Food Shortage: ಇಲ್ಲಿ ಒಬ್ಬರಿಗೆ ಎರಡೇ ಹಣ್ಣು-ತರಕಾರಿ ಖರೀದಿಸಬೇಕು, ಇಂಥ ಪರಿಸ್ಥಿತಿ ಯಾರಿಗೂ ಬೇಡ!

ಒಂದೇ ಸೂರಿನಡಿ ಎಲ್ಲಾ ಸಿಗುತ್ತೆ ಅಂತ ಎಲ್ಲರೂ ಸೂಪರ್​ ಮಾರ್ಕೆಟ್​ಗೆ ಹೋಗ್ತಾರೆ. ಒಮ್ಮೆ ಇಲ್ಲಿಗೆ ಹೋದ್ರೆ ತಿಂಗಳಿಗೆ ಬೇಕಾಗುವಷ್ಟು ರೇಷನ್, ಒಂದು ವಾರಕ್ಕೆ ಸಾಕಾಗುವಷ್ಟು ಹಣ್ಣು-ತರಕಾರಿಗಳನ್ನು ಕೊಂಡುಕೊಳ್ಳುತ್ತೇವೆ.

ಆದರೆ ಸೂಪರ್​ ಮಾರ್ಕೆಟ್​​ನಲ್ಲಿ ಇಂತಿಷ್ಟೇ ಹಣ್ಣು-ತರಕಾರಿಗಳನ್ನು ಖರೀದಿ ಮಾಡಬೇಕು ಅಂತ ರೂಲ್ಸ್ ಮಾಡಿದ್ರೆ ಹೇಗಾಗಬೇಡಿ ಹೇಳಿ. ಹೌದು, ಈ ರೀತಿಯ ರೂಲ್ಸ್​ ಬಂದಿರೋದು ಈ ದೇಶದಲ್ಲಿ ಅಲ್ಲ. ಗ್ರೇಟ್​ ಬ್ರಿಟನ್​​ನಲ್ಲಿ.

ಬ್ರಿಟನ್‌ನಲ್ಲಿ (UK) ಹಣ್ಣು-ತರಕಾರಿಗಳಿಗೆ (Vegetable) ಹಾಹಾಕಾರ ಎದುರಾಗುವ ಸಾಧ್ಯತೆಗಳಿವೆ.ಬ್ರಿಟನ್‌ನ ಕೆಲ ಪ್ರಮುಖ ಸೂಪರ್ ಮಾರ್ಕೆಟ್‌ಗಳು ಹಣ್ಣು ಮತ್ತು ತರಕಾರಿ ಖರೀದಿ (Vegetable) ಮೇಲೆ ಬೆಲೆ ಮಿತಿಯನ್ನು ಹೇರಿವೆ.

ಟೊಮ್ಯಾಟೋ, ಮೆಣಸಿನಕಾಯಿ, ಸೌತೆಕಾಯಿ, ಬ್ರಕೋಲಿ, ಹೂಕೋಸು ಮತ್ತಿತರ ತರಕಾರಿಗಳ ಪೂರೈಕೆ ಕಡಿಮೆ ಇದೆ. ಹೀಗಾಗಿ ಒಬ್ಬೊಬ್ಬ ಗ್ರಾಹಕನಿಗೆ ಮಿತಿಯಲ್ಲಿ ಮಾರಾಟ ಮಾಡುತ್ತಿವೆ.

ಒಬ್ಬ ವ್ಯಕ್ತಿಗೆ ಕೇವಲ 2 ಆಲೂಗಡ್ಡೆ, 2 ಟೊಮೇಟೊವನ್ನು ಮಾತ್ರವೇ ಖರೀದಿಸುವಂಥ ಸ್ಥಿತಿ ನಿರ್ಮಾಣವಾಗಿದೆ. ಜೇಬಿನಲ್ಲೆಷ್ಟೇ ಹಣವಿದ್ದರೂ, ಆತ ಎಷ್ಟೇ ಬಿಲಿಯನ್‌ ಪೌಂಡುಗಳ ಒಡೆಯನಾದರೂ ಅವಿರಗೂ ಈ ರೂಲ್ಸ್​ ಅನ್ವಯವಾಗುತ್ತೆ.

ಬ್ರಿಟನ್‌ ಕೂಡ ಪಾಕಿಸ್ತಾನದ ಮಾರ್ಕೆಟಿನ ಹಾದಿಯಲ್ಲಿದೆ ಎಂದು ವಿಶ್ಲೇಷಿಸಲಾಗುತ್ತಿದೆ. ಹಣ್ಣು ಮತ್ತು ತರಕಾರಿಗಳ ತೀವ್ರ ಕೊರತೆಯನ್ನು ಯುನೈಟೆಡ್‌ ಕಿಂಗ್‌ಡಂ ಎದುರಿಸುತ್ತಿದೆ

ಆಫ್ರಿಕಾ, ಯುರೋಪ್‌ನಲ್ಲಿ ಪ್ರತಿಕೂಲ ವಾತಾವರಣ, ರಷ್ಯಾ-ಉಕ್ರೇನ್ ಯುದ್ಧದ (Russia Ukraine War) ಕಾರಣ ಪೂರೈಕೆ ಕೊರತೆ ಎದುರಾಗಿದೆ. ಮುಂದಿನ ಒಂದು ತಿಂಗಳ ಕಾಲ ಇದೇ ಸ್ಥಿತಿ ಇರಲಿದೆ ಎಂದು ಬ್ರಿಟನ್ ಸರ್ಕಾರವೂ ಹೇಳಿದೆ.

ಸೂಪರ್‌ ಮಾರ್ಕೆಟ್‌ಗಳಲ್ಲಿ ಖಾಲಿ ಇರುವ ಕಪಾಟುಗಳ ಚಿತ್ರಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗುತ್ತಿವೆ.