ಕಾಲ ಕೆಲಸ ಮಾಡಬೇಕು ಎಂಬ ಖಚಿತ ಮಾಹಿತಿಯನ್ನು ಪಡೆದುಕೊಳ್ಳಿ. ಇಲ್ಲವಾದರೆ ಮುಂದೆ ಪಶ್ಚಾತಾಪಪಡಬೇಕಾಗುತ್ತದೆ.

2) ಪ್ರಯೋಜನಗಳು: ವಿವಿಧ ಕಂಪನಿಗಳು ತಮ್ಮ ಉದ್ಯೋಗಿಗಳಿಗೆ ಆರೋಗ್ಯ ರಕ್ಷಣೆ, ಟೀಂ ವೆಕೇಷನ್, ಕೌಶಲ್ಯ ಅಭಿವೃದ್ಧಿ, ಉದ್ಯೋಗದ ತರಬೇತಿ, ಹೆಚ್ಚಿನ ಸಂಭಾವನೆ ಮತ್ತು ಪ್ರಾಯೋಜಿತ ವೃತ್ತಿಪರ ಕೋರ್ಸ್ ಗಳನ್ನು ಒಳಗೊಂಡಿರುವ ಬೆನಿಫಿಟ್ಸ್ ನೊಂದಿಗೆ ಆಕರ್ಷಿಸುತ್ತವೆ. ಈ ಎಲ್ಲಾ ವಿಷಯಗಳು ನಿಮಗೆ ತುಂಬಾ ಪ್ರಯೋಜನಕಾರಿಯಾಗಬಹುದು. ಅದಕ್ಕಾಗಿಯೇ ಕಂಪನಿಯಲ್ಲಿನ ಸೌಲಭ್ಯಗಳ ಬಗ್ಗೆ ಆರಂಭದಲ್ಲಿ ತಿಳಿದುಕೊಳ್ಳುವುದು ಅವಶ್ಯಕ.

3) ಕಂಪನಿಯ ಸೇವೆ ಅಥವಾ ಉತ್ಪನ್ನದ ಬಗ್ಗೆ ತಿಳಿಯಿರಿ: ಕಂಪನಿಯ ಉತ್ಪನ್ನದ ಬಗ್ಗೆ ತಿಳಿದುಕೊಳ್ಳಿ. ನೀವು ಈ ಮಾಹಿತಿಯನ್ನು ಕಂಪನಿಯ ವೆಬ್ ಸೈಟ್ ನಲ್ಲಿ ಸಂಗ್ರಹಿಸಬಹುದು. ವ್ಯಾಪಾರ ವೆಬ್ ಸೈಟ್ ನಲ್ಲಿ ಅವರ ಹಣಕಾಸಿನ ಮಾಹಿತಿಯನ್ನು ತಿಳಿದುಕೊಳ್ಳಬಹುದು.

4) ಕಂಪನಿಯ ಪರಿಸರದ ಬಗ್ಗೆ ಮಾಹಿತಿ ಇರಬೇಕು. ಕಂಪನಿಯ ಪರಿಸರ ಅಂದರೆ ಕಂಪನಿಯಲ್ಲಿನ ಉದ್ಯೋಗಿಗಳು ಪರಸ್ಪರ ಹೇಗೆ ವರ್ತಿಸುತ್ತಾರೆ? ನೀವು ಹೇಗೆ ಅಡ್ಜೆಸ್ಟ್ ಆಗಬಹುದು? ಮ್ಯಾನೇಜರ್ / ಬಾಸ್ ಉದ್ಯೋಗಿಗಳನ್ನು ಹೇಗೆ ನಡೆಸಿಕೊಳ್ಳುತ್ತಾರೆ ಎಂಬುದರ ಕುರಿತು ತಿಳಿಯಿರಿ.

ಕಂಪನಿಯಲ್ಲಿ ಕೆಲಸ ಮಾಡಿದ ಕೆಲವು ಹಳೆಯ ಉದ್ಯೋಗಿಗಳು ನಿಮಗೆ ಈ ಮಾಹಿತಿಯನ್ನು ನೀಡಬಹುದು. ಈ ಎಲ್ಲಾ ವಿಷಯಗಳನ್ನು ತಿಳಿದುಕೊಂಡ ಬಳಿಕವಷ್ಟೇ ನೀವು ಹೊಸ ಉದ್ಯೋಗದ ಜಾಬ್ ಆಫರ್ ಅನ್ನು ಅಕ್ಸೆಪ್ಟ್ ಮಾಡಿ. (ಸಾಂಕೇತಿಕ ಚಿತ್ರ)