Rs 1000 Note: ಮತ್ತೆ ಮರಳುತ್ತಾ ಹಳೆ ನೋಟುಗಳು? ಸೆಪ್ಟೆಂಬರ್​ 30ರ ಬಳಿಕ ಹಾಗೇ ಆಗುತ್ತೆ!

ನವೆಂಬರ್​ 8 2016ರಂದು ಮೋದಿ ಸರ್ಕಾರ ಚಾಲ್ತಿಯಲ್ಲಿದ್ದ 1000 ರೂಪಾಯಿ ನೋಟುಗಳು ಹಾಗೂ 500 ರೂಪಾಯಿ ನೋಟುಗಳನ್ನು ಬ್ಯಾನ್​ ಮಾಡಿತ್ತು. ಇದಾದ ಬಳಿಕ ಹೊಸ ರೂಪದಲ್ಲಿ 2000 ರೂಪಾಯಿ ನೋಟುಗಳನ್ನು ಪರಿಚಯ ಮಾಡಿತ್ತು.

ಇದೀಗ ಆರ್​​ಬಿಐ ಈ 2000 ರೂಪಾಯಿ ನೋಟುಗಳನ್ನು ಹಿಂಪಡೆಯುವುದಾಗಿ ಘೋಷಣೆ ಮಾಡಿದೆ. ಸೆಪ್ಟೆಂಬರ್ 30 ರೊಳಗೆ ಬ್ಯಾಂಕ್‌ಗಳಲ್ಲಿ 2,000 ರೂಪಾಯಿ ನೋಟುಗಳನ್ನು ಬದಲಾಯಿಸಲು ಅಥವಾ ಠೇವಣಿ ಮಾಡಲು ಆರ್‌ಬಿಐ ಜನರಿಗೆ ಸಲಹೆ ನೀಡಿದೆ. ಅಲ್ಲಿಯವರೆಗೆ 2,000 ರೂಪಾಯಿ ನೋಟು ಕಾನೂನುಬದ್ಧವಾಗಿರುತ್ತದೆ ಎಂದು ಸ್ಪಷ್ಟಪಡಿಸಿದೆ.

2000 ರೂಪಾಯಿ ನೋಟುಗಳನ್ನು ಹಿಂಪಡೆಯುವುದಾಗಿ ಘೋಷಿಸುತ್ತಿದ್ದಂತೆ ಜನರಿಗೆ ಸಾಕಷ್ಟು ಅನುಮಾನಗಳೂ ಶುರುವಾಗಿದೆ. ಅದರಲ್ಲಿ ಆರ್​ಬಿಐ ಏನಾದ್ರೂ ಮತ್ತೆ 1000 ರೂಪಾಯಿ ನೋಟುಗಳನ್ನು ವಾಪಸ್​ ತರುತ್ತಾ? ಅನ್ನೋ ಅನುಮಾನ ಮೂಡಿಸಿದೆ.

ಹಿರಿಯ ಕಾಂಗ್ರೆಸ್ ನಾಯಕ ಪಿ.ಚಿದಂಬರಂ ಕೂಡ ಇದೇ ಅನುಮಾನ ವ್ಯಕ್ತಪಡಿಸಿದ್ದಾರೆ. ಆರ್ ಬಿಐ ರೂ.1000 ನೋಟು ಮರು ಚಲಾವಣೆಗೆ ತಂದರೂ ಅಚ್ಚರಿ ಪಡಬೇಕಾಗಿಲ್ಲ ಎಂದಿದ್ದಾರೆ.

ಇಂತಹ ಅನುಮಾನಗಳಿಗೆ ಭಾರತೀಯ ರಿಸರ್ವ್ ಬ್ಯಾಂಕ್ ಗವರ್ನರ್ ಶಕ್ತಿಕಾಂತ ದಾಸ್ ಸ್ಪಷ್ಟನೆ ನೀಡಿದ್ದಾರೆ. ಹೊಸ ರೂ.1,000 ನೋಟುಗಳನ್ನು ಪರಿಚಯಿಸುವ ಯಾವುದೇ ಯೋಜನೆ ಇಲ್ಲ ಎಂದು ಅವರು ಹೇಳಿದರು

ನೋಟುಗಳು ಆರ್‌ಬಿಐನಲ್ಲಿ ಮಾತ್ರವಲ್ಲದೆ ಬ್ಯಾಂಕ್‌ಗಳು ನಿರ್ವಹಿಸುವ ಕರೆನ್ಸಿ ಚೆಸ್ಟ್‌ಗಳಲ್ಲಿಯೂ ಇವೆ. ಸಾಕಷ್ಟು ಸ್ಟಾಕ್ ಲಭ್ಯವಿದೆ ಆದ್ದರಿಂದ ಚಿಂತಿಸಬೇಕಾಗಿಲ್ಲ ಎಂದು ಶಕ್ತಿಕಾಂತ ದಾಸ್ ವಿವರಿಸಿದರು. (ಸಾಂಕೇತಿಕ ಚಿತ್ರ)

ಕರೆನ್ಸಿ ನೋಟುಗಳನ್ನು ಹೊಂದಿರುವವರು ಯಾವುದೇ ಬ್ಯಾಂಕಿನಲ್ಲಿ ವಿನಿಮಯ ಮಾಡಿಕೊಳ್ಳಬಹುದು. ಒಂದು ದಿನಕ್ಕೆ 20000 ಸಾವಿರ ರೂಪಾಯಿಗಳನ್ನು ನೀವು ಬದಲಾಯಿಸಿಕೊಳ್ಳಬಹುದು. ಠೇವಣಿ ಮಾಡುವುದಕ್ಕೆ ಯಾವುದೇ ಮಿತಿ ಇಲ್ಲ. KYC ಪೂರ್ಣಗೊಂಡ ಖಾತೆಯಲ್ಲಿ ಯಾವುದೇ ಮೊತ್ತವನ್ನು ಠೇವಣಿ ಮಾಡಬಹುದು.