Tina Dabi Success Story: ಮೊದಲ ಪ್ರಯತ್ನದಲ್ಲೇ 1st Rank ಪಡೆದರೂ, 2 ಮದುವೆಗಳಿಂದಲೇ ಸುದ್ದಿಯಾದ IAS ಅಧಿಕಾರಿ

2016ರ ಬ್ಯಾಚ್ ನ ಐಎಎಸ್ ಟೀನಾ ದಾಬಿ ಕಳೆದ 6 ವರ್ಷಗಳಿಂದ ನಿರಂತರ ಚರ್ಚೆಯಲ್ಲಿದ್ದಾರೆ. ಲಾಕ್ ಡೌನ್ ಸಮಯದಲ್ಲಿಯೂ ಅವರು ಸುದ್ದಿಯ ವಿಷಯವಾಗಿದ್ದರು. ಸೋಷಿಯಲ್ ಮೀಡಿಯಾದಲ್ಲೂ ಸಖತ್ ಫೇಮಸ್ ಇವರು. ಟೀನಾ ಅವರ ಜರ್ನಿ ಬಗ್ಗೆ ತಿಳಿಯುವುದು ಅದೆಷ್ಟೋ ಯುಪಿಎಸ್ ಸಿ ಅಭ್ಯರ್ಥಿಗಳಿಗೆ ಸ್ಪೂರ್ತಿಯಾಗಬಹುದು.

ಟೀನಾ ದಾಬಿ ಮಧ್ಯಪ್ರದೇಶದ ಭೋಪಾಲ್ ನಗರದಲ್ಲಿ 9 ನವೆಂಬರ್ 1993 ರಂದು ಜನಿಸಿದರು. ಅವರ ತಂದೆ ಜಸ್ವಂತ್ ದಾಬಿ BSNL ನಲ್ಲಿ ಜನರಲ್ ಮ್ಯಾನೇಜರ್ ಹುದ್ದೆಯಲ್ಲಿದ್ದರು. ಅವರ ತಾಯಿ ಹಿಮಾನಿ ದಾಬಿ ಐಇಎಸ್ ಅಂದರೆ ಭಾರತೀಯ ಇಂಜಿನಿಯರಿಂಗ್ ಸೇವೆಯಲ್ಲಿ ಅಧಿಕಾರಿಯಾಗಿದ್ದಾರೆ. ಅವರ ತಂಗಿ ರಿಯಾ ದಾಬಿ ಕೂಡ ಐಎಎಸ್ ಅಧಿಕಾರಿಯಾಗಿದ್ದಾರೆ.

ಟೀನಾ ದಾಬಿ ಬಾಲ್ಯದಿಂದಲೂ ಅಧ್ಯಯನದಲ್ಲಿ ತುಂಬಾ ಚುರುಕಾಗಿದ್ದರು. ಭೋಪಾಲ್ ನಿಂದ ಸ್ಥಳಾಂತರಗೊಂಡ ನಂತರ, ಟೀನಾ ದಾಬಿ ನವದೆಹಲಿಯ ಜೀಸಸ್ ಮತ್ತು ಮೇರಿ ಕಾನ್ವೆಂಟ್ ಶಾಲೆಯಲ್ಲಿ ಅಧ್ಯಯನ ಮಾಡಿದರು. ಟೀನಾ 12 ನೇ ಸಿಬಿಎಸ್ಇ ಮಂಡಳಿಯ ಟಾಪರ್.

ರಾಜ್ಯಶಾಸ್ತ್ರ ಮತ್ತು ಇತಿಹಾಸ ಎರಡರಲ್ಲೂ 100 ಕ್ಕೆ 100 ಅಂಕಗಳನ್ನು ಗಳಿಸಿದ್ದಾರೆ. ಟೀನಾ ದಾಬಿ ದೆಹಲಿ ವಿಶ್ವವಿದ್ಯಾಲಯದ ಲೇಡಿ ಶ್ರೀ ರಾಮ್ ಕಾಲೇಜ್ ಫಾರ್ ವುಮೆನ್ನಿಂದ ರಾಜ್ಯಶಾಸ್ತ್ರದಲ್ಲಿ ಪದವಿ ಪಡೆದಿದ್ದಾರೆ.

ಪದವಿಯ ನಂತರ, ಟೀನಾ ದಾಬಿ 2015 ರಲ್ಲಿ UPSC ಪರೀಕ್ಷೆಯಲ್ಲಿ ಕಾಣಿಸಿಕೊಂಡರು. ತಮ್ಮ ಮೊದಲ ಪ್ರಯತ್ನದಲ್ಲೇ ಯಶಸ್ವಿಯಾದಳು. ಅವರು 2015 ರ UPSC ಪರೀಕ್ಷೆಯಲ್ಲಿ ಮೊದಲ ರ್ಯಾಂಕ್ ಗಳಿಸುವ ಮೂಲಕ ಆ ಬ್ಯಾಚ್ ನ UPSC ಟಾಪರ್ ಆದರು. ತರಬೇತಿಯ ನಂತರ, 2016 ರಲ್ಲಿ, ಅವರು ರಾಜಸ್ಥಾನ ಕೇಡರ್ ನ ಐಎಎಸ್ ಅಧಿಕಾರಿಯಾದರು.

2018 ರ ಆರಂಭದಲ್ಲಿ ಟೀನಾ ದಾಬಿ ತನ್ನ ಬ್ಯಾಚ್ ನ ಎರಡನೇ ರ್ಯಾಂಕ್ ಪಡೆದ ಐಎಎಸ್ ಅಥರ್ ಅಮೀರ್ ಖಾನ್ ಅವರನ್ನು ವಿವಾಹವಾದರು. ಆದರೆ 2020 ರಲ್ಲಿ, ಇಬ್ಬರೂ ಪರಸ್ಪರ ಒಪ್ಪಿಗೆಯೊಂದಿಗೆ ವಿಚ್ಛೇದನ ಪಡೆದರು.

ನಂತರ ಟೀನಾ ದಾಬಿ ಏಪ್ರಿಲ್ 2022 ರಲ್ಲಿ ಡಾ. ಪ್ರದೀಪ್ ಗವಾಂಡೆ ಅವರನ್ನು 2ನೇ ವಿವಾಹವಾದರು. ಇವರು 2013ರ ಬ್ಯಾಚ್ನ ಐಎಎಸ್ ಅಧಿಕಾರಿ. ಈ ಮದುವೆ ಕೂಡ ತುಂಬಾ ಚರ್ಚೆಯಾಗಿತ್ತು.