4 Day Working Week: ವಾರದಲ್ಲಿ 4 ದಿನ ಕೆಲಸ, 3 ರಜೆಗಳಿಗೆ ಒಪ್ಪಿದ 100 ಕಂಪನಿಗಳು!

ಹೌದು, ಉದ್ಯೋಗಿಗಳಿಗೆ ನಿಜಕ್ಕೂ ಗುಡ್ ನ್ಯೂಸ್ ಇದು. ವಾರದಲ್ಲಿ 4 ದಿನ ಕೆಲಸ, 3 ರಜೆಗಳಿಗೆ 100 ಕಂಪನಿಗಳು ಒಪ್ಪಿಗೆ ನೀಡಿವೆಯಂತೆ. ವಾರದಲ್ಲಿ 4 ದಿನಗಳ ಕೆಲಸ ಇನ್ಮುಂದೆ ಶಾಶ್ವತವಂತೆ. ಇದರ ಜೊತೆ ವೇತನ ಕಡಿತವೂ ಇಲ್ಲವಂತೆ.

ಸದ್ಯಕ್ಕೆ ಬ್ರಿಟನ್ ನ 100 ಕಂಪನಿಗಳು ಈ ನಿರ್ಧಾರವನ್ನು ಪ್ರಕಟಿಸಿವೆ. ಯುಕೆಯಲ್ಲಿನ ಉದ್ಯೋಗಿಗಳು ಹೊಸ ನೀತಿಯನ್ನು ಖುಷಿಯಿಂದ ಸ್ವಾಗತಿಸಿದ್ದಾರೆ.

ಬ್ರಿಟನ್ ನ 100 ಕಂಪನಿಗಳು ಯಾವುದೇ ವೇತನದ ನಷ್ಟವಿಲ್ಲದೆ ಎಲ್ಲಾ ಉದ್ಯೋಗಿಗಳಿಗೆ ಶಾಶ್ವತ ನಾಲ್ಕು ದಿನಗಳ ಕೆಲಸದ ವಾರಕ್ಕೆ ನಿರ್ಧರಿಸಿವೆ. 100 ಕಂಪನಿಗಳಲ್ಲಿ ಸುಮಾರು 2,600 ಉದ್ಯೋಗಿಗಳು ಹೊಸ ಕೆಲಸದ ಮಾದರಿಯಿಂದ ಪ್ರಯೋಜನ ಪಡೆಯಲಿದ್ದಾರೆ.

ಹೊಸ ಕೆಲಸದ ನೀತಿದೆ ಸೈನ್ ಅಪ್ ಮಾಡಿದ ಎರಡು ದೊಡ್ಡ ಕಂಪನಿಗಳೆಂದರೆ ಆಟಮ್ ಬ್ಯಾಂಕ್ ಮತ್ತು ಜಾಗತಿಕ ಮಾರ್ಕೆಟಿಂಗ್ ಕಂಪನಿ ಅವಿನ್. ಈ ಕಂಪನಿಗಳು ಯುಕೆಯಲ್ಲಿ ತಲಾ 450 ಸಿಬ್ಬಂದಿಯನ್ನು ಹೊಂದಿದೆ. ಸಾಂದರ್ಭಿಕ ಚಿತ್ರ

4 ದಿನಗಳ ಕೆಲಸ ಉದ್ಯೋಗಿಗಳ ವರ್ಕ್-ಲೈಫ್ ಬ್ಯಾಲೆನ್ಸ್ ಅನ್ನು ಮತ್ತಷ್ಟು ಸುಧಾರಿಸುತ್ತದೆ. ವಾರದಲ್ಲಿ 3 ದಿನಗಳ ಕಾಲ ರಜೆ ಇರುವುದು ಉದ್ಯೋಗಿಗಳ ಉತ್ಪಾದಕತೆ ಮೇಲೆ ಒಳ್ಳೆಯ ಪರಿಣಾಮ ಬೀರುತ್ತದೆ ಎಂದು ಕಂಪನಿಗಳು ತಮ್ಮ ಹೇಳಿಕೆಯಲ್ಲಿ ತಿಳಿಸಿವೆ.

ಇನ್ನು ಭಾರತದಲ್ಲಿ ಟೆಕ್ ಕಂಪನಿಗಳು ಮಾತ್ರ ವಾರಂತ್ಯದಲ್ಲಿ ಎರಡು ರಜೆಗಳನ್ನು ನೀಡುತ್ತಿವೆ. ಉಳಿದಂತೆ ಸರ್ಕಾರಿ ಸೇರಿದಂತೆ ಎಲ್ಲಾ ಖಾಸಗಿ ಸಂಸ್ಥೆಗಳು ವಾರಕ್ಕೆ ಒಂದು ರಜೆಯ ಮಾದರಿಯನ್ನೇ ಅವಲಂಬಿಸಿವೆ.

ಭಾರತದಲ್ಲೂ ಕಾರ್ಮಿಕರ ಕಾನೂನಿಗೆ ತಿದ್ದುಕಡಿಯನ್ನು ತಂದೆ ವಾರದಲ್ಲಿ 4 ದಿನಗಳು ಮಾತ್ರ ಕೆಲಸ ಮಾಡವ ನಿಮಯ ತರಲು ಚರ್ಚೆಗಳು ನಡೆಯುತ್ತಿವೆ. ಆದರೆ ಅದು ಪ್ರಸ್ತಾಪವಾಗಿಯೇ ಉಳಿದಿದೆ.