IRMS 2023: ಮುಂದಿನ ವರ್ಷ ರೈಲ್ವೆ ನೇಮಕಾತಿ ಪರೀಕ್ಷೆಯನ್ನು UPSCಯೇ ನಡೆಸಲಿದೆ, ತಯಾರಿ ಈ ರೀತಿ ಇರಲಿ

IRMSE ಎರಡು ಹಂತದ ಪರೀಕ್ಷೆಯಾಗಿದೆ. ಪ್ರಾಥಮಿಕ ಸ್ಕ್ರೀನಿಂಗ್ ಪರೀಕ್ಷೆಯ ನಂತರ ಮುಖ್ಯ ಲಿಖಿತ ಪರೀಕ್ಷೆ ಮತ್ತು ಸಂದರ್ಶನ ಇರುತ್ತದೆ. ಭಾರತೀಯ ರೈಲ್ವೆ ನಿರ್ವಹಣಾ ಸೇವಾ ಮೊದಲ ಪರೀಕ್ಷೆಯನ್ನು (IRMSE) 2023 ರಲ್ಲಿ ನಡೆಸಲಾಗುವುದು.

UPSC ಸಿವಿಲ್ ಸರ್ವೀಸಸ್ ಪ್ರಿಲಿಮ್ಸ್ 2023 ಅನ್ನು ಫೆಬ್ರವರಿ 1 ಮತ್ತು ಮೇ 28 ರಂದು ನಡೆಸುವುದಾಗಿ ಹೇಳಿದ್ದಾರೆ. CSP ಪರೀಕ್ಷೆ 2023 ಅನ್ನು IRMS (ಮುಖ್ಯ) ಪರೀಕ್ಷೆಗೆ ಅಭ್ಯರ್ಥಿಗಳ ಸ್ಕ್ರೀನಿಂಗ್ ಗೆ ಸಹ ಪರಿಗಣಿಸಲಾಗುತ್ತದೆ. ಆದ್ದರಿಂದ ಆ ವೇಳಾಪಟ್ಟಿಯ ನಂತರ IRMS ಪರೀಕ್ಷೆ-2023 ಅನ್ನು ಸೂಚಿಸಲಾಗುವುದು.

IRMSE ಎರಡು ಹಂತದ ಪರೀಕ್ಷೆಯಾಗಿರುತ್ತದೆ. ಪೂರ್ವಭಾವಿ ಸ್ಕ್ರೀನಿಂಗ್ ಪರೀಕ್ಷೆ ನಂತರ ಮುಖ್ಯ ಲಿಖಿತ ಪರೀಕ್ಷೆ. ಇದಾದ ಬಳಿಕ ಸಂದರ್ಶನ ನಡೆಯಲಿದೆ. IRMS ಮುಖ್ಯ ಪರೀಕ್ಷೆಯಲ್ಲಿ ಸಾಂಪ್ರದಾಯಿಕ ಪ್ರಬಂಧ ಪ್ರಕಾರದ 4 ಪೇಪರ್ಗಳು ಇರುತ್ತವೆ. ಇದರಲ್ಲಿ ಸಬ್ಜೆಕ್ಟ್ ಸೆಟ್ ಅನ್ನು ಆಯ್ಕೆ ಮಾಡಿಕೊಳ್ಳಬೇಕು.

ಈ ಪತ್ರಿಕೆಗಳು ಅರ್ಹತಾ ಪತ್ರಿಕೆಗಳಲ್ಲಿ ಇರುತ್ತವೆ. ಪೇಪರ್ Aನಲ್ಲಿ ಅಭ್ಯರ್ಥಿಯು ಸಂವಿಧಾನದ ಎಂಟನೇ ಶೆಡ್ಯೂಲ್ ನಲ್ಲಿರುವ ಯಾವುದೇ ಒಂದು ಭಾರತೀಯ ಭಾಷೆಯನ್ನು ಆಯ್ಕೆ ಮಾಡಬೇಕಾಗುತ್ತದೆ. ಇದು 300 ಅಂಕಗಳಿಗೆ ಆಗಿರುತ್ತದೆ. ಅರ್ಹತಾ ಪತ್ರಿಕೆ B ಇಂಗ್ಲಿಷ್ ಆಗಿರುತ್ತದೆ. ಇದು ಸಹ 300 ಅಂಕಗಳಿಗೆ ಪರೀಕ್ಷೆ ನಡೆಸಲಾಗುತ್ತೆ.

ಐಚ್ಛಿಕ ವಿಷಯದ ಒಂದನೇ ಪೇಪರ್ 250 ಅಂಕಗಳನ್ನು ಹೊಂದಿರುತ್ತದೆ. ಐಚ್ಛಿಕ ವಿಷಯದ ಪೇಪರ್ 2 ಸಹ 250 ಅಂಕಗಳಾಗಿರುತ್ತದೆ. ವ್ಯಕ್ತಿತ್ವ ಪರೀಕ್ಷೆಯು 100 ಅಂಕಗಳಾಗಿರುತ್ತದೆ.

ಐಚ್ಛಿಕ ವಿಷಯಗಳ ಪಟ್ಟಿ: ಸಿವಿಲ್ ಇಂಜಿನಿಯರಿಂಗ್, ಮೆಕ್ಯಾನಿಕಲ್ ಇಂಜಿನಿಯರಿಂಗ್, ಎಲೆಕ್ಟ್ರಿಕಲ್ ಇಂಜಿನಿಯರಿಂಗ್, ಕಾಮರ್ಸ್ ಮತ್ತು ಅಕೌಂಟೆನ್ಸಿ.. ಇವುಗಳಲ್ಲಿ ಅಭ್ಯರ್ಥಿಯು ಕೇವಲ ಒಂದು ಐಚ್ಛಿಕ ವಿಷಯವನ್ನು ಆರಿಸಬೇಕಾಗುತ್ತದೆ.

pib.gov.in ನಲ್ಲಿ ಪತ್ರಿಕಾ ಪ್ರಕಟಣೆಯನ್ನು ಹೊರಡಿಸುವ ಮೂಲಕ ಈ ಪರೀಕ್ಷೆಗೆ ಸಂಬಂಧಿಸಿದ ಎಲ್ಲಾ ಬದಲಾವಣೆಗಳ ಮಾಹಿತಿಯನ್ನು ಪತ್ರಿಕಾ ಮಾಹಿತಿ ಬ್ಯೂರೋ ನೀಡಿದೆ. ವಿವರವಾಗಿ ಓದಲು, https://pib.gov.in/PressReleasePage.aspx?PRID=1880524 ಗೆ ಭೇಟಿ ನೀಡಿ.