Amit Lodha Success Story: ರಿಯಲ್​ ಲೈಫ್​ ಹೀರೋ IPS ಅಮಿತ್ ಲೋಧಾ! ನಿಮಗೂ ಮಾದರಿಯಾಗಲಿದೆ ಇವರ ಜೀವನಾಧಾರಿತ ವೆಬ್​ಸರಣಿ

ಐಪಿಎಸ್ ಅಮಿತ್ ಲೋಧಾ ವಯಸ್ಸು: ಐಪಿಎಸ್ ಅಮಿತ್ ಲೋಧಾ ಅವರು ‘ಸೂಪರ್ ಕಾಪ್’ ಎಂದೇ ಫೇಮಸ್. ಮಾಧ್ಯಮ ವರದಿಗಳ ಪ್ರಕಾರ ಅವರು 22 ಫೆಬ್ರವರಿ 1974 ರಂದು ರಾಜಸ್ಥಾನದ ಜೈಪುರದಲ್ಲಿ ಜನಿಸಿದರು. ಪ್ರಸ್ತುತ ಅವರಿಗೆ 48 ವರ್ಷ. ಐಪಿಎಸ್ ಅಮಿತ್ ಲೋಧಾ ಬಿಹಾರ ಕೇಡರ್‌ನಲ್ಲಿ ನೇಮಕಗೊಂಡಿದ್ದು ಬಿಹಾರದ ಗಯಾದಲ್ಲಿ ವಾಸಿಸುತ್ತಿದ್ದಾರೆ. ಅವರ ತಂದೆಯ ಹೆಸರು ಡಾ. ನರೇಂದ್ರ ಲೋಧಾ (ಐಪಿಎಸ್ ಅಮಿತ್ ಲೋಧಾ ಕುಟುಂಬ). ಅಮಿತ್ ಸಹೋದರ ಆದಿತ್ಯ ಲೋಧಾ ಕೂಡ ಸರ್ಕಾರಿ ಕೆಲಸ ಮಾಡುತ್ತಿದ್ದಾರೆ.

ಐಪಿಎಸ್ ಅಮಿತ್ ಲೋಧಾ ಶಿಕ್ಷಣ: ಐಪಿಎಸ್ ಅಮಿತ್ ಲೋಧಾ ಅವರು ಜೈಪುರದ ಸೇಂಟ್ ಕ್ಸೇವಿಯರ್ ಶಾಲೆಯಲ್ಲಿ ತಮ್ಮ ಶಾಲಾ ಶಿಕ್ಷಣವನ್ನು ಪಡೆದರು. ಐಐಟಿ ಜೆಇಇ ಪರೀಕ್ಷೆಯಲ್ಲಿ ತೇರ್ಗಡೆಯಾಗಿ ಐಐಟಿ ದೆಹಲಿಗೆ ಪ್ರವೇಶ ಪಡೆದರು. ಆದರೆ ಅಲ್ಲಿ ಅವರ ಅನುಭವ ಚೆನ್ನಾಗಿರಲಿಲ್ಲವಂತೆ. ಐಐಟಿಯಲ್ಲಿ ತಾನು ಕೀಳು ಎಂಬ ಭಾವನೆ ಅವರಲ್ಲಿ ಆರಂಭವಾಗಿ  ಖಿನ್ನತೆಗೆ ಒಳಗಾಗಿದ್ದೆ ಎಂದು ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ. ಅಷ್ಟೇ ಅಲ್ಲ ಆ ಸಮಯದಲ್ಲಿ ಅವರಿಗೆ ಆತ್ಮಹತ್ಯೆಯ ಯೋಚನೆಗಳೂ ಸಹ ಬಂದಿತ್ತಂತೆ.

UPSC ಪರೀಕ್ಷೆಯಲ್ಲಿ ತೇರ್ಗಡೆಯಾದ ತಕ್ಷಣ ಅಮಿತ್ ಲೋಧಾ ಅವರ ಜೀವನವೇ ಬದಲಾಯಿತು. ಅವರು ತಮ್ಮ ಮೊದಲ ಪ್ರಯತ್ನದಲ್ಲಿಯೇ ಈ ಪರೀಕ್ಷೆಯಲ್ಲಿ ಉತ್ತೀರ್ಣರಾದರು. ಅದು ಅವರ ಕಳೆದುಕೊಂಡ ಆತ್ಮವಿಶ್ವಾಸವನ್ನೂ ಹಿಂದಿರುಗಿಸಿತ್ತು. ದೊಡ್ಡ ವಿಷಯವೆಂದರೆ ಅವರು ಐಐಟಿ ದೆಹಲಿಯಲ್ಲಿ ಗಣಿತ ವಿಷಯದಲ್ಲಿ ಇ ಗ್ರೇಡ್ ಪಡೆದಿದ್ದರು, ಆದರೆ ಅವರು UPSC ಪರೀಕ್ಷೆಯಲ್ಲಿ ಈ ವಿಷಯದಲ್ಲಿ ಹೆಚ್ಚಿನ ಅಂಕಗಳನ್ನು ಪಡೆದರು. ಅಮಿತ್ ಲೋಧಾ ಅವರ ತಾಯಿಯ ಅಜ್ಜ ಐಎಎಸ್ ಅಧಿಕಾರಿಯಾಗಿದ್ದರು. ಆದ್ದರಿಂದಲೇ ಬಾಲ್ಯದಿಂದಲೂ  ಅವರಿಗೆ ಈ ಕ್ಷೇತ್ರದಲ್ಲಿ ಆಸಕ್ತಿ ಇತ್ತು.

ಅಮಿತ್ ಲೋಧಾ ಅವರನ್ನು 'ಸೂಪರ್‌ಕಾಪ್' (ನಿಜ ಜೀವನದಲ್ಲಿ ಅಮಿತ್ ಲೋಧಾ) ಎಂದು ಕರೆಯಲಾಗುತ್ತದೆ. ಅವರು ಸಾರ್ವಜನಿಕರಲ್ಲಿ ಬಹಳ ಜನಪ್ರಿಯರಾಗಿದ್ದಾರೆ. ಬಿಹಾರದ ಅತ್ಯಂತ ಭಯಾನಕ ಕ್ರಿಮಿನಲ್‌ಗಳಲ್ಲಿ ಒಬ್ಬರಾದ ಚಂದನ್ ಮಹ್ತೋ ಅಥವಾ 'ಶೇಖ್‌ಪುರದ ಗಬ್ಬರ್ ಸಿಂಗ್' (ಚಂದನ್ ಮಹ್ತೋ) ಅವರೊಂದಿಗಿನ ಅವರ ಹೋರಾಟವು ಸಾಕಷ್ಟು ಪ್ರಸಿದ್ಧವಾಗಿದೆ. ಅಮಿತ್ ಲೋಧಾ ತಮ್ಮ ‘ಬಿಹಾರ್ ಡೈರೀಸ್’ ಪುಸ್ತಕದಲ್ಲಿ ತಮ್ಮ ಪ್ರಮುಖ ಪ್ರಕರಣಗಳ ಬಗ್ಗೆ ಉಲ್ಲೇಖಿಸಿದ್ದಾರೆ.

ಐಪಿಎಸ್ ಅಮಿತ್ ಲೋಧಾ ಪತ್ನಿ: ಅಮಿತ್ ಲೋಧಾ ಬಹಳ ಪ್ರಸಿದ್ಧ ಪೊಲೀಸ್ ಅಧಿಕಾರಿ (ಐಪಿಎಸ್ ಅಧಿಕಾರಿ). ಇದುವರೆಗಿನ ಸೇವಾವಧಿಯಲ್ಲಿ ಹಲವು ಅಪಾಯಕಾರಿ ಪ್ರಕರಣಗಳಲ್ಲಿ ಕೆಲಸ ಮಾಡಿದ್ದಾರೆ. ಅವರ ಹೆಂಡತಿಯ ಹೆಸರು ತನು. ಐಪಿಎಸ್ ಅಮಿತ್ ಲೋಧಾ ಅವರು ತಮ್ಮ ಕೆಲಸದಲ್ಲಿ ಪತ್ನಿಯಿಂದ ಹೆಚ್ಚಿನ ಬೆಂಬಲ  ಸಿಗುತ್ತಿದೆ ಸಂದರ್ಶನವೊಂದರಲ್ಲಿ ಹೇಳಿದ್ದರು.

ಕೆಲವು ದಿನಗಳ ಹಿಂದೆ Netflix ನಲ್ಲಿ ಬಿಡುಗಡೆಯಾದ 'Khakee: The Bihar Chapter' ವೆಬ್ ಸರಣಿಯು IPS ಅಮಿತ್ ಲೋಧಾ ಅವರ ಜೀವನಚರಿತ್ರೆಯಾಗಿದೆ. ವೀಕ್ಷಕರು ಮತ್ತು ವಿಮರ್ಶಕರು ಈ ವೆಬ್ ಸರಣಿಯನ್ನು ತುಂಬಾ ಇಷ್ಟಪಟ್ಟಿದ್ದಾರೆ. ಇದರಲ್ಲಿ ಅವಿನಾಶ್ ತಿವಾರಿ, ನಿಕಿತಾ ದತ್ತಾ, ಐಶ್ವರ್ಯ ಸುಶ್ಮಿತಾ, ಕರಣ್ ಟಕ್ಕರ್, ರವಿ ಕಿಶನ್ ಮತ್ತು ಅನೂಪ್ ಸೋನಿ ಮುಖ್ಯ ಪಾತ್ರಗಳನ್ನು ನಿರ್ವಹಿಸಿದ್ದಾರೆ.