Career Tips: ಉದ್ಯೋಗಿಗಳೇ ಎಚ್ಚರ: ಟೈಂ ಮ್ಯಾನೇಜ್​ಮೆಂಟ್​ನಲ್ಲಿ ಸೋತರೆ ನಿಮ್ಮ ಕರಿಯರ್​ಗೆ ಅಪಾಯ

ಇಂದಿನ ಯುಗದಲ್ಲಿ ಪ್ರತಿಯೊಬ್ಬ ಉದ್ಯೋಗಿಯೂ ಡೆಡ್ ಲೈನ್ ನೊಂದಿಗೆ ಕೆಲಸ ಮಾಡುತ್ತಾರೆ. ಸಮಯಕ್ಕೆ ಸರಿಯಾಗಿ ಕೊಟ್ಟ ಕೆಲಸವನ್ನು ಮಾಡಲೇಬೇಕು. ಇದರಲ್ಲಿ ಹಿಂದೆ ಬಿದ್ದರೆ ಉದ್ಯೋಗಿಯ ಕರಿಯರ್ ಮೇಲೆ ಪರಿಣಾಮ ಬೀರುತ್ತೆ. ಹಾಗಾದರೆ ಸಮಯವನ್ನು ಸ್ಮಾರ್ಟ್ ಆಗಿ ಬಳಸಿಕೊಳ್ಳುವುದು ಹೇಗೆ?

1. ಟೈಂ ಮ್ಯಾನೇಜ್ ಮೆಂಟ್ ಕಲೆ: ಔದ್ಯೋಗಿಕ ಜೀವನದಲ್ಲಿ ಟೈಂ ಮ್ಯಾನೇಜ್ ಮೆಂಟ್ ಕಲಿಯಲೇ ಬೇಕಾದ ಕಲೆ ಎಂದರೆ ತಪ್ಪಾಗಲಾರದು. ವೃತ್ತಿ ಜೀವನದ ಯಶಸ್ಸಿಗೆ ಗುರಿಯನ್ನು ಹೊಂದಿರುವುದು ಎಷ್ಟು ಮುಖ್ಯವೋ, ಅದನ್ನು ಸರಿಯಾದ ಸಮಯದಲ್ಲಿ ಮುಟ್ಟುವುದು ಕೂಡ ಅಷ್ಟೇ ಮುಖ್ಯ. ಹೀಗಾಗಿ ನಿಮ್ಮ ಟಾರ್ಗೆಟ್ ಗೆ ಸಮಯದ ಮಿತಿ ಇಟ್ಟುಕೊಳ್ಳಿ. ಸಾಂದರ್ಭಿಕ ಚಿತ್ರ

2. ಸಮಯವನ್ನು ವ್ಯರ್ಥ ಮಾಡಬೇಡಿ: ಸಮಯಕ್ಕೆ ತಕ್ಕಂತೆ ಕೆಲಸ ಮಾಡಬೇಕು. ಬೇಡದ ಯೋಚನೆ, ಚಿಂತೆಗಳು, ಹಗಲುಗನಸ್ಸಿನಲ್ಲಿ ಟೈಂ ವೇಸ್ಟ್ ಮಾಡಬೇಡಿ. ಆಕ್ಟೀವ್ ಆಗಿ ಇರಿ, ಯಾವಾಗಲೂ ವಾಸ್ತವದಲ್ಲಿ ಇರಲು ಪ್ರಯತ್ನಿಸಿ. ಆಲೋಚನೆಗಳ ಮಧ್ಯೆ ಕಳೆದು ಹೋಗಬೇಡಿ. ಸಾಂದರ್ಭಿಕ ಚಿತ್ರ

3. ಕೂಲ್ ಆಗಿ ಇರಿ: ಸಮಯ ನಿರ್ವಹಣೆ ಮತ್ತು ಗುರಿಗಳನ್ನು ಸಾಧಿಸಲು ಮನಸ್ಸನ್ನು ಶಾಂತವಾಗಿರಿಸಿಕೊಳ್ಳುವುದು ಅತ್ಯಗತ್ಯ. ಮನಸ್ಸು ಓಡಿದಂತೆ ಬಿಟ್ಟರೆ ಬೇಡದ್ದನೆಲ್ಲಾ ಮಾಡಲು ಹೋಗುತ್ತೇವೆ. ನಮ್ಮ ಗುರಿಯೇನು? ಅದಷ್ಟೇ ನಮ್ಮ ಕೆಲಸ ಎಂದು ಯೋಚಿಸಿ ಕೂಲ್ ಆಗಿ ಇರಬೇಕು. ಎಲ್ಲವನ್ನೂ ಮಾಡಲು ಹೋಗಬಾರದು.

4. ಚಾಲೆಂಜ್ ಅನ್ನು ಸ್ವೀಕರಿಸಿ: ಹೊಸ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಹಿಂಜರಿಯಬೇಡಿ. ನಿಧಾನ ಮಾಡಿದಷ್ಟು ಕಾಲ ಮಿಂಚಿ ಹೋಗುತ್ತದೆ. ಆದರಿಂದ ಯೋಚಿಸಿ ನಿರ್ಧಾರ ತೆಗೆದುಕೊಳ್ಳಿ, ಆದರೆ ಯೋಚನೆಯಲ್ಲೇ ಸಮಯವನ್ನು ವ್ಯರ್ಥ ಮಾಡಬೇಡಿ.

5. ಟೈಂ ಟೇಬಲ್ ಇಟ್ಟುಕೊಳ್ಳುವುದು ತಪ್ಪಲ್ಲ: ದಿನನಿತ್ಯ ಮಾಡುವ ಕೆಲಸವನ್ನು ಇಂಥ ಸಮಯಕ್ಕೆ, ಇಷ್ಟು ಸಮಯದೊಳಗೆ ಮುಗಿಸುತ್ತೇನೆ ಎಂದು ಬರೆದಿಟ್ಟುಕೊಳ್ಳುವುದು ತಪ್ಪೇನು ಅಲ್ಲ. ಇದರಿಂದ ಬೇಗ ಬೇಗ ಕೆಲಸಗಳು ಮುಗಿಯುತ್ತವೆ.

6. ಟೈಂ ಮ್ಯಾನೇಜ್ ಮೆಂಟ್ ಪ್ರ್ಯಾಕ್ಟಿಕಲ್ ಆಗಿ ಇರಲಿ: ನಿಮ್ಮ ಸಮಯ ನಿರ್ವಹಣೆ ವಾಸ್ತವಕ್ಕೆ ಹೆಚ್ಚು ಹತ್ತಿರವಿರಲಿ. ಕೆಲವೊಂದಷ್ಟು ಕೆಲಸಗಳಿಗೆ ಸಮಯವನ್ನು ಮೀಸಲಿಡಿ. ಕೇವಲ ಕೆಲಸವಷ್ಟೇ ಇಡೀ ದಿನ ಮಾಡುತ್ತೀರಿ ಎಂದರೆ ನಿಮ್ಮ ದೇಹ ಆ ಮಾತನ್ನು ಕೇಳೋದಿಲ್ಲ. ಹಾಗಾಗಿ ವಿಶ್ರಾಂತಿಗೂ ಸಮಯವನ್ನು ಮೀಸಲಿಡಿ. ಮಿಷನ್ ನಂತೆ ಟೈಂ ಜೊತೆ ಓಡಬೇಡಿ. ಉತ್ಸಾಹದಿಂದ ಸಮಯದೊಂದಿಗೆ ಚಲಿಸಿ.