Best Electric Scooters: ಟಾಪ್ 7 ಎಲೆಕ್ಟ್ರಿಕ್ ಸ್ಕೂಟರ್‌ಗಳಿವು, ಸೂಪರ್​ ಮೈಲೇಜ್​ ಜೊತೆಗೆ ಸಖತ್ ಸ್ಟೈಲಿಶ್​!

Electric Scooters: ಮಾರುಕಟ್ಟೆಯಲ್ಲಿ ಎಲೆಕ್ಟ್ರಿಕ್ ಸ್ಕೂಟರ್‌ಗಳಿಗೆ ಬೇಡಿಕೆ ಹೆಚ್ಚಿದೆ. ಓಲಾ, ಈಥರ್, ಹೀರೋ ಎಲೆಕ್ಟ್ರಿಕ್, ಟಿವಿಎಸ್ ಮೋಟರ್‌ನಂತಹ ಕಂಪನಿಗಳು ಮಾರಾಟದಲ್ಲಿ ಪ್ರಗತಿ ಸಾಧಿಸುತ್ತಿವೆ. ಜೊತೆಗೆ ತಮ್ಮ ತಮ್ಮ ಕಂಪನಿಗಳ ವಾಹನಗಲ ಮೇಲೆ ಭರ್ಜರಿ ಆಫರ್​​ ಕೂಡ ನೀಡುತ್ತಿದೆ. ಈಗ ದೇಶದಲ್ಲಿ ಜನರು ಹೆಚ್ಚು ಖರೀದಿಸುತ್ತಿರುವ ಟಾಪ್ 7 ಎಲೆಕ್ಟ್ರಿಕ್ ಸ್ಕೂಟರ್‌ಗಳು ಯಾವುವು ಎಂಬುದನ್ನು ನೋಡೋಣ ಬನ್ನಿ.

ಓಲಾ ಎಲೆಕ್ಟ್ರಿಕ್ ಅಗ್ರಸ್ಥಾನದಲ್ಲಿದೆ. ಓಲಾ ಎಲೆಕ್ಟ್ರಿಕ್ ಕಂಪನಿಯು ಮೂರು ರೀತಿಯ ಸ್ಕೂಟರ್‌ಗಳನ್ನು ಮಾರಾಟ ಮಾಡುತ್ತದೆ. ಅವುಗಳೆಂದರೆ Ola S1, S1 Pro ಮತ್ತು S1 Air. ಈ ಕಂಪನಿಯ ಮಾರಾಟ ಡಿಸೆಂಬರ್ ತಿಂಗಳಲ್ಲಿ 25 ಸಾವಿರ ಯುನಿಟ್‌ಗಳಾಗಿ ದಾಖಲಾಗಿದೆ.

ಟಿವಿಎಸ್ ಮೋಟಾರ್ಸ್‌ನ ಎಲೆಕ್ಟ್ರಿಕ್ ಸ್ಕೂಟರ್ ಐಕ್ಯೂಬ್ ಕೂಡ ಜನಪ್ರಿಯವಾಗಿದೆ. ಈ ಸ್ಕೂಟರ್‌ನ ಮಾರಾಟವೂ ಭರದಿಂದ ಸಾಗುತ್ತಿದೆ. ಕಂಪನಿಯು ಕಳೆದ ತಿಂಗಳು ಸುಮಾರು 11,071 ಐಕ್ಯೂಬ್ ಸ್ಕೂಟರ್‌ಗಳನ್ನು ಮಾರಾಟ ಮಾಡಿದೆ.

ಹೀರೋ ಎಲೆಕ್ಟ್ರಿಕ್ ಕೂಡ ಈಗ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದೆ. ಕಳೆದ ತಿಂಗಳು ಈ ಕಂಪನಿಯ ಮಾರಾಟ 9 ಸಾವಿರ ಯುನಿಟ್ ಆಗಿತ್ತು. ಹೀರೋ ಎಲೆಕ್ಟ್ರಿಕ್ ಪ್ರಾಥಮಿಕವಾಗಿ ಎಲೆಕ್ಟ್ರಿಕ್ ಸ್ಕೂಟರ್‌ಗಳನ್ನು ಬಜೆಟ್ ಬೆಲೆಯಲ್ಲಿ ನೀಡುತ್ತದೆ. ಈ ಕಂಪನಿಯು ಹಲವು ವರ್ಷಗಳಿಂದ ಈ ವಿಭಾಗದಲ್ಲಿ ಸೇವೆಗಳನ್ನು ಒದಗಿಸುತ್ತಿದೆ.

ಈಥರ್ ಕಂಪನಿಯ 450X ಮಾರಾಟವು ಡಿಸೆಂಬರ್ ತಿಂಗಳಲ್ಲಿ 7652 ಯುನಿಟ್‌ಗಳಾಗಿತ್ತು. ಇದರೊಂದಿಗೆ ಈ ಸಂಸ್ಥೆ ನಾಲ್ಕನೇ ಸ್ಥಾನಕ್ಕೇರಿತು.

ಅಲ್ಲದೆ, ಓಕಿನಾವಾ ಆಟೋ ಟೆಕ್ ಕಂಪನಿ ಕೂಡ ಐದನೇ ಸ್ಥಾನದಲ್ಲಿದೆ. ಈ ಕಂಪನಿಯ ಮಾರಾಟವು 5279 ಘಟಕಗಳಾಗಿವೆ. ಅನೇಕ ಗ್ರಾಹಕರು ಈ ಕಂಪನಿಯ ಎಲೆಕ್ಟ್ರಿಕ್ ಸ್ಕೂಟರ್‌ಗಳನ್ನು ಸಹ ಖರೀದಿಸುತ್ತಿದ್ದಾರೆ. ಈ ಕಂಪನಿಯು ಹೈಟೆಕ್ ವೈಶಿಷ್ಟ್ಯಗಳೊಂದಿಗೆ ಸ್ಕೂಟರ್‌ಗಳನ್ನು ಲಭ್ಯಗೊಳಿಸಿದೆ.

ಆಂಪಿಯರ್ ಕಂಪನಿ ಕೂಡ ಏರುಗತಿಯಲ್ಲಿದೆ. ಈ ಕಂಪನಿಯ ಮಾರಾಟವು 4408 ಘಟಕಗಳಾಗಿವೆ. ಆದರೆ, ನವೆಂಬರ್ ತಿಂಗಳಲ್ಲಿ ಈ ಕಂಪನಿಯ ಮಾರಾಟ 12 ಸಾವಿರ ಯೂನಿಟ್ ಆಗಿತ್ತು. ಕಳೆದ ತಿಂಗಳ ಮಾರಾಟದಲ್ಲಿ ಭಾರೀ ಇಳಿಕೆಯಾಗಿದೆ ಎನ್ನಬಹುದು.

ಬಜಾಜ್ ಚೇತಕ್ ಮಾರಾಟವೂ ಆಶಾದಾಯಕವಾಗಿದೆ. ಆದರೆ ಇತರ ಕಂಪನಿಗಳಿಗೆ ಹೋಲಿಸಿದರೆ ಇದು ತುಂಬಾ ಕಡಿಮೆ. ಬಜಾಜ್ ಚೇತಕ್ ಮಾರಾಟವು ಕಳೆದ ತಿಂಗಳು 2,888 ಯುನಿಟ್‌ಗಳಷ್ಟಿತ್ತು. ಓಲಾದಂತಹ ಕಂಪನಿಗಳಿಗೆ ಹೋಲಿಸಿದರೆ ಬಜಾಜ್ ಚೇತಕ್ ಮಾರಾಟವು ತುಂಬಾ ಕಡಿಮೆಯಾಗಿದೆ. ಬಜಾಜ್ ಚೇತಕ್ ಏಳನೇ ಸ್ಥಾನದಲ್ಲಿದೆ.