Currency Notes: ನೀವು ಕೊಟ್ಟ ಹರಿದ ನೋಟುಗಳನ್ನು ಬ್ಯಾಂಕ್​ ಏನ್ ಮಾಡುತ್ತೆ ಗೊತ್ತಾ? ತಿಳಿದ್ರೆ ಅಚ್ಚರಿಯಾಗುತ್ತೆ!

ನಿಮ್ಮ ಹತ್ರ ಹರಿದ ನೋಟುಗಳಿದ್ರೆ ಬ್ಯಾಂಕ್​ನಲ್ಲಿ ಕೊಡು ಎಕ್ಸ್ಚೇಂಜ್​ ಮಾಡ್ಕೋತಾರೆ ಅಂತ ಒಬ್ಬರಾದ್ರೂ ನಿಮಗೆ ಸಲಹೆ ಕೊಟ್ಟಿರುತ್ತಾರೆ. ಹೌದು, ಬ್ಯಾಂಕ್​ನವರು ಹರಿದ ನೋಟುಗಳನ್ನು ಪಡೆಯುತ್ತಾರೆ.

ಆದರೆ ಹೀಗೆ ಪಡೆದ ನೋಟುಗಳನ್ನು ಅವರು ಏನ್​ ಮಾಡ್ತಾರೆ ಅನ್ನುವ ಗೊಂದಲ ಹೆಚ್ಚಿನ ಜನರಿಗಿದೆ. ಹರಿದ ನೋಟುಗಳನ್ನು ಬ್ಯಾಂಕ್‌ಗಳು ಏನು ಮಾಡುತ್ತವೆ ಗೊತ್ತಾ? ಇಂದು ನಾವು ಅದರ ಸಂಪೂರ್ಣ ಮಾಹಿತಿಯನ್ನು ಇಲ್ಲಿ ನೀಡುತ್ತಿದ್ದೇವೆ.

ಯಾವುದೇ ರೀತಿಯ ಹರಿದ ನೋಟುಗಳನ್ನು ಬದಲಾಯಿಸಬಹುದು. ಒಂದು ನೋಟು ಸಂಪೂರ್ಣವಾಗಿ ಹರಿದು ಇತರ ಭಾಗದಿಂದ ಬೇರ್ಪಟ್ಟಿದ್ದರೂ, ಅದನ್ನು ಬದಲಾಯಿಸಬಹುದು.

ಹರಿದ ನೋಟನ್ನು ಯಾವುದಾದರೂ ಬ್ಯಾಂಕ್​ಗೆ ತೆಗೆದುಕೊಂಡು ಹೋಗಿ ಕೊಟ್ರೆ ಅವರು ಅಂತಹ ಹರಿದ ನೋಟುಗಳನ್ನು ಬದಲಾಯಿಸುತ್ತಾರೆ.

ಆದರೆ ನೋಟಿನ ಸ್ಥಿತಿ ಹದಗೆಟ್ಟಷ್ಟೂ ಅದರ ಮೌಲ್ಯ ಕಡಿಮೆಯಾಗುತ್ತದೆ ಎಂಬುದನ್ನು ನೆನಪಿನಲ್ಲಿಡಬೇಕು. ಈ ಬಗ್ಗೆ ಎಲ್ಲಾ ಮಾಹಿತಿಯನ್ನು ಭಾರತೀಯ ರಿಸರ್ವ್ ಬ್ಯಾಂಕ್ (ನೋಟು ಮರುಪಾವತಿ) ನಿಯಮಗಳು, 2009 ರ ಅಡಿಯಲ್ಲಿ ನೀಡಲಾಗಿದೆ.

ನೀವು ಕನಿಷ್ಟ 50 ಪ್ರತಿಶತದಷ್ಟಾದರೂ ನೋಟಿನ ಭಾಗವನ್ನು ಹೊಂದಿರಬೇಕು. ಅದರಲ್ಲಿ ನೀವು ಪೂರ್ಣ ಹಣವನ್ನು ಪಡೆಯುತ್ತೀರಿ. ಇಲ್ಲದಿದ್ದರೆ ನಿಮಗೆ ಹಣ ಸಿಗುವುದಿಲ್ಲ.

ಹರಿದ ನೋಟುಗಳನ್ನು ಆರ್‌ಬಿಐ ಚಲಾವಣೆಯಿಂದ ತೆಗೆದುಹಾಕುತ್ತದೆ. ಇದರ ಬದಲಾಗಿ ಅಂತಹ ನೋಟುಗಳನ್ನು ಮುದ್ರಿಸುವುದು ಆರ್‌ಬಿಐನ ಜವಾಬ್ದಾರಿಯಾಗಿದೆ.

ಹೀಗೆ ಬ್ಯಾಂಕ್​ನವರು ಪಡೆದ ಹರಿದ ನೋಟುಗಳನ್ನು ಆರ್​ಬಿಐಗೆ ನೀಡುತ್ತದೆ. ಹಿಂದಿನ ಕಾಲದಲ್ಲಿ ಈ ನೋಟುಗಳನ್ನು ಸುಡಲಾಗುತ್ತಿತ್ತು. ಪ್ರಸ್ತುತ ಅವುಗಳನ್ನು ಸಣ್ಣ ತುಂಡುಗಳಾಗಿ ಕತ್ತರಿಸಿ ಮರುಬಳಕೆ ಮಾಡಲಾಗುತ್ತದೆ. ಈ ನೋಟುಗಳಿಂದ ಕಾಗದದ ವಸ್ತುಗಳನ್ನು ತಯಾರಿಸಲಾಗುತ್ತದೆ.