IIT Graduates Career: ಈ ಕಾಲೇಜಿನಲ್ಲಿ ಓದು ಮುಗಿಯುತ್ತಿದ್ದಂತೆ ವಿದ್ಯಾರ್ಥಿಗಳಿಗೆ ₹1 ಕೋಟಿ ಸಂಬಳದ ಕೆಲಸ!

ಐಐಟಿ ಅಂದರೆ ಇಂಡಿಯನ್ ಇನ್ ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ. ವಿಜ್ಞಾನಿಗಳು ಮತ್ತು ಎಂಜಿನಿಯರ್ ಗಳಿಗೆ ತರಬೇತಿ ನೀಡುವ ಸಂಸ್ಥೆಗಳಾಗಿವೆ. ಇಂಡಿಯನ್ ಇನ್ ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಸಂಸ್ಥೆಗಳನ್ನು 1947 ರ ನಂತರ ಆರಂಭಿಸಲಾಯಿತು. ಭಾರತದಲ್ಲಿ ಆರ್ಥಿಕ ಮತ್ತು ಸಾಮಾಜಿಕ ಅಭಿವೃದ್ಧಿಗಾಗಿ ಉದ್ಯೋಗಿಗಳನ್ನು ರೂಪಿಸುವುದು ಇವರ ಗುರಿ.

ಐಐಟಿ ಪ್ರವೇಶಕ್ಕಾಗಿ ಅಭ್ಯರ್ಥಿಗಳು ಜೆಇಇ ಮೇನ್ಸ್ ಮತ್ತು ಜೆಇಇ ಅಡ್ವಾನ್ಸ್ಡ್ ಪರೀಕ್ಷೆಗಳಲ್ಲಿ ಪಾಸ್ ಆಗಬೇಕು. ಪ್ರತಿ ವರ್ಷ ಸುಮಾರು 10 ಲಕ್ಷ ವಿದ್ಯಾರ್ಥಿಗಳು ಈ ಪರೀಕ್ಷೆ ಬರೆಯುತ್ತಾರೆ. ಮುಖ್ಯ ಪರೀಕ್ಷೆಯಲ್ಲಿ ಯಶಸ್ವಿಯಾದ ಟಾಪ್ 2.50 ಲಕ್ಷ ಅಭ್ಯರ್ಥಿಗಳು ಮಾತ್ರ ಜೆಇಇ ಅಡ್ವಾನ್ಸ್ ಡ್ಗೆ ಹಾಜರಾಗಲು ಅರ್ಹರಾಗಿರುತ್ತಾರೆ.

ಐಐಟಿಯಲ್ಲಿ ಪ್ರವೇಶ ಪಡೆದ ನಂತರ, ಕಂಪ್ಯೂಟರ್ ಸೈನ್ಸ್ ಮತ್ತು ಟೆಕ್ನಾಲಜಿ, ಮಾಹಿತಿ ತಂತ್ರಜ್ಞಾನ, ಮೆಕ್ಯಾನಿಕಲ್ ಎಂಜಿನಿಯರಿಂಗ್, ಸಿವಿಲ್ ಎಂಜಿನಿಯರಿಂಗ್, ಮೆಕಾಟ್ರಾನಿಕ್ಸ್ ಎಂಜಿನಿಯರಿಂಗ್, ಎಲೆಕ್ಟ್ರಿಕಲ್ ಎಂಜಿನಿಯರಿಂಗ್, ಎಲೆಕ್ಟ್ರಾನಿಕ್ಸ್ ಎಂಜಿನಿಯರಿಂಗ್ ಮತ್ತು ಇತರ ಹಲವು ವಿಷಯಗಳಲ್ಲಿ ಪದವಿ ಪಡೆಯಬಹುದು. ನಿಮ್ಮ ವಿದ್ಯಾರ್ಹತೆ ಪ್ರಕಾರ ನಿಮಗೆ ಕೆಲಸ ಸಿಗುತ್ತದೆ.

ಐಐಟಿ ವಿದ್ಯಾರ್ಥಿಗಳು ಕಂಪ್ಯೂಟರ್ ಸೈನ್ಸ್ ಮತ್ತು ಐಟಿಯಿಂದ ಪದವಿ ಪಡೆದರೆ. ಅವರು ಐಟಿ ಸಂಸ್ಥೆಗಳಲ್ಲಿ ಕೆಲಸ ಮಾಡುತ್ತಾರೆ. ವಿದ್ಯಾರ್ಥಿಗಳು ಮೆಕ್ಯಾನಿಕಲ್ ಎಂಜಿನಿಯರಿಂಗ್ ನಿಂದ ಪದವಿ ಪಡೆದರೆ, ಅವರು ಉತ್ಪಾದನಾ ಸಂಸ್ಥೆಗಳಲ್ಲಿ ಕೆಲಸ ಮಾಡುತ್ತಾರೆ.

ಇಂಜಿನಿಯರಿಂಗ್ ವಿದ್ಯಾರ್ಥಿಗಳು ಕೋಡಿಂಗ್, ಡಿಸೈನಿಂಗ್ ಮತ್ತು ಟೆಸ್ಟಿಂಗ್ ಪ್ರೋಗ್ರಾಂಗಳು ಮತ್ತು ಕಂಪ್ಯೂಟರ್ ಅಪ್ಲಿಕೇಶನ್ ಗಳಿಗಾಗಿ ಕೆಲಸ ಮಾಡುತ್ತಾರೆ. ಐಟಿ ಮ್ಯಾನೇಜರ್ ಆದ ನಂತರ, ಅವರು ಕಂಪ್ಯೂಟರ್ ಸಂಪರ್ಕಿತ ಅಪ್ಲಿಕೇಶನ್ ಗಳಿಗಾಗಿ ಡೇಟಾಬೇಸ್ ಅನ್ನು ರಚಿಸುತ್ತಾರೆ.

ಐಐಟಿಯನ್ನರು ತಮ್ಮ ಅಧ್ಯಯನದ ಸಮಯದಲ್ಲಿ ನ್ಯಾಚುರಲ್ ಲ್ಯಾಂಗ್ವೇಜ್ ಪ್ರೊಸೆಸಿಂಗ್, ಮೆಷಿನ್ ಲರ್ನಿಂಗ್ ಕಲಿಸುತ್ತಾರೆ. ಸಮಸ್ಯೆಗಳನ್ನು ಪರಿಹರಿಸುವ ಎಂಜಿನಿಯರ್ ಆಗಲು ತರಬೇತಿಯನ್ನು ನೀಡುವ ರೀತಿಯಲ್ಲಿ ಪಠ್ಯಕ್ರಮವನ್ನು ಸಿದ್ಧಪಡಿಸಲಾಗಿದೆ. ಭಾರತದಲ್ಲಿ ಹಳೆಯ ಮತ್ತು ಹೊಸ ಐಐಟಿಗಳನ್ನು ಒಳಗೊಂಡಂತೆ ಒಟ್ಟು 23 ಐಐಟಿಗಳಿವೆ. ಭಾರತದಲ್ಲಿನ ಹಳೆಯ ಐಐಟಿಗಳ ಸಂಖ್ಯೆ 7.

ಜನವರಿ 2022 ರಲ್ಲಿ, IIT ದೆಹಲಿಯ 60 ಕ್ಕೂ ಹೆಚ್ಚು ವಿದ್ಯಾರ್ಥಿಗಳು 1 ಕೋಟಿ ರೂ.ಗಿಂತ ಹೆಚ್ಚಿನ ವಾರ್ಷಿಕ ಪ್ಯಾಕೇಜ್ ಅನ್ನು ಪಡೆದರು. ಐಐಟಿ-ಬಿಎಚ್ ಯು ವಿದ್ಯಾರ್ಥಿಯನ್ನು 2 ಕೋಟಿ ರೂಪಾಯಿ ವೇತನಕ್ಕೆ ನೇಮಕ ಮಾಡಲಾಗಿದೆ.

ಈಗ ಡಿಸೆಂಬರ್ 1ರಂದು ನಡೆದ ಪ್ಲೇಸ್ ಮೆಂಟ್ ನಲ್ಲಿ ಅತ್ಯಧಿಕ ವೇತನ ಪ್ಯಾಕೇಜ್ 4 ಕೋಟಿಗಳು. ಈ ಪ್ಯಾಕೇಜ್ ಅನ್ನು 3 ವಿದ್ಯಾರ್ಥಿಗಳು ಸ್ವೀಕರಿಸಿದ್ದಾರೆ. ಈ ಮೂವರು ವಿದ್ಯಾರ್ಥಿಗಳು ಐಐಟಿ ದೆಹಲಿ, ಬಾಂಬೆ ಮತ್ತು ಕಾನ್ಪುರದವರು. ಐಐಟಿ ಮದ್ರಾಸ್ ನ 25 ವಿದ್ಯಾರ್ಥಿಗಳಿಗೆ 1 ಕೋಟಿಗೂ ಹೆಚ್ಚು ವಾರ್ಷಿಕ ವೇತನ ಪ್ಯಾಕೇಜ್ ಅನ್ನು ಸಹ ನೀಡಲಾಗಿದೆ.