Meta Layoff: ಮತ್ತೆ ಮೆಟಾ ವಜಾ ಪರ್ವ, ಈ ಬಾರಿ ದೊಡ್ಡ ದೊಡ್ಡ ತಲೆಗಳೇ ಔಟ್​​!

ಮತ್ತೆ ಮೆಟಾದಲ್ಲಿ ವಜಾ ಪರ್ವ ಶುರುವಾಗಿದೆ. ಫೇಸ್‌ಬುಕ್‌ನ ಮಾಲೀಕರಾದ ಮೆಟಾ ಪ್ಲಾಟ್‌ಫಾರ್ಮ್ಸ್ ಇಂಕ್ ತನ್ನ ಕೆಲಸಗಾರರನ್ನು ಕೆಲಸದಿಂದ ವಜಾಗೊಳಿಸಿದೆ. ವ್ಯಾಪಾರ ಮತ್ತು ಕಾರ್ಯಾಚರಣೆಯ ಘಟಕಗಳಾದ್ಯಂತ ಉದ್ಯೋಗಗಳನ್ನು ಕಡಿತಗೊಳಿಸಿದೆ.

ಮಾರ್ಚ್​ನಲ್ಲಿ 10 ಸಾವಿರ ಉದ್ಯೋಗಿಗಳನ್ನು ವಜಾಗೊಳಿಸಿತ್ತು. ಇದೀಗ ಮತ್ತೆ ಮೆಟಾದಲ್ಲಿ ಉದ್ಯೋಗಿಗಳನ್ನು ಕಂಪನಿಯಿಂದ ವಜಾಗೊಳಿಸುತ್ತಿರುವುದನ್ನು ಕಂಡು ಇತರರು ಕೂಡ ಕೆಲಸ ಕಳೆದುಕೊಳ್ಳುವ ಭಯದಲ್ಲಿದ್ದಾರೆ.

ಪ್ರಮುಖ ಮಾರುಕಟ್ಟೆಯ ಭಾರತದ ಇಬ್ಬರು ಉನ್ನತ ಕಾರ್ಯನಿರ್ವಾಹಕರು, ಹಾಗೂ ಮಾರ್ಕೆಟಿಂಗ್ ನಿರ್ದೇಶಕ ಅವಿನಾಶ್ ಪಂತ್ ಮತ್ತು ನಿರ್ದೇಶಕ ಮತ್ತು ಮಾಧ್ಯಮ ಪಾಲುದಾರಿಕೆಯ ಮುಖ್ಯಸ್ಥ ಸಾಕೇತ್ ಝಾ ಸೌರಭ್ ಅವರನ್ನು ಸಹ ಕಂಪನಿಯಿಂದ ಕೈಬಿಡಲಾಗಿದೆ.

ಮಾರ್ಕೆಟಿಂಗ್, ಸೈಟ್ ಸೆಕ್ಯುರಿಟಿ, ಎಂಟರ್‌ಪ್ರೈಸ್ ಇಂಜಿನಿಯರಿಂಗ್, ಪ್ರೋಗ್ರಾಂ ಮ್ಯಾನೇಜ್‌ಮೆಂಟ್, ಕಂಟೆಂಟ್ ಸ್ಟ್ರಾಟಜಿ ಮತ್ತು ಕಾರ್ಪೊರೇಟ್ ಸಂವಹನಗಳಂತಹ ತಂಡಗಳಲ್ಲಿ ಕೆಲಸ ಮಾಡುವ ಡಜನ್​ಗಟ್ಟಲೇ ಜನರನ್ನು ವಜಾಗೊಳಿಸಲಾಗಿದೆ.

ಈ ವರ್ಷದ ಆರಂಭದಲ್ಲಿ ಮೆಟಾ 11,000 ಕ್ಕೂ ಹೆಚ್ಚು ಉದ್ಯೋಗಿಗಳಿಗಳನ್ನು ವಜಾ ಮಾಡಲಾಗಿತ್ತು. ಇದಾದ ನಂತರ ಎರಡನೇ ಸುತ್ತಿನ ಸಾಮೂಹಿಕ ವಜಾಗಳನ್ನು ಘೋಷಿಸಿದ ಮೊದಲ ಬಿಗ್ ಟೆಕ್ ಕಂಪನಿಯಾಗಿದೆ.

ಮೆಟಾ ಮುಖ್ಯ ಕಾರ್ಯನಿರ್ವಾಹಕ ಮಾರ್ಕ್ ಜುಕರ್‌ಬರ್ಗ್ ಮಾರ್ಚ್‌ನಲ್ಲಿ ವಜಾ ಪರ್ವ ಮುಗಿಸಿದ ಬಳಿಕ, ಮೇವರೆಗೂ ಉದ್ಯೋಗಿಗಳನ್ನು ವಜಾಗೊಳಿಸಲಾಗುತ್ತೆ ಅಂತ ಹೇಳಿದ್ದರು.

ಮೇ ನಂತರವೂ ಸಣ್ಣ ಪುಟ್ಟ ವಜಾಗೊಳಿಸುವುಕೆ ಇದ್ದೇ ಇರುತ್ತೆ ಎಂದು ಮಾರ್ಕ್​ ಜುಕರ್​ಬರ್ಗ್​ ಹೇಳಿದ್ದರು. ಹಾಗಿದ್ದರೆ ಮುಂದಿನ ದಿನಗಳಲ್ಲೂ ವಜಾಗೊಳಿಸುವಿಕೆ ಮುಂದುವರೆಯುತ್ತದೆ.