UPSC Motivational: ಏರೋಸ್ಪೇಸ್ ಇಂಜಿನಿಯರ್ ಏಕೆ ಅರಣ್ಯಾಧಿಕಾರಿಯಾದರು? ಸಾಧನೆಯ ಕಥೆ ಇಲ್ಲಿದೆ

ಪರ್ವೀನ್ ಕಸ್ವಾನ್, ರಾಜಸ್ಥಾನದ ಹನುಮಾನ್ ಗಢ ಜಿಲ್ಲೆಯ ಮಿರ್ಜಾವಲಿ ಮೆರ್ ಗ್ರಾಮದ ನಿವಾಸಿ. ಇವರ ತಂದೆಯ ಹೆಸರು ಹಂಸರಾಜ್ ಕಸ್ವಾನ್. ಮದುವೆಯ ಸಮಯದಲ್ಲಿ ಇವರ ತಾಯಿಗೆ ಕೇವಲ 13 ವರ್ಷ ವಯಸ್ಸಾಗಿತ್ತು ಎಂದು ಅವರು ಒಮ್ಮೆ ಟ್ವೀಟ್ ಮೂಲಕ ಹೇಳಿದ್ದರು. ತಾಯಿ 16 ವರ್ಷದವರಾಗಿದ್ದಾಗ ಪರ್ವೀನ್ ಕಸ್ವಾನ್ ಅವರು ಜನಿಸಿದ್ದಾರೆ.

IFS ಪರ್ವೀನ್ ಕಸ್ವಾನ್ ಅವರು 2008ರಲ್ಲಿ ಅಮಿಟಿ ವಿಶ್ವವಿದ್ಯಾಲಯದಿಂದ ಏರೋಸ್ಪೇಸ್, ಏರೋನಾಟಿಕಲ್ ಮತ್ತು ಏರೋನಾಟಿಕಲ್/ಸ್ಪೇಸ್ ಎಂಜಿನಿಯರಿಂಗ್ ನಲ್ಲಿ ಬಿ.ಟೆಕ್ ಮಾಡಿದ್ದಾರೆ. ಏರೋಸ್ಪೇಸ್ ಇಂಜಿನಿಯರ್ ಪರ್ವೀನ್ 2012 ರಲ್ಲಿ ಗೇಟ್ ಪರೀಕ್ಷೆಯಲ್ಲಿ 191 ನೇ ರ್ಯಾಂಕ್ ಗಳಿಸಿದರು, ನಂತರ ಅವರಿಗೆ MHRD ವಿದ್ಯಾರ್ಥಿವೇತನವನ್ನು ನೀಡಿತು.

ನಂತರ ಐಐಎಸ್ಸಿ ಬೆಂಗಳೂರಿನಿಂದ ಎಂಜಿನಿಯರಿಂಗ್ ವಿನ್ಯಾಸಗಳಲ್ಲಿ ಸ್ನಾತಕೋತ್ತರ ಪದವಿ ಪಡೆದರು. 2016-2018 ರಲ್ಲಿ, ಪರ್ವೀನ್ ಡೆಹ್ರಾಡೂನ್ ನ ಫಾರೆಸ್ಟ್ ರಿಸರ್ಚ್ ಇನ್ ಸ್ಟಿಟ್ಯೂಟ್ ನಿಂದ ಫಾರೆಸ್ಟ್ರಿಯಲ್ಲಿ ಸ್ನಾತಕೋತ್ತರ ಪದವಿ ಪಡೆದರು.2015ರಲ್ಲಿ ನಡೆದ ಯುಪಿಎಸ್ಸಿ ಪರೀಕ್ಷೆಯಲ್ಲಿ ಪರ್ವೀನ್ ಕಸ್ವಾನ್ 81ನೇ ರ್ಯಾಂಕ್ ಪಡೆದಿದ್ದರು.

ಐಎಫ್ ಎಸ್ ಗೆ ಸೇರಲು ತುಂಬಾ ಕಷ್ಟಪಡಬೇಕಾಯಿತು ಎಂದು ಪರ್ವೀನ್ ಹಲವು ಸಂದರ್ಶನಗಳಲ್ಲಿ ಹೇಳಿದ್ದಾರೆ. ವಾಸ್ತವವಾಗಿ, IFS ಇತರ ಆಡಳಿತಾತ್ಮಕ ಸೇವೆಗಳಿಗಿಂತ ಹೆಚ್ಚಾಗಿರುತ್ತದೆ. ಅವರು ಎನ್ ಸಿಇಆರ್ ಟಿ ಪುಸ್ತಕಗಳು, ಪತ್ರಿಕೆಗಳು ಮತ್ತು ಅಣಕು ಪರೀಕ್ಷೆಗಳ ಮೂಲಕ ಸರ್ಕಾರಿ ಕೆಲಸಕ್ಕೆ ತಯಾರಿ ನಡೆಸಿದರು.

ಐಎಫ್ ಎಸ್ ಪರ್ವೀನ್ ಕಸ್ವಾನ್ ಸಾಮಾನ್ಯ ಕುಟುಂಬಕ್ಕೆ ಸೇರಿದವರು. ಹಿಂದಿ ಭಾಷೆ ಅವರ ಮಾತೃ ಭಾಷೆಯಾಗಿದೆ. ಕಾಲೇಜು ವ್ಯಾಸಂಗ ಆರಂಭಿಸಿದಾಗ ಸಾಕಷ್ಟು ಕಷ್ಟಗಳನ್ನು ಎದುರಿಸಬೇಕಾಯಿತು.

ವಾಸ್ತವವಾಗಿ, ಕಾಲೇಜಿನಲ್ಲಿ ಎಲ್ಲಾ ರೀತಿಯ ಹಿನ್ನೆಲೆಯ ವಿದ್ಯಾರ್ಥಿಗಳು ಇದ್ದರು. ಅವರಲ್ಲಿ ಹೆಚ್ಚಿನವರು ಇಂಗ್ಲಿಷ್ ಭಾಷೆಯಲ್ಲಿ ಮಾತನಾಡುತ್ತಿದ್ದರು. ಮಾತ್ರವಲ್ಲದೆ ಈ ಭಾಷೆಯ ಹಾಡುಗಳನ್ನು ಕೇಳುತ್ತಿದ್ದರು. ಇದನ್ನು ನೋಡಿದ ಪರ್ವೀನ್ ಗೆ ಆರಂಭದಲ್ಲಿ ತುಂಬಾ ವಿಚಿತ್ರ ಅನಿಸಿತು.

IFS ಪರ್ವೀನ್ ಕಸ್ವಾನ್ ಸಾಮಾಜಿಕ ಮಾಧ್ಯಮದಲ್ಲಿ ಬಹಳ ಜನಪ್ರಿಯರಾಗಿದ್ದಾರೆ. ಅವರ ಇನ್ ಸ್ಟಾಗ್ರಾಮ್ ಖಾತೆಯಲ್ಲಿ 40 ಸಾವಿರ ಫಾಲೋವರ್ಸ್ ಮತ್ತು ಟ್ವಿಟರ್ ನಲ್ಲಿ 4 ಲಕ್ಷಕ್ಕೂ ಹೆಚ್ಚು ಫಾಲೋವರ್ಸ್ ಇದ್ದಾರೆ. ಅವರು ಎರಡೂ ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ಪ್ರಾಣಿಗಳು ಮತ್ತು ಕಾಡಿನ ಅದ್ಭುತ ಚಿತ್ರಗಳನ್ನು ಹಂಚಿಕೊಳ್ಳುತ್ತಲೇ ಇರುತ್ತಾರೆ.