Himanshu Nagpal Success Story: ಇಂಗ್ಲಿಷ್ ಬರಲ್ಲ ಅಂತ ಗೇಲಿಗೊಳಗಾಗಿದ್ದ ಯುವಕ, ಮೊದಲ ಪ್ರಯತ್ನದಲ್ಲೇ IAS ಅಧಿಕಾರಿ ಆದ!
IAS Himanshu Nagpal Success Story: ಕೇಂದ್ರ ಲೋಕಸೇವಾ ಆಯೋಗದ ನಾಗರಿಕ ಸೇವಾ ಪರೀಕ್ಷೆಯು ದೇಶದಲ್ಲೇ ಅತ್ಯಂತ ಕಠಿಣ ಪರೀಕ್ಷೆಯಾಗಿದೆ. IAS, IRS, IFS ಇತ್ಯಾದಿ ಹುದ್ದೆಗಳನ್ನು ಯಶಸ್ವಿ ಅಭ್ಯರ್ಥಿಗಳಿಗೆ ಅವರ ಶ್ರೇಣಿ ಮತ್ತು ಆದ್ಯತೆಯ ಆಧಾರದ ಮೇಲೆ ಹಂಚಲಾಗುತ್ತದೆ. UPSC ಪರೀಕ್ಷೆಗೆ ತಯಾರಿ ನಡೆಸುತ್ತಿರುವ ಕೆಲವು ಅಭ್ಯರ್ಥಿಗಳು ಅದರಲ್ಲಿ ಯಶಸ್ವಿಯಾಗಲು ಇಂಗ್ಲಿಷ್ ಮಾಧ್ಯಮದಲ್ಲಿ ಓದುವುದು ಅಗತ್ಯ ಎಂದು ಭಾವಿಸುತ್ತಾರೆ. ಆದರೆ ವಾಸ್ತವದಲ್ಲಿ ಹಾಗಲ್ಲ. ಆ ವಿಚಾರವಾಗಿ ಐಎಎಸ್ ಹಿಮಾಂಶು ನಾಗ್ಪಾಲ್ ಯಶಸ್ಸಿನ ಕಥೆಯಿಂದ ಬಹಳಷ್ಟು ಕಲಿಯಬಹುದು.
IAS ಹಿಮಾಂಶು ನಾಗ್ಪಾಲ್ ಹರಿಯಾಣ ರಾಜ್ಯದ ಹಿಸಾರ್ ಜಿಲ್ಲೆಯ ಹಂಸಿ ನಿವಾಸಿ. ಅವರು 12 ಆಗಸ್ಟ್ 1996 ರಂದು ಜನಿಸಿದ್ದಾರೆ. ಅವರು ಮಧ್ಯಮ ವರ್ಗದ ಕುಟುಂಬಕ್ಕೆ ಸೇರಿದವರು. ಇಂಗ್ಲಿಷ್ ಭಾಷೆಯ ಮೇಲೆ ಬಲವಾದ ಹಿಡಿತವನ್ನು ಹೊಂದಿಲ್ಲದಿದ್ದರೂ, ಅವರು ತಮ್ಮ ಮೊದಲ ಪ್ರಯತ್ನದಲ್ಲೇ UPSC ಪರೀಕ್ಷೆಯಲ್ಲಿ ತೇರ್ಗಡೆಯಾದರು. ಹಿಂದಿ ಭಾಷೆಯನ್ನು ತಮ್ಮ ಯಶಸ್ಸಿಗೆ ಅಡ್ಡಿ ಎಂದು ಪರಿಗಣಿಸುವ ಅಭ್ಯರ್ಥಿಗಳಿಗೆ ಹಿಮಾಂಶು ಅವರ ಜೀವನ ಕಥೆಯು ಸ್ಫೂರ್ತಿಯಾಗುವುದರಲ್ಲಿ ಅನುಮಾನವೇ ಇಲ್ಲ.
ಹಿಮಾಂಶು ನಾಗ್ಪಾಲ್ ಸರ್ಕಾರಿ ಶಾಲೆಯಲ್ಲಿ 5ನೇ ತರಗತಿವರೆಗೆ ಓದಿದ್ದಾರೆ. ಇದಾದ ಬಳಿಕ ಖಾಸಗಿ ಶಾಲೆಯೊಂದರಲ್ಲಿ ಅವರ ಅಡ್ಮಿಷನ್ ಆಯಿತು. 12ನೇ ತರಗತಿವರೆಗೆ ಹಿಂದಿ ಮಾಧ್ಯಮದಲ್ಲಿ ಓದಿದ್ದಾರೆ. ಹಿಮಾಂಶು 10ನೇ ತರಗತಿಯಲ್ಲಿ 80% ಮತ್ತು 12ನೇ ತರಗತಿಯಲ್ಲಿ 97% ಅಂಕಗಳನ್ನು ಪಡೆದಿದ್ದರು. ಅವರು ದೆಹಲಿ ವಿಶ್ವವಿದ್ಯಾಲಯದ ಹಂಸರಾಜ್ ಕಾಲೇಜಿನಲ್ಲಿ ಬಿಕಾಂ ಆನರ್ಸ್ ಮಾಡಿದ್ದಾರೆ.
ಈ ಎರಡು ಅಪಘಾತಗಳ ಹೊರತಾಗಿ, ಹಿಮಾಂಶು ನಾಗ್ಪಾಲ್ ಕಾಲೇಜಿನಲ್ಲಿ ಅನೇಕ ಸಮಸ್ಯೆಗಳನ್ನು ಎದುರಿಸಬೇಕಾಯಿತು. ವಾಸ್ತವವಾಗಿ, ಅವರು ಮೊದಲಿನಿಂದಲೂ ಹಿಂದಿ ಮಾಧ್ಯಮದಲ್ಲಿ ಓದುತ್ತಿದ್ದರು, ಆದರೆ ಕಾಲೇಜು ಸಂಪೂರ್ಣವಾಗಿ ಇಂಗ್ಲಿಷ್ ಮಾಧ್ಯಮವಾಗಿತ್ತು. ಕಾಲೇಜಿನಲ್ಲಿ ಯಾರೊಂದಿಗೂ ಮಾತನಾಡಲು ಹಿಂಜರಿಯುತ್ತಿದ್ದರು. ತರಗತಿಯ ಸಮಯದಲ್ಲಿಯೂ ಅವರನ್ನು ಅನೇಕ ಬಾರಿ ಗೇಲಿ ಮಾಡಲಾಯಿತು. ಆದರೆ ಅವರು ಧೈರ್ಯ ಕಳೆದುಕೊಳ್ಳಲಿಲ್ಲ ಮತ್ತು UPSC ಪರೀಕ್ಷೆಯ ಬಗ್ಗೆ ಮಾಹಿತಿ ಸಂಗ್ರಹಿಸಲು ಪ್ರಾರಂಭಿಸಿದರು.
ಹಿಮಾಂಶು ನಾಗ್ಪಾಲ್ ಐಎಎಸ್ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಲು ಯಾವುದೇ ಕೋಚಿಂಗ್ ತೆಗೆದುಕೊಂಡಿಲ್ಲ. ಅವರ ಮೊದಲ ಪ್ರಯತ್ನದಲ್ಲಿ, ಅದರಲ್ಲೂ 22 ನೇ ವಯಸ್ಸಿನಲ್ಲೇ UPSC ಪರೀಕ್ಷೆಯನ್ನು ಸ್ವಯಂ ಅಧ್ಯಯನದ ಆಧಾರದ ಮೇಲೆ ಉತ್ತೀರ್ಣರಾಗಿದ್ದರು. 26ನೇ ರ್ಯಾಂಕ್ ಗಳಿಸಿದ್ದರು. ಕೌಟುಂಬಿಕ ಸಮಸ್ಯೆಗಳು, ಭಾಷೆ, ಬಜೆಟ್, ಸರಿಯಾದ ಮಾರ್ಗದರ್ಶನದ ಕೊರತೆ ಮುಂತಾದ ಹಲವು ಸಮಸ್ಯೆಗಳನ್ನು ದಾಟಿ ಹಿಮಾಂಶು ಸಾಧನೆ ಮಾಡಿದ್ದಾರೆ.
ಹಿಮಾಂಶು ನಾಗ್ಪಾಲ್ ತಮ್ಮ ಸರ್ಕಾರಿ ಕೆಲಸವನ್ನು ಸಹರಾನ್ ಪುರದಿಂದ ಪ್ರಾರಂಭಿಸಿದರು. ಇದಾದ ನಂತರ ಅವರು ಜೌನ್ ಪುರ ಮತ್ತು ಕಾನ್ಪುರದಲ್ಲಿ ಪೋಸ್ಟಿಂಗ್ ಪಡೆದರು. ಪ್ರಸ್ತುತ ಅವರು ವಾರಣಾಸಿಯಲ್ಲಿ ಸಿಡಿಒ ಆಗಿ ಕೆಲಸ ಮಾಡುತ್ತಿದ್ದಾರೆ. ಹಿಮಾಂಶು ನಾಗ್ಪಾಲ್ ಅವರ ವ್ಯಕ್ತಿತ್ವ ಅದ್ಭುತವಾಗಿದೆ, ಪ್ರತಿ ನಗರದ ಸ್ಥಳೀಯ ಜನರು ಅವರನ್ನು ತಮ್ಮ ದೃಷ್ಟಿಯಲ್ಲಿ ಇಟ್ಟುಕೊಂಡು ಗೌರವ ಮತ್ತು ಪ್ರೀತಿಯನ್ನು ತೋರಿದ್ದಾರೆ.