Chocolate Panipuri: ಬರೀ 49 ರೂಪಾಯಿಗೆ ಅನ್​ಲಿಮಿಟೆಡ್​ ಚಾಕೊಲೇಟ್ ಪಾನಿಪುರಿ! ಹೊಸ ಐಡಿಯಾದಿಂದ ಕೈತುಂಬಾ ಸಂಪಾದಿಸ್ತಿದ್ದಾರೆ ಈ ಮಹಿಳೆ

ನಮ್ಮಲ್ಲಿ ಹೆಚ್ಚಿನವರು ಪಾನಿಪುರಿಯನ್ನು ಇಷ್ಟಪಡುತ್ತಾರೆ. ಸಂಜೆ ವೇಳೆ ಸ್ನೇಹಿತರು ಅಥವಾ ಕುಟುಂಬದೊಂದಿಗೆ ಹೊರಗೆ ಹೋಗಿ ಪಾನಿಪುರಿ ತಿಂದರೆ ಅದು ಬೇರೆಯದೇ ಕಥೆ. ಆದರೆ ಈಗ ಪಾನಿಪುರಿಗಳಲ್ಲೂ ಹಲವು ವಿಧಗಳಿವೆ. ಫೈರ್ ಪಾನಿ ಪುರಿ, ಥಮ್ಸುಪ್ ಪಾನಿ ಪುರಿ ಮುಂತಾದ ವೆರೈಟಿಗಳು ಲಭ್ಯ. ಈಗ ಚಾಕಲೇಟ್ ಪಾನಿಪುರಿಯೂ ಬಂದಿದೆ.

ಯಾವುದೇ ಖಾದ್ಯ ವಿಭಿನ್ನವಾಗಿದ್ದರೆ. ಅದು ರುಚಿಯಾಗಿದ್ದರೆ. ಅದು ತುಂಬಾ ಜನಪ್ರಿಯವಾಗಿರುತ್ತದೆ. ಚಾಕೊಲೇಟ್ ಪಾನಿಪುರಿ ಕೂಡ ಹೀಗೆ ಫೇಮಸ್ ಆಗಿದೆ. ಮಹಾರಾಷ್ಟ್ರದ ಕೊಲ್ಹಾಪುರದ ಪಾನಿ ಪುರಿ ಸ್ಟಾಲ್‌ನಲ್ಲಿ ಸಿಗುವ ಚಾಕೊಲೇಟ್ ಪಾನಿಪುರಿಗೆ ಸ್ಥಳೀಯರು ವ್ಯಸನಿಗಳಾಗಿದ್ದಾರೆ. ಮಕ್ಕಳ ಸಂಖ್ಯೆಯು ವಿಶೇಷವಾಗಿ ಏರುತ್ತಿದೆ.

ಅಶ್ವಿನಿ ಉಮೇಶ್ ಸಾವಂತ್ ಎಂಬ ಮಹಿಳೆ ಕೊಲ್ಹಾಪುರದ ರಂಕಲಾ ಲೇಕ್ ಪ್ರದೇಶದ ಖರಡೆ ಕಾಲೇಜಿನ ಬಳಿ ಪಾನಿಪುರಿ ಸ್ಟಾಲ್ ನಡೆಸುತ್ತಿದ್ದಾರೆ. ಅವರ ಪತಿ ಬ್ಯಾಂಕ್‌ನಲ್ಲಿ ಕೆಲಸ ಮಾಡುತ್ತಾರೆ. ಆಕೆಯ ತಂದೆ ಮತ್ತು ಸಹೋದರ ಅಡುಗೆ ಕೆಲಸ ಮಾಡುತ್ತಾರೆ. ಹಾಗಾಗಿ ಅಶ್ವಿನಿ ಕೂಡ ಹೊಸ ರೆಸಿಪಿಗಳನ್ನು ಕಲಿಯುತ್ತಿದ್ದರು.

ರಂಕಾಲ ಸರೋವರದಲ್ಲಿ ಛತ್ರಪತಿ ಸ್ನ್ಯಾಕ್ಸ್ ಹೆಸರಿನ ಸ್ಟಾಲ್ ಸ್ಥಾಪಿಸಿ ಪಾನಿಪುರಿ, ದಾಬೇಲಿ, ಸ್ಪ್ರಿಂಗ್ ಪೊಟಾಟೊ ಮುಂತಾದ ಆಹಾರ ಪದಾರ್ಥಗಳನ್ನು ಮಾರಾಟ ಮಾಡುತ್ತಿದ್ದಾರೆ. ಇಲ್ಲಿ ಸಿಗುವ ತಿಂಡಿಗಳು ತುಂಬಾ ರುಚಿಕರವಾಗಿದ್ದು ಕೆಲವೇ ದಿನಗಳಲ್ಲಿ ಬಹಳ ಜನಪ್ರಿಯವಾಗಿದ್ದು, ಗ್ರಾಹಕರ ಸಂಖ್ಯೆ ದುಪ್ಪಟ್ಟಾಗಿದೆ.

ಅಶ್ವಿನಿಯ ಪಾನಿಪುರಿ ಸ್ಟಾಲ್ ತೆರೆದು ಎರಡು ತಿಂಗಳಾಗಿದೆ. ಆದರೆ ಜನರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ನಿತ್ಯ 150 ರಿಂದ 200 ಪ್ಲೇಟ್ ಪಾನಿಪುರಿ ಮತ್ತಿತರ ಆಹಾರ ಪದಾರ್ಥಗಳನ್ನು ಮಾರಾಟ ಮಾಡುತ್ತಾರೆ. ವಿವಿಧ ಬಗೆಯ ಖಾದ್ಯಗಳನ್ನು ತಯಾರಿಸುವ ಅಶ್ವಿನಿ ಇದೀಗ ಮಕ್ಕಳಿಗಾಗಿ ಚಾಕಲೇಟ್ ಪಾನಿಪುರಿ ಮಾಡುತ್ತಿದ್ದಾರೆ. ಜೊತೆಗೆ ವಾರದಲ್ಲಿ 2 ದಿನ ಅನಿಯಮಿತ ಪಾನಿಪುರಿ ಆಫರ್​ ಕೂಡ ನೀಡಿದ್ದಾರೆ.

ಮಕ್ಕಳು ಸಾಮಾನ್ಯವಾಗಿ ಸಿಹಿ  ಪಾನಿಪುರಿಯನ್ನು ಹೆಚ್ಚು ತಿನ್ನುತ್ತಾರೆ. ಅದಕ್ಕಾಗಿಯೇ ಚಾಕಲೇಟ್ ಪಾನಿಪುರಿ ಮಾರಲು ನಿರ್ಧರಿಸಿದ್ದಾರೆ. ಗೋಡಂಬಿ, ಬಾದಾಮಿ, ಒಣ ಹಣ್ಣುಗಳು ಮತ್ತು ಮಿಲ್ಕ್ ಶೇಕ್​ನೊಂದಿಗೆ ಪೂರಿಯನ್ನು ಮಾಡುತ್ತಿದ್ದೇನೆ. ಸೇವ್ ಬದಲಿಗೆ ಪೂರಿಗೆ   ಚಾಕೊಲೇಟ್‌ ದ್ರವದಿಂದ ಅಲಂಕರಿಸಲಾಗುತ್ತದೆ.

ಚಾಕೊಲೇಟ್ ಪಾನಿಪುರಿ ಅದ್ಭುತ ರುಚಿ ಮತ್ತು ಮಕ್ಕಳು  ತುಂಬಾ ಇಷ್ಟಪಟ್ಟು ತಿನ್ನುತ್ತಿದ್ದಾರೆ. ಈ ಕ್ರಮದಲ್ಲಿ, ಗುರುವಾರ ಮತ್ತು ಶನಿವಾರದಂದು ವಾರಕ್ಕೆ ಎರಡು ಬಾರಿ ಅನಿಯಮಿತ ಪಾನಿಪುರಿ ನೀಡಲಾಗುತ್ತದೆ. 49 ರೂಪಾಯಿಗೆ ಎಷ್ಟು ಬೇಕಾದರೂ ಪಾನಿ ಪೂರಿ ತಿನ್ನಬಹುದು. ಕೆಲವರು ಈ ಆಫರ್ ಅಡಿಯಲ್ಲಿ 50 ರಿಂದ 100 ಪಾನಿಪುರಿಗಳನ್ನೂ ತಿಂದಿದ್ದಾರೆ.