Bengaluru: ಮಧ್ಯವರ್ತಿಗಳಿಲ್ಲದೇ 4 ತಿಂಗಳಲ್ಲಿ 5.6 ಕೋಟಿ ಸಂಪಾದಿಸಿದ ಆಟೋ ಡ್ರೈವರ್ಸ್!

ಬೆಂಗಳೂರಿನಲ್ಲಿ ಆಟೋಗಳಿಗೇನು ಕಡಿಮೆ ಇಲ್ಲ. ಮೊದಲೆಲ್ಲಾ ರಸ್ತೆಗೆ ಬಂದು ಆಟೋಗೆ ಕೈ ಅಡ್ಡ ಹಿಡಿದು ಬರ್ತಿರಾ ಅಂತ ಕೇಳಿ ಆಮೇಲ ಆಟೋ ಹತ್ತಬೇಕಿತ್ತು. ಈಗ ಕಾಲ ಬದಲಾಗಿದೆ. ಮನೆಯಲ್ಲೇ ಕೂತು ಓಲಾ, ಊಬರ್​ ಮೂಲಕ ಆಟೋ ಬುಕ್​ ಮಾಡಬಹುದು. (ಸಾಂಕೇತಿಕ ಚಿತ್ರ)

ಇದೇ ರೀತಿ ಆಟೋ ಬುಕ್​ ಮಾಡುವ ಆ್ಯಪ್​ ಅಂದ್ರೆ ಅದೇ ನಮ್ಮ ಯಾತ್ರಿ. ಓಲಾ, ಊಬರ್​​ಗಳು ಮಧ್ಯವರ್ತಿಗಳ ರೀತಿ ಕೆಲಸ ಮಾಡಿ, ಅವರು ಕೂಡ ಕಮಿಷನ್​ ಪಡೆಯುತ್ತಾರೆ. ಆದರೆ ನಮ್ಮ ಯಾತ್ರಿ ಎಂಬ ಆ್ಯಪ್​ ಯಾವುದೇ ಮಧ್ಯವರ್ತಿಗಳಿದ್ದೆ ಆಟೋರಿಕ್ಷಾ ಸೇವೆಗಳನ್ನು ಒದಗಿಸುತ್ತೆ.(ಸಾಂಕೇತಿಕ ಚಿತ್ರ)

ನವೆಂಬರ್ 2022 ರ ಪ್ರಾರಂಭದಿಂದ ಪ್ಲಾಟ್‌ಫಾರ್ಮ್‌ನಲ್ಲಿ ಆಟೋ ಚಾಲಕರಿಗೆ ಇಲ್ಲಿಯವರೆಗೆ 5.6 ಕೋಟಿ ರೂಪಾಯಿ ಗಳಿಸಲು ಸಹಾಯ ಮಾಡಿದೆ.(ಸಾಂಕೇತಿಕ ಚಿತ್ರ)

ಅಪ್ಲಿಕೇಶನ್‌ನ ಡ್ಯಾಶ್‌ಬೋರ್ಡ್‌ನಲ್ಲಿ ಪ್ರದರ್ಶಿಸಲಾದ ಡೇಟಾ ಪ್ರಕಾರ, 41,112 ಚಾಲಕರು ಮತ್ತು 3,35,653 ಬಳಕೆದಾರರು ಪ್ಲಾಟ್‌ಫಾರ್ಮ್‌ನಲ್ಲಿ ನೋಂದಾಯಿಸಿಕೊಂಡಿದ್ದಾರೆ. ಚಾಲಕರು ಮಾರ್ಚ್ 6 ರವರೆಗೆ 3,37,762 ಟ್ರಿಪ್‌ಗಳನ್ನು ಪೂರ್ಣಗೊಳಿಸಿದ್ದಾರೆ. ಮಾರ್ಚ್​ 5 ರಂದು ಒಟ್ಟು 9 ಲಕ್ಷ ರೂಪಾಯಿ ಗಳಿಸಿದ್ದಾರೆ.(ಸಾಂಕೇತಿಕ ಚಿತ್ರ)

ಆ್ಯಪ್ ಅನ್ನು ಅಭಿವೃದ್ಧಿಪಡಿಸಿದ ಆಟೋ ರಿಕ್ಷಾ ಚಾಲಕರ ಒಕ್ಕೂಟದ ಪ್ರಧಾನ ಕಾರ್ಯದರ್ಶಿ ರುದ್ರಮೂರ್ತಿ ಅವರ ಪ್ರಕಾರ, ಅಪ್ಲಿಕೇಶನ್ ಮೂಲಕ ಒದಗಿಸಲಾದ ಸೇವೆಗಳಲ್ಲಿ ಪಾರದರ್ಶಕತೆಯನ್ನು ಖಾತ್ರಿಪಡಿಸುತ್ತದೆ.(ಸಾಂಕೇತಿಕ ಚಿತ್ರ)

ಡ್ಯಾಶ್‌ಬೋರ್ಡ್ ಚಾಲಕರ ಲಭ್ಯತೆ, ಪೂರ್ಣಗೊಂಡ ಟ್ರಿಪ್‌ಗಳು ಮತ್ತು ಹೆಚ್ಚಿನ ರೈಡರ್‌ಶಿಪ್ ಹೊಂದಿರುವ ಬೆಂಗಳೂರಿನ ಪ್ರಮುಖ ಐದು ಪ್ರದೇಶಗಳ ನೈಜ-ಸಮಯದ ಡೇಟಾವನ್ನು ಸಹ ತೋರಿಸುತ್ತದೆ.(ಸಾಂಕೇತಿಕ ಚಿತ್ರ)

ಸಂಜೆ 6.30 ರ ಹೊತ್ತಿಗೆ, ಮಹದೇವಪುರ, ಬೈತ್ರನಪುರ, ರಾಜರಾಜೇಶ್ವರಿ ನಗರ, ಬೆಂಗಳೂರು ದಕ್ಷಿಣ ಮತ್ತು ಬೊಮ್ಮನಹಳ್ಳಿ ಹೆಚ್ಚು ಸವಾರರನ್ನು ದಾಖಲಿಸಿದ ಮೊದಲ ಐದು ಪ್ರದೇಶಗಳಾಗಿವೆ. ರುದ್ರಮೂರ್ತಿ ಪ್ರಕಾರ, ಬೆಂಗಳೂರಿನಲ್ಲಿ ದಿನಕ್ಕೆ ಸರಾಸರಿ 9,000 ಟ್ರಿಪ್‌ಗಳು ಪೂರ್ಣಗೊಳ್ಳುತ್ತವೆ.(ಸಾಂಕೇತಿಕ ಚಿತ್ರ)

ಸರ್ಕಾರದ ನಿಯಮಗಳ ಪ್ರಕಾರ, ಈ ಅಪ್ಲಿಕೇಶನ್ ಮೊದಲ 2 ಕಿಮೀಗೆ ರೂ 30 ಮತ್ತು ನಂತರದ ಕಿಲೋಮೀಟರ್‌ಗಳಿಗೆ ರೂ 15 ಶುಲ್ಕ ವಿಧಿಸುತ್ತದೆ. ಅಪ್ಲಿಕೇಶನ್ ಪ್ರತಿ ಬುಕಿಂಗ್‌ಗೆ ರೂ 10 ಪಿಕಪ್ ದರವನ್ನು ವಿಧಿಸುತ್ತದೆ. (ಸಾಂಕೇತಿಕ ಚಿತ್ರ)