Free Ration: ಮೇ ತಿಂಗಳಲ್ಲಿ 2 ಬಾರಿ ಉಚಿತ ರೇಷನ್! ಪಡಿತರ ಚೀಟಿದಾರರಿಗೆ ಬಂಪರ್​ ನ್ಯೂಸ್!

ಪಡಿತರ ಚೀಟಿದಾರರಿಗೆ ಕೇಂದ್ರ ಸರ್ಕಾರ ಸಂತಸದ ಸುದ್ದಿ ನೀಡಿದೆ ಎಂದರೆ ತಪ್ಪಾಗಲ್ಲ. ಸರ್ಕಾರ ನೀಡುವ ಪಡಿತರದ ಲಾಭವನ್ನು ನೀವೂ ಪಡೆಯುತ್ತಿದ್ದರೆ ಈಗ ಮೇ ತಿಂಗಳಲ್ಲಿ ಡಬಲ್ ಪಡಿತರ ಸಿಗಲಿದೆ.

ಕೇಂದ್ರ ಮತ್ತು ರಾಜ್ಯ ಸರಕಾರದಿಂದ ಪಡಿತರ ಚೀಟಿದಾರರಿಗೆ ಹಲವು ರೀತಿಯ ಸೌಲಭ್ಯಗಳನ್ನು ನೀಡಲಾಗುತ್ತದೆ. ಇದೀಗ ಮೇ ತಿಂಗಳಲ್ಲಿ ಕಾರ್ಡ್ ದಾರರಿಗೆ ಎರಡು ಬಾರಿ ಪಡಿತರ ನೀಡಲು ಸರ್ಕಾರ ನಿರ್ಧರಿಸಿದೆ.

ಇದರಿಂದ ಬಡ ಕುಟುಂಬಗಳಿಗೆ ಸಾಕಷ್ಟು ಸಹಾಯವಾಗುತ್ತದೆ. ಯಾವ ಜನರಿಗೆ ಇದರ ಲಾಭ ಸಿಗುತ್ತೆ ಅಂತ ಕಂಪ್ಲೀಟ್​ ಮಾಹಿತಿ ಇಲ್ಲಿದೆ. ಹರಿಯಾಣ ಸರ್ಕಾರ ಇದುವರೆಗೆ ಏಪ್ರಿಲ್ ತಿಂಗಳ ಪಡಿತರವನ್ನು ಬಡ ಕುಟುಂಬಗಳಿಗೆ ನೀಡಿಲ್ಲ ಎಂದು ಹೇಳಿದೆ.

ಇದರಿಂದ ಬಡವರು ಸಾಕಷ್ಟು ತೊಂದರೆ ಅನುಭವಿಸುತ್ತಿದ್ದಾರೆ. ಏಪ್ರಿಲ್ ಮತ್ತು ಮೇ ಎರಡು ತಿಂಗಳ ಪಡಿತರವನ್ನು ಮೇ ತಿಂಗಳಲ್ಲಿ ನೀಡಲು ಸರ್ಕಾರ ನಿರ್ಧರಿಸಿದೆ.

ರಾಜ್ಯ ಸರ್ಕಾರ ಹೊರಡಿಸಿದ ಸೂಚನೆಗಳ ಪ್ರಕಾರ, ಏಪ್ರಿಲ್ ತಿಂಗಳಲ್ಲಿ ಪಡಿತರ ಪ್ರಯೋಜನವನ್ನು ಪಡೆಯದ ಎಲ್ಲಾ ಫಲಾನುಭವಿಗಳಿಗೆ ಡಬಲ್ ಪಡಿತರ ಸಿಗುತ್ತದೆ.

ಇದೇ ವೇಳೆಗೆ ಏಪ್ರಿಲ್ ತಿಂಗಳ ಪಡಿತರ ದಾಸ್ತಾನು ಕೂಡ ಪಡಿತರ ಡಿಪೋಗೆ ಬಂದಿದೆ. ಬಿಪಿಎಲ್ ಮತ್ತು ಎಎವೈ ಕಾರ್ಡ್ ಹೊಂದಿರುವವರಿಗೆ ಮಾತ್ರ ಇದರ ಲಾಭ ಸಿಗಲಿದೆ.

ಹರಿಯಾಣದ ಪಡಿತರ ಚೀಟಿದಾರರು ಏಪ್ರಿಲ್ ತಿಂಗಳ ಪಡಿತರವನ್ನು ಮೇ 8 ರವರೆಗೆ ಪಡೆಯುತ್ತಾರೆ. ಆಹಾರ ಮತ್ತು ಸರಬರಾಜು ಇಲಾಖೆಯಿಂದ ಆದೇಶ ಹೊರಡಿಸಿದ ನಂತರ ಡಿಪೋದಾರರು ಮತ್ತು ಗ್ರಾಹಕರು ಸಾಕಷ್ಟು ನಿರಾಳರಾಗಿದ್ದಾರೆ.

ಪಡಿತರ ವಿತರಣೆಯ ಅವಧಿಯನ್ನು ವಿಸ್ತರಿಸುವಂತೆ ಡಿಪೋದಾರರು ಒತ್ತಾಯಿಸಿದ್ದರು. ಪಡಿತರ ವಿತರಣೆ ವಿಳಂಬಕ್ಕೆ ಪಡಿತರ ಡಿಪೋದಾರರೂ ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದು, ಬಳಿಕ ಇದೀಗ ಪಡಿತರ ವಿತರಣೆಯ ಅವಧಿಯನ್ನು ಇಲಾಖೆ ವಿಸ್ತರಿಸಿದೆ.