Richest Village In India: ಇದು ದೇಶದ ಅತ್ಯಂತ ಶ್ರೀಮಂತ ಹಳ್ಳಿ, ಇಲ್ಲಿನ ಜನರ ಆದಾಯ ಕೇಳಿದ್ರೆ ಶಾಕ್​ ಆಗ್ತೀರಾ!

ಹಳ್ಳಿ ಅಂದರೆ ಮೂಗು ಮುರಿಯುವರೇ ಹೆಚ್ಚು. ಸಿಟಿಗಳಲ್ಲಿ ಜೀವನ ಮಾಡುವವರು ಹಳ್ಳಿಗಳಿಗೆ ತೆರಳಿ ಜೀವನ ನಡೆಸುವುದಕ್ಕೆ ಕಷ್ಟ ಎಂದರೆ ತಪ್ಪಾಗಲ್ಲ. ಈಗ ಮೊದಲಿನಂತಿಲ್ಲ. ಎಲ್ಲ ಹಳ್ಳಿಗಳು ಸ್ಮಾಟ್​ ಆಗಿ ಬದಲಾಗುತ್ತಿವೆ.

ಸಿಟಿ ಎಂದರೆ ಆಕಾಶದೆತ್ತರ ಇರುವ ಕಟ್ಟಡಗಳು, ಹೋಟೆಲ್​, ಮೆಟ್ರೋ, ದೊಡ್ಡ ರಸ್ತೆ ಇವೆಲ್ಲಾ ನೆನಪಾಗುತ್ತೆ. ಆದರೆ ಹಳ್ಳಿ ಅಂದರೆ ಮಣ್ಣಿನ ಮನೆ, ಗಿಡ-ಮರಗಳು, ಮನೆ ಮುಂದೆ ಸಗಣಿಯಿಂದ ಸಾರಿಸಿದ ವಾಸನೆ ಕೂಡ ನಿಮ್ಮ ಮೂಗಿಗೆ ಬಂದು ಬಡಿಯುತ್ತೆ. ನೀವು ಯಾವಾತ್ತಾದರೂ ದೇಶದ ಅತ್ಯಂತ ಶ್ರೀಮಂತ ಹಳ್ಳಿ ಯಾವುದು ಅಂತ ಯೋಚಿಸಿದ್ದೀರಾ? ಇಲ್ಲಿದೆ ನೋಡಿ ಅದಕ್ಕೆ ಉತ್ತರ.

ಈ ಗ್ರಾಮದಲ್ಲಿ ಒಟ್ಟು 13 ಬ್ಯಾಂಕ್‌ಗಳಿವೆ ಎಂದು ಯಾರಾದರೂ ಹೇಳಿದರೆ ನಿಮಗೆ ಶಾಕ್​ ಆಗಬಹುದು. ನಮ್ಮ ದೇಶದ ಶ್ರೀಮಂತ ಗ್ರಾಮ ಅಂದರೆ ಗುಜರಾತ್‌ನ ಕಚ್‌ನ ಮಾಧಾಪರ್.

ಮಾಹಿತಿ ಪ್ರಕಾರ, ಮಧಾಪರ್ ಕಚ್ ಜಿಲ್ಲಾ ಕೇಂದ್ರದಿಂದ ಕೇವಲ 3 ಕಿಮೀ ದೂರದಲ್ಲಿದೆ. ಇದರ ಸಮೃದ್ಧಿಯನ್ನು ಅನೇಕ ನಗರಗಳಲ್ಲಿನ ಅನೇಕ ಶ್ರೀಮಂತ ಪ್ರದೇಶಗಳಿಗೆ ಹೋಲಿಸಬಹುದು.

ಮಾದಾಪರ್ ಗ್ರಾಮವು ಸಮೃದ್ಧಿಯು ಲೇಯುಯಾ ಪಟೇಲ್ ಸಮುದಾಯದಲ್ಲಿ ರಹಸ್ಯ ಅಡಗಿದೆ. ಈ ನಿಟ್ಟಿನಲ್ಲಿ ಮಾದಾಪರ್ ಗ್ರಾಮದ ಲೇವಾ ಪಟೇಲ್ ಸಮುದಾಯದ ಮುಖ್ಯಸ್ಥ ಹಾಗೂ ಮಾಜಿ ಪಂಚಾಯತ್ ಸದಸ್ಯ ಜಯಂತ್ ಭಾಯಿ ಮಾಧಪರಿಯಾ ಮಾತನಾಡಿ, ಗ್ರಾಮದ ಈ ಏಳಿಗೆ 1934 ರಿಂದಲೇ ಇದೆಯೇ ಹೊರತು ಇತ್ತೀಚೆಗೆ ಅಲ್ಲ ಎಂದಿದ್ದಾರೆ.

ಆ ಕಾಲದಲ್ಲಿ ಹಳ್ಳಿಯ ಶಾಲೆಯ ಕಟ್ಟಡವನ್ನು ಕಟ್ಟಿದಾಗ ಅದನ್ನು ನೋಡಲು ದೂರದ ಊರುಗಳಿಂದ ಜನ ಬರುತ್ತಿದ್ದರಂತೆ. ಆದರೆ ಆ ಶಾಲೆಯ ಕಟ್ಟಡ ಈಗಿಲ್ಲ. ಭೂಕಂಪದಲ್ಲಿ ಅದು ಹಾನಿಗೊಳಗಾದಾಗ, ಆಗ ಓದುತ್ತಿದ್ದ ಎಲ್ಲಾ ವಿದ್ಯಾರ್ಥಿಗಳು ಅದನ್ನು ಪುನರ್ನಿರ್ಮಿಸಿದ್ದರು.

ಹಿಂದಿನಿಂದಲೂ ಈ ಗ್ರಾಮದ ಲೇವಾ ಪಟೇಲ್ ಸಮುದಾಯದ ಯುವಕರು ಹಣ ಸಂಪಾದಿಸಲು ವಿದೇಶಕ್ಕೆ ವಲಸೆ ಹೋಗುತ್ತಿದ್ದರು. ಜೀವನೋಪಾಯಕ್ಕಾಗಿ ಅಮೆರಿಕ, ಇಂಗ್ಲೆಂಡ್, ಆಫ್ರಿಕಾ, ದುಬೈ, ಕೆನಡಾ ಹೀಗೆ ನಾನಾ ದೇಶಗಳಲ್ಲಿ ವಲಸೆ ಹೋಗುತ್ತಿದ್ದರು.

ಇವರು ದುಡಿದ ಹಣದಿಂದ ಗ್ರಾಮ ಕಳೆದ ಐದು ದಶಕಗಳಿಂದ ಏಳಿಗೆಯಾಗಿದೆ. ಈ ಸಂದರ್ಭದಲ್ಲಿ ಜಯಂತ್ ಭಾಯ್ ಮಾಧಪರಿಯಾ ಮಾತನಾಡಿ, ಈಗ ಗ್ರಾಮ ಬ್ಯಾಂಕ್‌ಗಳಲ್ಲಿ ಒಟ್ಟು 5000 ಕೋಟಿ ರೂಪಾಯಿ ಡೆಪಾಸಿಟ್ ಮಾಡಿದ್ದಾರಂತೆ. 1975ರಲ್ಲಿಯೇ ಗ್ರಾಮ ಅಂಚೆ ಕಚೇರಿಯಲ್ಲಿ 500 ಕೋಟಿ ರೂಪಾಯಿಗೂ ಹೆಚ್ಚು ಠೇವಣಿ ಇತ್ತಂತೆ. ಪ್ರಸ್ತುತ ಒಂದು ಲಕ್ಷ ಜನರು ಈ ಗ್ರಾಮದಲ್ಲಿ ವಾಸಿಸುತ್ತಿದ್ದಾರೆ.