Richest Cities in India: ಭಾರತದ ಶ್ರೀಮಂತ ನಗರ ಯಾವುದು? ಈ ಪಟ್ಟಿಯಲ್ಲಿ ನಮ್ಮ ಬೆಂಗಳೂರಿಗೆ ಎಷ್ಟನೇ ಸ್ಥಾನ?

ಲಂಡನ್‌ ಮೂಲದ ಇನ್ವೆಸ್ಟ್​ಮೆಂಟ್​ ಮಿಗ್ರೇಷನ್​ ಕನ್ಸಲ್ಟೆನ್ಸಿ ಕಂಪನಿಯಾದ ಹೆನ್ಲಿ ಆ್ಯಂಡ್​ ಪಾರ್ಟನರ್ ಸಂಸ್ಥೆ ವಿಶ್ವದ ಶ್ರೀಮಂತ ನಗರಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಆ ಪಟ್ಟಿ ಪ್ರಕಾರ ಭಾರತದ ಯಾವ ನಗರದಲ್ಲಿ ಎಷ್ಟು ಲಕ್ಷಾಧಿಪತಿಗಳಿದ್ದಾರೆ ಎಂಬ ಡಿಟೇಲ್ ಇಲ್ಲಿದೆ.

ಭಾರತದ ವಾಣಿಜ್ಯ ನಗರಿ ಮುಂಬೈನಲ್ಲಿ 59, 400 ಮಂದಿ ಮಿಲಿಯನೇರ್​ಗಳಿದ್ದಾರೆ. ಅಲ್ಲದ ಮುಂಬೈ ವಿಶ್ವದ ಶ್ರೀಮಂತ ನಗರಗಳ ಪೈಕಿ 21ನೇ ಸ್ಥಾನ ಪಡೆದುಕೊಂಡಿದೆ. ಈ ನಗರದಲ್ಲಿ 238 ಸೆಂಟಿ-ಮಿಲಿಯನೇರ್‌ಗಳು ಮತ್ತು 29 ಬಿಲಿಯನೇರ್‌ಗಳು ಇದ್ದಾರೆ

ಮುಂಬೈ ನಂತರದ ಸ್ಥಾನದಲ್ಲಿ ದೇಶದ ರಾಜಧಾನಿ ದೆಹಲಿ ಇದೆ. ಒಟ್ಟು 30,200 ಮಿಲಿಯನೇರ್​, 121 ಸೆಂಟಿ ಮಿಲಿಯನೇರ್​ ಹಾಗೂ 16 ಬಿಲಿಯನೇರ್​ಗಳಿರುವ ದೆಹಲಿ ದೇಶದ 2ನೇ ಶ್ರೀಮಂತ ನಗರ ಹಾಗೂ ವಿಶ್ವದ 36ನೇ ಶ್ರೀಮಂತ ನಗರವಾಗಿದೆ.

ಭಾರತದ ಸಿಲಿಕಾನ್ ಸಿಟಿ ಎಂದೇ ಖ್ಯಾತಿ ಪಡೆದಿರುವ ಬೆಂಗಳೂರಿನಲ್ಲಿ 12,600 ಮಿಲಿಯನೇರ್‌ಗಳು, 50 ಸೆಂಟಿ ಮಿಲಿಯನೇರ್‌ಗಳು ಮತ್ತು ಎಂಟು ಬಿಲಿಯನೇರ್‌ಗಳಿದ್ದಾರೆ. ಬೆಳವಣಿಗೆಯ ದರಕ್ಕೆ ಸಂಬಂಧಿಸಿದಂತೆ, 2012-2022 ರ ನಡುವೆ ಬೆಂಗಳೂರಿನ ಸಂಪತ್ತು ಶೇಕಡಾ 88 ರ ದರದಲ್ಲಿ ಬೆಳೆದಿದೆ.

ಪಶ್ಚಿಮ ನಗರವಾದ ಕೋಲ್ಕತ್ತಾದಲ್ಲಿ 12000 ಮಿಲಿಯನೇರ್‌ಗಳು, 49 ಸೆಂಟಿ-ಮಿಲಿಯನೇರ್‌ಗಳು ಮತ್ತು 7 ಬಿಲಿಯನೇರ್‌ಗಳು ಇದ್ದಾರೆ. ಪಶ್ಷಿಮ ಬಂಗಾಳದ ರಾಜಧಾನಿ ಭಾರತದ 4ನೇ ಶ್ರೀಮಂತ ನಗರವಾಗಿದೆ.

ಮುತ್ತಿನ ನಗರಿ ಹೈದರಾಬಾದ್​ನಲ್ಲಿ 11,100 ಮಿಲಿಯನೇರ್‌ಗಳು, 40 ಸೆಂಟಿ-ಮಿಲಿಯನೇರ್‌ಗಳು ಮತ್ತು ಐದು ಬಿಲಿಯನೇರ್‌ಗಳಿದ್ದು, ಶ್ರೀಮಂತ ನಗರಗಳ ಪಟ್ಟಿಯಲ್ಲಿ 5ನೇ ಸ್ಥಾನ ಪಡೆದುಕೊಂಡಿದೆ. ಹೈದರಾಬಾದ್‌ನಲ್ಲಿ ಮಿಲಿಯನೇರ್‌ಗಳ ಸಂಖ್ಯೆಯು ದಶಕದಲ್ಲಿ 78 ಪ್ರತಿಶತದಷ್ಟು ಬೆಳವಣಿಗೆಯ ದರದಲ್ಲಿ ಬೆಳೆದಿದೆ.

ಈ ಎಲ್ಲಾ ಅಂಕಿಅಂಶಗಳು ಡಿಸೆಂಬರ್ 31, 2022 ರವೆರೆಗಿನ ಸಂಪತ್ತನ್ನು ಗಣನೆಗೆ ತೆಗೆದುಕೊಂಡು ಮಾಡಲಾಗಿದೆ. ವಿಶ್ವದ ಶ್ರೀಮಂತ ನಗರಗಳ ಪಟ್ಟಿ 2023ರ ಪ್ರಕಾರ ಯುನೈಟೆಡ್ ನೇಷನ್ (USA)ನ ನ್ಯೂಯಾರ್ಕ್‌ ನಗರ ವಿಶ್ವದ ಅತೀ ಶ್ರೀಮಂತ ನಗರವೆನಿಸಿದೆ. ನ್ಯೂಯಾರ್ಕ್​ನಲ್ಲಿ 3.4 ಲಕ್ಷ ಮಿಲಿಯನೇರ್‌ಗಳು, 724 ಸೆಂಟಿ-ಮಿಲಿಯನೇರ್‌ಗಳು ಮತ್ತು 58 ಬಿಲಿಯನೇರ್‌ಗಳಿದ್ದಾರೆ.

ಟಾಪ್ 10 ಶ್ರೀಮಂತ ನಗರಗಳ ಪಟ್ಟಿಯಲ್ಲಿ ಅಮೆರಿಕಾದ ನ್ಯೂಯಾರ್ಕ್ ನಂತರ ಜಪಾನ್‌ನ ಟೋಕಿಯೋ, ಯುನೈಟೆಡ್ ಕಿಂಗ್‌ಡಮ್‌ನ ಲಂಡನ್‌, ಸಿಂಗಾಪುರ್, ಲಾಸ್ ಎಂಜಲೀಸ್, ಚೀನಾದ ಹಾಂಗ್‌ಕಾಂಗ್, ಬೀಜಿಂಗ್, ಶಾಂಘೈ ಹಾಗೂ ಆಸ್ಟ್ರೇಲಿಯಾದ ಸಿಡ್ನಿ ಇವೆ.