Tirupati: ತಿರುಪತಿ ತಿಮ್ಮಪ್ಪನ ದರ್ಶನ ಈಗ ಮತ್ತಷ್ಟು ದುಬಾರಿ, ಇಲ್ಲಿಗೆ ಹೋಗೋ ಮುನ್ನ ಈ ವಿಚಾರ ತಿಳಿದುಕೊಳ್ಳಲೇಬೇಕು!

Tirupati: ವಿಶ್ವದ ಶ್ರೀಮಂತ ದೇವಸ್ಥಾನ ಎನ್ನುವ ಹೆಗ್ಗಳಿಕೆಗೆ ತಿರುಪತಿಯ ಶ್ರೀ ವೆಂಕಟೇಶ್ವರ ಸ್ವಾಮಿ ದೇವಸ್ಥಾನ ಪಾತ್ರವಾಗಿದೆ. ತಿರುಪತಿ ದೇಗುಲದ ಸಂಪತ್ತು 2.26 ಲಕ್ಷ ಕೋಟಿ ಎಂಬುದು ಮೊದಲ ಬಾರಿಗೆ ಬಹಿರಂಗವಾಗಿತ್ತು.

ದೇಶದಲ್ಲಿರುವ ವೈಷ್ಣವ ಭಕ್ತರನ್ನು ಅತಿಯಾಗಿ ಆಕರ್ಷಿಸುವ ಈ ದೇವಾಲಯವು, ಪ್ರತಿನಿತ್ಯ ಲಕ್ಷಾಂತರ ಭಕ್ತರನ್ನು ಸ್ವಾಗತಿಸುತ್ತದೆ. ಅವರ ಅನುಕೂಲಕ್ಕಾಗಿ ಪ್ರತಿ ತಿಂಗಳು ಆನ್​ಲೈನ್​ಲ್ಲಿ ದರ್ಶನಕ್ಕಾಗಿ ಟಿಕೆಟ್​​ಗಳನ್ನು ಬುಕ್​ ಮಾಡಿಕೊಂಡು ಇಲ್ಲಿಗೆ ಭೇಟಿ ನೀಡಬಹುದು.

ಕಳೆದ ವರ್ಷ 2022ರಲ್ಲಿ ಹುಂಡಿಯಲ್ಲಿ 1,450 ಕೋಟಿ ರೂಪಾಯಿ ಸಂಗ್ರಹವಾಗಿದೆ. 2021ರಲ್ಲಿ 833 ಕೋಟಿ ರೂ. ಸಂಗ್ರಹವಾಗಿತ್ತು. ಕಳೆದ ವರ್ಷಕ್ಕೆ ಹೋಲಿಸಿದರೆ ಹುಂಡಿ ಆದಾಯವು ಶೇ. 75ರಷ್ಟು ವೃದ್ಧಿಯಾಗಿದೆ.

2023 ಜನವರಿ ತಿಂಗಳಿನಿಂದ ಫೆಬ್ರವರಿ ತಿಂಗಳವರೆಗಿನ ತಿಮ್ಮಪ್ಪನ ದರ್ಶನಕ್ಕಾಗಿ ಟಿಕೆಟ್​ಗಳನ್ನು ಬುಕ್​ ಮಾಡಲು ಟಿಟಿಡಿ ಅವಕಾಶ ಮಾಡಿಕೊಟ್ಟಿದೆ.ಜನವರಿ 9 ನೇ ತಾರೀಖಿನಿಂದ ಟಿಕೆಟ್ ಬೆಲೆ 300 ರೂಪಾಯಿಗಳನ್ನು ನಿಗದಿಪಡಿಸಿದೆ.

ಇತ್ತೀಚೆಗೆ ತಿರುಪತಿ ತಿಮ್ಮಪ್ಪನ ದರ್ಶನ ಮಾಡೋದು ಸ್ವಲ್ಪ ದುಬಾರಿಯಾಗಿದೆ ಎಂದರೆ ತಪ್ಪಾಗಲ್ಲ. ಇಷ್ಟು ದಿನ ತಿರುಪತಿಯಲ್ಲಿ ಕಡಿಮೆ ಬೆಲೆಯಲ್ಲಿ ದೊರೆಯುತ್ತಿದ್ದ ಅತಿಥಿ ಗೃಹಗಳು ಮತ್ತು ಕುಟೀರಗಳು ಈಗ ಕಾಸ್ಟ್ಲಿಯಾಗಿದೆ.

ತಿರುಮಲದಲ್ಲಿ ಆಧುನಿಕ ಶೈಲಿಯಲ್ಲಿ ಅತಿಥಿ ಗೃಹಗಳನ್ನು ನಿರ್ಮಿಸಲಾಗಿದೆ. ಟಿಟಿಡಿ ಬಾಡಿಗೆಯನ್ನು 10 ಪಟ್ಟು ಹೆಚ್ಚಿಸಿದೆ. ಅಂದರೆ, 150 ರೂಪಾಯಿ ಇದ್ದದ್ದು 1700 ರೂಪಾಯಿಗೆ ಏರಿಕೆಯಾಗಿದೆ.

ನಾರಾಯಣಗಿರಿ ಅತಿಥಿ ಗೃಹದಲ್ಲಿ ಈ ಹಿಂದೆ ಇದ್ದ 750 ರೂಪಾಯಿ ರೂಂ ಬಾಡಿಗೆ 1700 ರೂಪಾಯಿಯಾಗಿದೆ. ಇನ್ನು, ವಿಶೇಷ ಮಾದರಿಯ ಕಾಟೇಜ್ ಬಾಡಿಗೆ 750 ರೂಪಾಯಿಯಿಂದ 2200 ರೂಪಾಯಿಯಾಗಿದೆ.

ತಿರುಮಲ ತಿರುಪತಿ ದೇವಾಲಯದ ಅಧಿಕೃತ ವೆಬ್ಸೈಟ್ tirupatibalaji.ap.gov.in. ಗೆ ಹೋಗಿ. ಮುಖಪುಟದಲ್ಲಿ ಆನ್ಲೈನ್ ಬುಕ್ಕಿಂಗ್ ಎಂಬ ಆಯ್ಕೆಯನ್ನು ಕ್ಲಿಕ್ ಮಾಡಿ. ನಂತರ ಟಿಟಿಡಿ ದರ್ಶನ್ ಬುಕ್ಕಿಂಗ್ ಆನ್ಲೈನ್ ಆಯ್ಕೆ ಮಾಡಿ, ಕೇಳುವ ಇಮೇಲ್ ಐಡಿ, ಪಾಸ್ವರ್ಡ್ ನೀಡಿ ಖಾತೆಯನ್ನು ರಚಿಸಿ.