Union Budget 2023: ಪ್ರತಿ ರಾಜ್ಯದಲ್ಲಿ 1 ಯುನಿಟಿ ಮಾಲ್ ಆರಂಭ! ಏನಿದು?

ಬಜೆಟ್​ನಲ್ಲಿ ಈ ಬಾರಿ ಹೊಸದೊಂದು ಮಾಲ್ ಕಾನ್ಸೆಪ್ಟ್​ ಇಂಟ್ರಡ್ಯೂಸ್ ಮಾಡಲಾಗಿದೆ. ಪ್ರವಾಸೋದ್ಯಮ ಅಭಿವೃದ್ಧಿ ಹಾಗೂ ಸ್ಥಳೀಯ ಮಾರುಕಟ್ಟೆ ವ್ಯಾಪ್ತಿ ಹೆಚ್ಚಿಸುವ ನಿಟ್ಟಿನಲ್ಲಿ ಈ ಅನೌನ್ಸ್​ಮೆಂಟ್ ಮಾಡಲಾಗಿದೆ.

ನಿರ್ಮಲಾ ಸೀತಾರಾಮನ್ ಅವರು ಯುನಿಟಿ ಮಾಲ್ ಎನ್ನುವ ಕಾನ್ಸೆಪ್ಟ್ ಘೋಷಿಸಿದ್ದಾರೆ. ಬಜೆಟ್​ನಲ್ಲಿಯೇ ಪ್ರತಿ ರಾಜ್ಯದಲ್ಲಿ ಯುನಿಟಿ ಮಾಲ್ ಸ್ಥಾಪನೆಯ ವಿಚಾರ ತಿಳಿಸಿದ್ದಾರೆ.

ರಾಜ್ಯ ರಾಜಧಾನಿ ಅಥವಾ ಪ್ರಮುಖ ಪ್ರವಾಸೋದ್ಯಮ ಸ್ಥಳ ಅಥವಾ ಆಯಾ ರಾಜ್ಯದ ವಾಣಿಜ್ಯ ರಾಜಧಾನಿಯಲ್ಲಿ ಈ ಯುನಿಟಿ ಮಾಲ್ ಸ್ಥಾಪಿಸಲು ರಾಜ್ಯಗಳಿಗೆ ಉತ್ತೇಜನ ನೀಡಲಾಗುತ್ತದೆ.

ಯುನಿಟಿ ಮಾಲ್​ಗಳ ಮೂಲಕ ಒಂದು ಜಿಲ್ಲೆ ಒಂದು ಉತ್ಪನ್ನ ಎನ್ನುವ ಕಾನ್ಸೆಪ್ಟ್ ಅಳವಡಿಸಿಕೊಂಡು ಇದರ ಮಾರಾಟ ವ್ಯಾಪ್ತಿಯನ್ನು ಹೆಚ್ಚಿಸಲು ಉದ್ದೇಶಿಸಲಾಗಿದೆ.

ಜಿಐ ಪ್ರಾಡಕ್ಟ್(ಭೌಗೋಳಿಕ ಪ್ರಾಧಾನ್ಯತೆ ಹೊಂದಿರುವ ಉತ್ಪನ್ನ), ಕರಕುಶಲ ವಸ್ತುಗಳ ಮಾರಾಟಕ್ಕೆ ಯುನಿಟಿ ಮಾಲ್​ನಲ್ಲಿ ಅವಕಾಶವನ್ನು ನೀಡಲಾಗುತ್ತದೆ.

ವಿಶೇಷವಾಗಿ ಯಾವುದೇ ರಾಜ್ಯದ ರಾಜಧಾನಿಗೆ ಜನರು ಬಂದಾಗ ಅಲ್ಲಿ ಒಂದೇ ಸೂರಿನಡಿಯಲ್ಲಿ ಆ ರಾಜ್ಯದ ಎಲ್ಲಾ ಬಗೆಯ ಉತ್ಪನ್ನಗಳನ್ನು ಗ್ರಾಹಕರಿಗೆ ಒದಗಿಸುವ ವ್ಯವಸ್ಥೆ ಇದಾಗಿದೆ.

ಪ್ರತಿ ರಾಜ್ಯದಲ್ಲಿಯೂ ಒಂದೊಂದು ಯುನಿಟಿ ಮಾಲ್​ ಅನ್ನು ಆರಂಭಿಸಲು ಬಜೆಟ್​ನಲ್ಲಿ ಸೂಚಿಸಲಾಗಿದ್ದು ಇದರ ಮುಖ್ಯವಾಗಿ ಸ್ಥಳೀಯ ಕರಕುಶಲತೆ, ಸ್ಥಳೀಯ ಉತ್ಪನ್ನಗಳಿಗೆ ಪ್ರಮುಖ ಮಾರುಕಟ್ಟೆಯಾಗಲಿದೆ. ಒಂದೇ ಸೂರಿನಡಿ ಎಲ್ಲವೂ ಸಿಗುವ ವ್ಯವಸ್ಥೆ ಇದಾಗಿದೆ.