Celebrity Bodyguards: ಲಕ್ಷ ಲಕ್ಷ ಸಂಬಳ, ಸೆಲೆಬ್ರಿಟಿಗಳ ಪರ್ಸನಲ್ ಸೆಕ್ಯೂರಿಟಿ ಗಾರ್ಡ್ ಆಗುವುದು ಹೇಗೆ?

ಹೀಗೆ ಸೆಲೆಬ್ರಿಟಿಗಳನ್ನು ನೋಡಲು ಸಾವಿರಾರು ಜನ, ಲಕ್ಷಾಂತರ ಜನ ಸೇರಿದಾಗ ಅವರನ್ನು ರಕ್ಷಿಸಲು ಪರ್ಸನಲ್ ಸೆಕ್ಯೂರಿಟಿ ಗಾರ್ಡ್ ಗಳು ಇರುತ್ತಾರೆ. ಇವರು ಸೆಲೆಬ್ರಿಟಿಗಳಿಗೆ ರಕ್ಷಣೆಯನ್ನು ಒದಗಿಸುತ್ತಾರೆ. ಬಾಲಿವುಡ್ ಸ್ಟಾರ್ಗಳು, ಕ್ರಿಕೆಟಿಗರು ಮಾತ್ರವಲ್ಲ ನಮ್ಮ ಕನ್ನಡದ ನಟ-ನಟಿಯರು ಕೂಡ ಪರ್ಸನ್ ಸೆಕ್ಯೂರಿಟಿ ಗಾರ್ಡ್ ಗಳ ಜೊತೆ ಬರುತ್ತಾರೆ. ಇವರ ಕೆಲಸಕ್ಕೆ ಭರ್ಜರಿ ವೇತನವೂ ಇರುತ್ತದೆ. (ಸಾಂದರ್ಭಿಕ ಚಿತ್ರ)

ಸೆಲೆಬ್ರಿಟಿಗಳ ಪರ್ಸನಲ್ ಸೆಕ್ಯೂರಿಟಿ ಆಗುವುದು ಹೇಗೆ? ಯಾವ ಅರ್ಹತೆಗಳಿರಬೇಕು? ಈ ವೃತ್ತಿಯನ್ನು ಯಾರ ಮಾಡಬಹುದು? ಈ ಕರಿಯರ್ ಅನ್ನು ಆಯ್ಕೆ ಮಾಡಿಕೊಂಡರೆ ಸಿಗುವ ಸಂಬಳವೆಷ್ಟು ಎಂಬ ಮಾಹಿತಿಯನ್ನು ತಿಳಿಯೋಣ ಬನ್ನಿ. (ಸಾಂದರ್ಭಿಕ ಚಿತ್ರ)

1) ಪರ್ಸನಲ್ ಸೆಕ್ಯೂರಿಟಿ ಏಕೆ ಬೇಕು? : ಬಾಡಿಗಾರ್ಡ್ ಎನ್ನುತ್ತಿದ್ದ ಇವರನ್ನು ಈಗ ಪರ್ಸನಲ್ ಸೆಕ್ಯೂರಿಟಿ ಸಿಬ್ಬಂದಿ ಎನ್ನಲಾಗುತ್ತದೆ. ತಾರೆಯರು ಸಾರ್ವಜನಿಕ ಕಾರ್ಯಕ್ರಮಗಳಲ್ಲಿ ಭಾಗಿಯಾದರೆ ಅಥವಾ ಸಾರ್ವಜನಿಕ ಸ್ಥಳಗಳಲ್ಲಿ ಶೂಟಿಂಗ್ ನಡೆಯುತ್ತಿದ್ದರೆ, ಪರ್ಸನಲ್ ಸೆಕ್ಯೂರಿಗಳನ್ನು ನೇಮಿಸಿಕೊಳ್ಳುತ್ತಾರೆ. (ಸಾಂದರ್ಭಿಕ ಚಿತ್ರ)

2) ಪರ್ಸನಲ್ ಸೆಕ್ಯೂರಿಟಿ ಆಗಲು ಓದು, ಟ್ರೈನಿಂಗ್ ಇರಬೇಕೇ? : ಈ ವೃತ್ತಿಗೆ ನಿರ್ದಿಷ್ಟವಾದ ಶೈಕ್ಷಣಿಕ ಅರ್ಹತೆ ಆಗಲಿ ತರಬೇತಿಯಾಗಲಿ ಇಲ್ಲ. ಆದರೆ ಜನರನ್ನು ನಿಯಂತ್ರಿಸಲು, ಸೆಲೆಬ್ರಿಟಿಗಳನ್ನು ರಕ್ಷಿಸಲು ಕೆಲವೊಂದು ಕೌಶಲ್ಯಗಳನ್ನು ಕಲಿತಿರಬೇಕು. ಪೊಲೀಸ್, ಸೇನೆ ಅಂತಹ ಕೆಲಸಗಳಿಂದ ನಿವೃತ್ತಿಯಾದವರನ್ನು ಕೂಡ ಈ ವೃತ್ತಿಗೆ ನೇಮಿಸಿಕೊಳ್ಳಲಾಗುತ್ತೆ. (ಸಾಂದರ್ಭಿಕ ಚಿತ್ರ)

3) ಎಲ್ಲದಕ್ಕೂ ಸಿದ್ಧರಿರಬೇಕು: ಕೆಲವರನ್ನು ಫುಲ್ ಟೈಂ ಕೆಲಸಕ್ಕೆ ನೇಮಿಸಿಕೊಂಡರೆ, ಕೆಲವರನ್ನು ಅಗತ್ಯವಿದ್ದಾಗ ಕರೆಸಿಕೊಳ್ಳಲಾಗುತ್ತದೆ. ಅದಕ್ಕೆ ತಕ್ಕಂತೆ ವೇತನ ನೀಡಲಾಗುತ್ತದೆ. ಸೆಲೆಬ್ರಿಟಿಗಳ ಅಗತ್ಯಕ್ಕೆ ತಕ್ಕಂತೆ ಕೆಲಸ ಮಾಡಲು ಸಿದ್ಧರಿಬೇಕು. ದೂರುದ ಊರುಗಳು, ಕೆಲವೊಮ್ಮೆ ವಿದೇಶಕ್ಕೂ ಸೆಲೆಬ್ರಿಟಿಗಳ ಜೊತೆ ಪ್ರಯಾಣಿಸಬೇಕಾಗುತ್ತದೆ. (ಸಾಂದರ್ಭಿಕ ಚಿತ್ರ)

4) ಪರ್ಸನಲ್ ಸೆಕ್ಯೂರಿಟಿ ಆದವರಿಗೆ ಈ ಅರ್ಹತೆಗಳಿರಬೇಕು: ದೈಹಿಕವಾಗಿ ಸದೃಢವಾಗಿರಬೇಕು, ಕೆಲವೊಂದು ಅನಿರೀಕ್ಷಿತ ಪರಿಸ್ಥಿತಿಯಲ್ಲಿ ಅಟ್ಯಾಕ್ ಮಾಡಬೇಕಾಗುತ್ತದೆ. ಪಬ್ಲಿಕ್ ರಿಲೇಷನ್ ಶಿಪ್ ಚೆನ್ನಾಗಿರಬೇಕು. ಮಾಧ್ಯಮದವರು ಸೆಲೆಬ್ರಿಟಿಗಳನ್ನು ಸುತ್ತವರಿಯುವುದರಿಂದ ಕೆಟ್ಟ ವಿಷಯಗಳಿಗೆ ಸುದ್ದಿಯಾಗದಂತೆ ಅಭಿಮಾನಿಗಳನ್ನು ನಿಯಂತ್ರಿಸಬೇಕು. (ಸಾಂದರ್ಭಿಕ ಚಿತ್ರ)

5) ಸಂಬಳ ಎಷ್ಟು ಇರುತ್ತೆ? : ಸೆಲೆಬ್ರಿಟಿ ಅಂಗರಕ್ಷಕರ ಮೂಲ ಗಳಿಕೆಯು ಲಕ್ಷ ರೂಪಾಯಿಗಳಿಂದ ಪ್ರಾರಂಭವಾಗುತ್ತದೆ. ಅವರು ಒದಗಿಸುವ ಸೇವೆಗಳ ಆಧಾರದ ಮೇಲೆ ಹೆಚ್ಚಾಗುತ್ತದೆ. ಅಂಗರಕ್ಷಕರ ಅನುಭವವೂ ಸಂಬಳವನ್ನು ನಿರ್ಧರಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಕ್ಲೈಂಟ್ ಗೆ ಹೆಚ್ಚಿನ ಅಪಾಯ ಇದ್ದರೆ ಹೆಚ್ಚಿನ ವೇತನ ಶ್ರೇಣಿ ಇರುತ್ತವೆ. (ಸಾಂದರ್ಭಿಕ ಚಿತ್ರ)