Expensive Sandwich: ಇದು ವಿಶ್ವದ ಅತ್ಯಂತ ದುಬಾರಿ ಸ್ಯಾಂಡ್​ವಿಚ್​, ಇದನ್ನು ತಿನ್ನೋ ಬದಲು 2 ತಿಂಗಳು ಮನೆ ಬಾಡಿಗೆ ಕಟ್ಟಬಹುದು!

ಸ್ಯಾಂಡ್‌ವಿಚ್ ಖಂಡಿತವಾಗಿಯೂ ಪ್ರಪಂಚದಾದ್ಯಂತ ಅತ್ಯಂತ ಪ್ರಿಯವಾದ ತಿಂಡಿಗಳಲ್ಲಿ ಒಂದಾಗಿದೆ. ಸ್ಯಾಂಡ್‌ವಿಚ್ ಮಾಡೋಜೂ ಈಸಿ. ಇದರ ಅತ್ಯುತ್ತಮ ರುಚಿಯಿಂದಾಗಿ ಸ್ಯಾಂಡ್​​ವಿಚ್​ ತುಂಬಾ ಜನಪ್ರಿಯವಾಗಿದೆ.

ಇವುಗಳನ್ನು ಕಸ್ಟಮೈಸ್ ಮಾಡಿ ವಿವಿಧ ದೇಶಗಳಲ್ಲಿ ವಿವಿಧ ಅಭಿರುಚಿಗೆ ತಕ್ಕಂತೆ ಸ್ಯಾಂಡ್​ವಿಚ್​ ನೀಡಲಾಗುತ್ತದೆ. ಸಾಮಾನ್ಯವಾಗಿ ಫಾಸ್ಟ್ ಫುಡ್ ಸ್ಟಾಲ್ ಗಳಲ್ಲಿ ಸ್ಯಾಂಡ್ ವಿಚ್ ಬೆಲೆ 100 ರಿಂದ 500 ರೂಪಾಯಿ.

ದೊಡ್ಡ ರೆಸ್ಟೊರೆಂಟ್​​ಗಳಲ್ಲಿ 500 ರಿಂದ 1000 ರೂಪಾಯಿ. ಆದರೆ ನ್ಯೂಯಾರ್ಕ್​ನ ರೆಸ್ಟೋರೆಂಟ್​ವೊಂದರಲ್ಲಿ ಸ್ಯಾಂಡ್​ವಿಚ್ ಬೆಲೆ ರೂ.17,500 ಅಂದ್ರೆ ನಿಮಗೆ ಶಾಕ್​ ಆಗಲೇಬೇಕು.

ನ್ಯೂಯಾರ್ಕ್‌ನಲ್ಲಿರುವ ಸೆರೆಂಡಿಪಿಟಿ3 ರೆಸ್ಟೋರೆಂಟ್ ಈ ದುಬಾರಿ ಸ್ಯಾಂಡ್‌ವಿಚ್ ಅನ್ನು ತಯಾರಿಸುತ್ತಿದೆ. ರಾಷ್ಟ್ರೀಯ ಗ್ರಿಲ್ಡ್ ಚೀಸ್ ದಿನದ ಆಚರಣೆಯಲ್ಲಿ ರೆಸ್ಟೋರೆಂಟ್ 'ಕ್ವಿಂಟೆಸೆನ್ಷಿಯಲ್ ಗ್ರಿಲ್ಡ್ ಚೀಸ್' ಸ್ಯಾಂಡ್‌ವಿಚ್ ಅನ್ನು ಮರು-ಪರಿಚಯಿಸಿದೆ.

ಈ ಖಾದ್ಯವನ್ನು ಗ್ರಾಹಕರಿಗೆ ಸ್ವಲ್ಪ ಸಮಯದವರೆಗೆ ನೀಡಲಾಗುತ್ತದೆ. ಇದು 2014 ರಿಂದ ವಿಶ್ವದ ಅತ್ಯಂತ ದುಬಾರಿ ಸ್ಯಾಂಡ್‌ವಿಚ್‌ಗಾಗಿ ಗಿನ್ನೆಸ್ ವಿಶ್ವ ದಾಖಲೆಯನ್ನು ಹೊಂದಿದೆ.

ಆದರೆ ಇದು ಸ್ವಲ್ಪ ಸಮಯದವರೆಗೆ ಮೆನುವಿನಲ್ಲಿ ಇರಲಿಲ್ಲ. ಈ ಕ್ರಮದಲ್ಲಿ ಮತ್ತೆ ಲಭ್ಯವಾಗುವಂತೆ ಇನ್‌ಸ್ಟಾಗ್ರಾಮ್‌ನಲ್ಲಿ ರೆಸ್ಟೋರೆಂಟ್ ಪ್ರಕಟಿಸಿದೆ. ಇದರ ಮೌಲ್ಯ 214 ಡಾಲರ್. ಭಾರತೀಯ ಕರೆನ್ಸಿ ಪ್ರಕಾರ 17,500 ರೂಪಾಯಿ.

ದುಬಾರಿ ಕ್ಯಾಸಿಯೊಕಾವಲ್ಲೊ, ಪೊಡೊಲಿಕೊ ಚೀಸ್ ಮತ್ತು ಚಿನ್ನದ ಪದರಗಳನ್ನು ಒಳಗೊಂಡಿದೆ. ಈ ಅಪರೂಪದ ಚೀಸ್ ಅನ್ನು ಪೊಡೋಲಿಕಾ ಹಸುವಿನ ಹಾಲಿನಿಂದ ತಯಾರಿಸಲಾಗುತ್ತದೆ.

ಈ ತಳಿಯ ಹಸುಗಳು ಮೇ ಮತ್ತು ಜೂನ್ ತಿಂಗಳಿನಲ್ಲಿ ಮಾತ್ರ ಹಾಲು ಕೊಡುತ್ತವೆ. ಇದಲ್ಲದೆ, ಈ ಹಸುಗಳು ಕೇವಲ 25,000 ಇವೆ. ಅದಕ್ಕಾಗಿಯೇ ಈ ಚೀಸ್ ದುಬಾರಿಯಾಗಿದೆ. ಸ್ಯಾಂಡ್‌ವಿಚ್ ಅನ್ನು 23k ಖಾದ್ಯ ಚಿನ್ನದಿಂದ ಲೇಪಿಸಲಾಗಿದೆ. (ಸಾಂದರ್ಭಿಕ ಚಿತ್ರ)