UPSC Inspirational: 10ನೇ ಕ್ಲಾಸ್, PUನಲ್ಲಿ ಫೇಲ್ ಆಗಿದ್ದ ಹುಡ್ಗಿ ಐಎಎಸ್ ಅಧಿಕಾರಿಯಾಗಿದ್ದೇ ಅಚ್ಚರಿ

ರಾಜಸ್ಥಾನದ ನಿವಾಸಿ ಮತ್ತು ಗುಜರಾತ್ ಕೇಡರ್ನಲ್ಲಿ ನಿಯೋಜಿತರಾಗಿರುವ ಐಎಎಸ್ ಅಂಜು ಶರ್ಮಾ ಅವರು 10 ಮತ್ತು 12 ನೇ ತರಗತಿಯಲ್ಲಿ ಕಡಿಮೆ ಅಂಕಗಳನ್ನು ಹೊಂದಿದ್ದರು. ಆದರೆ ಇದರಿಂದ ಗಾಬರಿಯಾಗದೆ ತನ್ನ ಪರಿಶ್ರಮವನ್ನು ಇಮ್ಮಡಿಗೊಳಿಸಿ UPSC ಪರೀಕ್ಷೆಯಲ್ಲಿ ತೇರ್ಗಡೆಯಾದರು. ಅವರ ಯಶಸ್ಸಿನ ಕಥೆಯನ್ನು ತಿಳಿಯಿರಿ.

IAS ಅಂಜು ಶರ್ಮಾ 1969 ರಲ್ಲಿ ರಾಜಸ್ಥಾನದಲ್ಲಿ ಜನಿಸಿದರು. ಅವರು ಗುಜರಾತ್ ಕೇಡರ್ ನ 1991 ಬ್ಯಾಚ್ ನ ಐಎಎಸ್ ಅಧಿಕಾರಿ. ಶಾಲೆಯಲ್ಲಿ ಅನುತ್ತೀರ್ಣರಾಗಿದ್ದರೂ ಎದೆಗುಂದದೆ ಎರಡೆರಡು ಬಾರಿ ಶ್ರಮವಹಿಸಿ ದೇಶದ ಅತ್ಯಂತ ಕ್ಲಿಷ್ಟಕರ ಪರೀಕ್ಷೆ (UPSC Exam)ದಲ್ಲಿ ತೇರ್ಗಡೆಯಾದರು. ಈಗ ಸರ್ಕಾರಿ ನೌಕರಿಯಲ್ಲಿಯೇ ಅವರಿಗೆ ಹಲವು ದಶಕಗಳು ಕಳೆದಿವೆ.

ಅಂಜು ಶರ್ಮಾ ಅಧ್ಯಯನದಲ್ಲಿ ಚುರುಕಾಗಿದ್ದರು. ಆದರೆ ಅವರು ಹೆದರಿಕೆಯಿಂದ ಪರೀಕ್ಷೆಯಲ್ಲಿ ಗೊಂದಲಕ್ಕೊಳಗಾಗುತ್ತಿದ್ದರೆ. 10ನೇ ಪೂರ್ವ ಬೋರ್ಡ್ ಪರೀಕ್ಷೆಯಲ್ಲಿ ರಸಾಯನಶಾಸ್ತ್ರ ವಿಷಯದಲ್ಲಿ ಅನುತ್ತೀರ್ಣರಾಗಿದ್ದರು.

ನಂತರ 12ನೇ ತರಗತಿಯಲ್ಲೂ ಫೇಲ್ ಆಗಿದ್ದರು. ಇಂಟರ್ ಮೀಡಿಯೇಟ್ ನಲ್ಲಿ ಅರ್ಥಶಾಸ್ತ್ರ ವಿಷಯದಲ್ಲಿ ಅನುತ್ತೀರ್ಣಳಾಗಿದ್ದರು. ಆದರೆ ಅವರು ಇತರ ಎಲ್ಲ ವಿಷಯಗಳಲ್ಲಿ ಉನ್ನತ ಸ್ಥಾನವನ್ನು ಗಳಿಸಿದ್ದಳು. ಇಷ್ಟೆಲ್ಲ ಆದರೂ ಅವರು ಛಲ ಬಿಡಲಿಲ್ಲ.

ಇಂತಹ ದೊಡ್ಡ ವೈಫಲ್ಯಗಳ ನಡುವೆಯೂ ಅಂಜು ಶರ್ಮಾ ಗಟ್ಟಿಯಾಗಿ ನಿಂತರು. ಈ ಸಮಯದಲ್ಲಿ, ಅವರ ತಾಯಿ ಅವರಿಗೆ ಸಾಕಷ್ಟು ಬೆಂಬಲ ನೀಡಿದರು. ತನ್ನ ಅಧ್ಯಯನ ತಂತ್ರ ಸರಿಯಿಲ್ಲ ಎಂದು ಅಂಜುಗೂ ಅರ್ಥವಾಯಿತು. ಅದಕ್ಕಾಗಿಯೇ ಕಾಲೇಜಿನಲ್ಲಿ ಮೊದಲಿನಿಂದಲೂ ಅಧ್ಯಯನದತ್ತ ಗಮನ ಹರಿಸಿದರು. ಇದರಿಂದಾಗಿ ಅವರ ಪರೀಕ್ಷೆಯ ಒತ್ತಡ ದೂರವಾಯಿತು. ಜೈಪುರದಲ್ಲಿ ಬಿಎಸ್ಸಿ ಮಾಡಿದ ನಂತರ ಎಂಬಿಎ ಮಾಡಿದರು. ಕಾಲೇಜಿನಲ್ಲಿ ಚಿನ್ನದ ಪದಕ ವಿಜೇತೆಯಾದರು.

ಅಂಜು ಶರ್ಮಾ ತನ್ನ ಮೊದಲ ಪ್ರಯತ್ನದಲ್ಲಿ UPSC ಪರೀಕ್ಷೆಯಲ್ಲಿ ತೇರ್ಗಡೆ ಹೊಂದಿದ್ದರು. ಆಗ ಅವರ ವಯಸ್ಸು ಕೇವಲ 22 ವರ್ಷ. ಅವರು 1991 ರಲ್ಲಿ ರಾಜ್ ಕೋಟ್ ನಲ್ಲಿ ಸಹಾಯಕ ಕಲೆಕ್ಟರ್ ಹುದ್ದೆಯಿಂದ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು.

ಇದಲ್ಲದೆ, ಅವರು ಗಾಂಧಿನಗರದಲ್ಲಿ ಕಲೆಕ್ಟರ್ ಸೇರಿದಂತೆ ಇತರ ಹುದ್ದೆಗಳಲ್ಲಿಯೂ ಕೆಲಸ ಮಾಡಿದ್ದಾರೆ. ಇವರ ಪತಿಯ ಹೆಸರು ಧರ್ಮೇಂದ್ರ ಶರ್ಮಾ. ಪ್ರಸ್ತುತ, ಅಂಜು ಶರ್ಮಾ ಗಾಂಧಿನಗರದಲ್ಲಿರುವ ಸರ್ಕಾರಿ ಶಿಕ್ಷಣ ಇಲಾಖೆ ಸಚಿವಾಲಯದಲ್ಲಿ ಪ್ರಧಾನ ಕಾರ್ಯದರ್ಶಿಯಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.