Ice Cream: ಇದು ಪ್ರಪಂಚದ ಅತ್ಯಂತ ದುಬಾರಿ ಐಸ್​ಕ್ರೀಂ! ಇದರ ಒಂದು ಕಪ್ ಬೆಲೆಗೆ ಒಂದು ಕಾರನ್ನೇ ಖರೀದಿಸಬಹುದು

Cellato: ಜಪಾನ್‌ನ ಜನಪ್ರಿಯ ಐಸ್ ಕ್ರೀಂ ಬ್ರಾಂಡ್ ಆಗಿದೆ. ಇತ್ತೀಚೆಗೆ ಅಪರೂಪದ ದಾಖಲೆ ನಿರ್ಮಿಸಿದೆ. ಈ ಕಂಪನಿ ವಿಶ್ವದ ಅತ್ಯಂತ ದುಬಾರಿ ಐಸ್ ಕ್ರೀಂ ತಯಾರಿಸಿದೆ. ಇದು ಗಿನ್ನೆಸ್ ವಿಶ್ವ ದಾಖಲೆಗೂ ಸೇರಿದೆ. Cellato ತಯಾರಿಸಿದ ಈ ಐಸ್ ಕ್ರೀಂ ಅನ್ನು Backuya ಎಂದು ಕರೆಯಲಾಗುತ್ತದೆ. ಬೆಲೆ 873,400 ಜಪಾನೀಸ್ ಯೆನ್. ಅಂದರೆ ಭಾರತೀಯ ಕರೆನ್ಸಿ ಪ್ರಕಾರ 5.23 ಲಕ್ಷ ರೂಪಾಯಿ ಆಗಿದೆ. (image: Guinness World Records)

ಈ ಐಸ್ ಕ್ರೀಂನ ಒಂದು ಕಪ್ ಕೊಳ್ಳುವ ವೆಚ್ಚಕ್ಕೆ ಭಾರತದಲ್ಲಿ ಬೇಸಿಕ್ ಮಾಡೆಲ್​ನ ಒಂದು ಕಾರನ್ನು ಖರೀದಿಸಬಹುದು. ಈ ಐಸ್ ಕ್ರೀಂನ ಬೆಲೆ ಏಕೆ ಹೆಚ್ಚು ಎಂಬ ಅನುಮಾನ ನಿಮಗೆ ಮೂಡಬಹುದು. ಈ ಐಷಾರಾಮಿ ಪದಾರ್ಥವನ್ನು ತಯಾರಿಸಲು ಅಸಾಮಾನ್ಯ ಮತ್ತು ಅಪರೂಪದ ಪದಾರ್ಥಗಳನ್ನು ಬಳಸಲಾಗುತ್ತದೆ. (image: Guinness World Records)

ಈ ಅದ್ಭುತ ಐಸ್ ಕ್ರೀಂನಲ್ಲಿ ವೈಟ್ ಟ್ರಫಲ್ ಮುಖ್ಯ ಅಂಶವಾಗಿದೆ. ಇದು ಇಟಲಿಯ ಆಲ್ಬಾ ಪ್ರದೇಶದಲ್ಲಿ ಪ್ರತ್ಯೇಕವಾಗಿ ಕಂಡುಬರುತ್ತದೆ. ಬಿಳಿ ಟ್ರಫಲ್ ಅದರ ವಿಶಿಷ್ಟ ಪರಿಮಳ ಮತ್ತು ಅತ್ಯುತ್ತಮ ರುಚಿಗೆ ಹೆಸರುವಾಸಿಯಾಗಿದೆ. ಅದಕ್ಕೆ ಬೇಡಿಕೆ ಹೆಚ್ಚಿದೆ. ಇದು ಪ್ರತಿ ಕೆಜಿಗೆ 2 ಮಿಲಿಯನ್ ಜಪಾನೀಸ್ ಯೆನ್. ಭಾರತೀಯ ಕರೆನ್ಸಿ ಪ್ರಕಾರ ಪ್ರತಿ ಕೆಜಿಗೆ 2 ಲಕ್ಷ ರೂಪಾಯಿ ಆಗಿದೆ. (image: Guinness World Records))

ವೈಟ್​ ಟ್ರಫಲ್ ಬಳಕೆಯಿಂದಾಗಿ ಸೆಲ್ಲಾಟೊ ಬ್ಯಾಕುವಾ ಐಸ್ ಕ್ರೀಂ ದುಬಾರಿಯಾಗಿದೆ. ಬೆಲೆಬಾಳುವ ಐಸ್​ಕ್ರೀಂ ವೈಟ್​ ಟ್ರಫಲ್ ಜೊತೆಗೆ ಬೈಕುಯಾ ಪರ್ಮಿಗಿಯಾನೊ ರೆಗ್ಜಿಯಾನೊ ಹಾಗೂ ಸೇಕ್​ ಲೀಸ್ ಗೋಲ್ಡನ್ ಲೀವ್ಸ್​ ಒಳಗೊಂಡಿದೆ. ಈ ಪದಾರ್ಥಗಳನ್ನು ಬಳಸಿ ಯುರೋಪಿಯನ್ ಮತ್ತು ಜಪಾನೀಸ್ ರುಚಿಗಳನ್ನು ಸಂಯೋಜಿಸಿದಾಗ ದುಬಾರಿ ಐಸ್​ಕ್ರೀಂ ತಯಾಗುತ್ತದೆ. (image: Guinness World Records)

ಈ ಐಸ್ ಕ್ರೀಂ ಅನ್ನು ಪಾಕಪದ್ಧತಿಗೆ ಹೆಸರುವಾಸಿಯಾದ ಒಸಾಕಾದ ಪ್ರಸಿದ್ಧ ರೆಸ್ಟೋರೆಂಟ್ ರಿವಿಯ ಮುಖ್ಯ ಬಾಣಸಿಗ ತದಯೋಶಿ ಯಮಡಾ ಅವರು ತಯಾರಿಸಿದ್ದಾರೆ. ಅವರ ಪಾಕಶಾಲೆಯ ಪರಿಣತಿಯು ಸೆಲ್ಲಾಟೊ ಬ್ರಾಂಡ್‌ನ ಮೇಲಿನ ಉತ್ಸಾಹದೊಂದಿಗೆ ಸೇರಿಕೊಂಡು ಬ್ಯಾಕುಯಾ ಐಸ್ ಕ್ರೀಂ  ತಯಾರಾಗಿದೆ. (image: Guinness World Records)

ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ ತಂಡವು ಈ ಅಸಾಮಾನ್ಯ ಸೃಷ್ಟಿಯನ್ನು ನೇರವಾಗಿ ಸ್ಯಾಂಪಲ್ ಮಾಡಿಲ್ಲ. ಆದರೆ ಸೆಲ್ಲಾಟೊದಲ್ಲಿ ನಡೆದ ಟೆಸ್ಟಿಂಗ್​ ಸೆಷನ್​​ನಲ್ಲಿ ಈ ವಿಶೇಷವಾದ ರುಚಿಕರವಾದ ಆಹಾರ ಸಮ್ಮೇಳನದಲ್ಲಿ ಭಾಗವಹಿಸಿದ ಅನುಭವ ಇರುವ ಅಧಿಕಾರಿಗಳಿಂದ ದೃಢೀಕರಿಸಲ್ಪಟ್ಟಿದೆ. ಅವರೆಲ್ಲರೂ ವೈಟ್​ ಟ್ರಫಲ್‌ನ ಪರಿಮಳ ಮತ್ತು ರುಚಿಯನ್ನು ಪ್ರಶಂಸಿಸಿದ್ದಾರೆ. (image: Guinness World Records)

ಸೆಲ್ಲಾಟೋ ಈ ಐಸ್​ ಕ್ರೀಂ ತಯಾರಿಸಲು ಒಂದುವರೆ ವರ್ಷ ತೆಗೆದುಕೊಂಡಿದೆ. ಒಳ್ಳೆಯ ರುಚಿ ಪಡೆಯಲು ಹಲವಾರು ಪ್ರಯೋಗಗಳನ್ನು ಮಾಡಲಾಗಿದೆ. ಇದನ್ನು ತಯಾರಿಸುವ ದಾರಿಯಲ್ಲಿ ಹಲವು ಬಾರಿ ವಿಫಲರಾಗಿದ್ದೆವು. ಇದೀಗ ಯಶಸ್ವಿಯಾಗಿದ್ದು, ಗಿನ್ನೆಸ್​ ವರ್ಲ್ಡ್ ರೆಕಾರ್ಡ್​ ಪಾತ್ರರಾಗಿದ್ದೇವೆ. ಭವಿಷ್ಯದಲ್ಲಿ ಇನ್ನಷ್ಟು ಹೊಸ ಉತ್ಪನ್ನಗಳನ್ನು ಪರಿಚಯಿಸಲು ಇದು ನಮಗೆ ಪ್ರೇರಣೆ ನೀಡಿದೆ ಎಂದಿದ್ದಾರೆ. (image: Guinness World Records)