IAS Officers Stardom: ಸಿನಿಮಾ ತಾರೆಯರಷ್ಟೇ ಫೇಮಸ್ ಈ ಸರ್ಕಾರಿ ಅಧಿಕಾರಿಗಳು: ಲಕ್ಷ ಲಕ್ಷ ಫಾಲೋವರ್ಸ್!

ತಮ್ಮ ಹುದ್ದೆ, ಕೆಲಸದ ಶೈಲಿ, ಜೀವನದ ಮೂಲಕ ಸರ್ಕಾರಿ ಅಧಿಕಾರಿಗಳು ಸೋಷಿಯಲ್ ಮೀಡಿಯಾದಲ್ಲಿ ಸ್ಟಾರ್ ಪಟ್ಟ ಗಿಟ್ಟಿಸಿಕೊಂಡಿದ್ದಾರೆ. ಈ ರೀತಿ ಫೇಮಸ್ ಆದ IAS, IPS ಅಧಿಕಾರಿಗಳಿಗೆ ಸಾಮಾಜಿಕ ಜಾಲತಾಣಗಳಲ್ಲಿ ಪ್ಯಾನ್ ಫಾಲೋಯಿಂಗ್ ಇದೆ. ಹಾಗಾದರೆ ಸೋಷಿಯಲ್ ಮೀಡಿಯಾದಲ್ಲಿ ಫೇಮಸ್ ಆಗಿರುವ ಅಧಿಕಾರಿಗಳ ಬಗ್ಗೆ ತಿಳಿಯೋಣ ಬನ್ನಿ.

ಸೃಷ್ಟಿ ದೇಶಮುಖ್, 2019 ರ ಬ್ಯಾಚ್ ಐಎಎಸ್ ಅಧಿಕಾರಿ. ಇವರು Instagram ನಲ್ಲಿ 2 ಮಿಲಿಯನ್ ಅನುಯಾಯಿಗಳನ್ನು ಹೊಂದಿದ್ದಾರೆ. ಅವರು ಸಾಮಾಜಿಕ ಜಾಲತಾಣಗಳಲ್ಲಿ ತುಂಬಾ ಸಕ್ರಿಯವಾಗಿರುತ್ತಾರೆ. ಅವರು ತಮ್ಮ ಪತಿ ಐಎಎಸ್ ಅರ್ಜುನ್ ಗೌಡ ಅವರೊಂದಿಗಿನ ಅನೇಕ ಫೋಟೋಗಳನ್ನು ತಮ್ಮ Instagram ಅಕೌಂಟ್ ನಲ್ಲಿ ಹಂಚಿಕೊಂಡಿದ್ದಾರೆ.

ಇವರು ಐಎಎಸ್ ಅಭಿಷೇಕ್ ಸಿಂಗ್. ಗರ್ಲ್ ಫ್ರೆಂಡ್ ನಿಂದ ಮೋಸ ಹೋದ ನಂತರ ಸರ್ಕಾರಿ ನೌಕರಿಗಾಗಿ ತಯಾರಿ ಆರಂಭಿಸಿದರು. ಐಎಎಸ್ ಅಧಿಕಾರಿಯಾದ ನಂತರ ನಟನೆಯ ಹವ್ಯಾಸಕ್ಕೆ ಹೊರಳಿದರು. ಇವರು Instagram ನಲ್ಲಿ 3 ಮಿಲಿಯನ್ ಅನುಯಾಯಿಗಳನ್ನು ಹೊಂದಿದ್ದಾರೆ.

ಇವರು ಸೋನಾಲ್ ಗೋಯಲ್, 2008ರ ಬ್ಯಾಚ್ನ ಐಎಎಸ್ ಅಧಿಕಾರಿ. ಸಿವಿಲ್ ಸೇವೆಗೆ ಸೇರುವ ಮುನ್ನ ಸಿಎಸ್ ಆಗಿದ್ದರು. ಎಲ್ ಎಲ್ ಬಿ ಕೂಡ ಮಾಡಿದ್ದಾರೆ. ಇವರು Instagram ಮತ್ತು Twitter ಎರಡರಲ್ಲೂ ತುಂಬಾ ಸಕ್ರಿಯರಾಗಿದ್ದಾರೆ. Instagram 7 ಲಕ್ಷ 80 ಸಾವಿರ ಫಾಲೋವರ್ಸ್ ಅನ್ನು ಹೊಂದಿದ್ದಾರೆ.

2015 ರ ಬ್ಯಾಚ್ ನ ಐಎಎಸ್ ನಿಶಾಂತ್ ಜೈನ್ ಪ್ರಸ್ತುತ ರಾಜಸ್ಥಾನದ ಜಲೋರ್ ನಲ್ಲಿ ಜಿಲ್ಲಾ ಮ್ಯಾಜಿಸ್ಟ್ರೇಟ್ ಆಗಿ ನೇಮಕಗೊಂಡಿದ್ದಾರೆ. ಅವರು ತಮ್ಮ ಬ್ಯಾಚ್ ನಿಂದ ಹಿಂದಿ ಟಾಪರ್ ಆಗಿದ್ದರು. ಇವರ ಇನ್ ಸ್ಟಾಗ್ರಾಮ್ ನಲ್ಲಿ 3 ಲಕ್ಷ 59 ಸಾವಿರ ಫಾಲೋವರ್ಸ್ ಇದ್ದಾರೆ.

ಐಪಿಎಸ್ ಸಚಿನ್ ಅತುಲ್ಕರ್ ಅವರು ಚಿಕ್ಕ ವಯಸ್ಸಿನಲ್ಲೇ ಎಸಿಪಿ ಹುದ್ದೆಗೆ ಬಡ್ತಿ ಪಡೆದಿದ್ದರು. ಅವರು ಪ್ರಸ್ತುತ ಮಧ್ಯಪ್ರದೇಶ ಕೇಡರ್ ನಲ್ಲಿ ನಿಯೋಜಿಸಲ್ಪಟ್ಟಿದ್ದಾರೆ. ತಮ್ಮ ಫಿಟ್ನೆಸ್ ನಿಂದ ಬಾಲಿವುಡ್ ನಟರನ್ನೂ ಹಿಂದಿಕ್ಕಿರುವ ಇವರ ಇನ್ ಸ್ಟಾಗ್ರಾಮ್ ಖಾತೆಯಲ್ಲಿ 10 ಲಕ್ಷ ಫಾಲೋವರ್ಸ್ ಇದ್ದಾರೆ.

2015ರ ಬ್ಯಾಚ್ ನ ಟಾಪರ್ ಆಗಿರುವ ಟೀನಾ ದಾಬಿ Instagram ನಲ್ಲಿ ಸುಮಾರು 1.6 ಮಿಲಿಯನ್ ಅನುಯಾಯಿಗಳನ್ನು ಹೊಂದಿದ್ದಾರೆ. ಇವರ ಸಹೋದರಿ ಐಎಎಸ್ ರಿಯಾ ದಾಬಿ ಕೂಡ ಇನ್ ಸ್ಟಾಗ್ರಾಮ್ ನಲ್ಲಿ ಬಹಳ ಜನಪ್ರಿಯರಾಗಿದ್ದಾರೆ. ಅವರಿಗೆ 4 ಲಕ್ಷ 75 ಸಾವಿರ ಫಾಲೋವರ್ಸ್ ಇದ್ದಾರೆ.