Dream Job: ದಿನವೊಂದಕ್ಕೆ 36 ಸಾವಿರ ಸಂಬಳ, ಆದ್ರೆ ಈ ಕೆಲಸಕ್ಕೆ ಸೇರೋಕೆ ಜನರ ಹಿಂದೇಟು!

ಕೈ ತುಂಬಾ ದುಡ್ಡು, ಒಂದೊಳ್ಳೆ ಇನ್ಶೂರೆನ್ಸ್​, ವಾರದಲ್ಲಿ ಒಂದು ದಿನ ರಜೆ, ಜೊತೆಗೆ ಕೆಲಸ ಮಾಡೋಕೆ ಒಳ್ಳೆ ವಾತಾವರಣ ಇರೋ ಜಾಬ್ ಸಿಕ್ಕಿದ್ರೆ ಯಾರಾದ್ರೂ ಬೇಡಾ ಅಂತಾರಾ? ಚಾನ್ಸೇ ಇಲ್ಲ ಅಲ್ವಾ?

ಆದರೆ ಇಲ್ಲಿ ದಿನಕ್ಕೆ 36 ಸಾವಿರ ರೂಪಾಯಿ ಸ್ಯಾಲರಿ ಕೊಡುವ ಕೆಲಸಕ್ಕೆ ಯಾರೂ ಸಿಗ್ತಿಲ್ಲ ಅಂದ್ರೆ ನಿಮಗೆ ಆಶ್ಚರ್ಯವಾಗಬಹುದು. ಇದು ಸತ್ಯ. ತಿಂಗಳಿಗೆ 4 ಲಕ್ಷ ಸಂಬಳ ಬರುವ ಕೆಲಸಕ್ಕೆ ಜನ ಸಿಗ್ತಿಲ್ವಂತೆ.

ದಿ ಸನ್ ಪ್ರಕಾರ, ಸ್ಕಾಟ್ಲೆಂಡ್‌ನ ಅಬರ್ಡೀನ್ ಕರಾವಳಿಯ ಉತ್ತರ ಸಮುದ್ರದಲ್ಲಿ ನೆಲೆಗೊಂಡಿರುವ ಕಡಲಾಚೆಯ ರಿಗ್ಗರ್‌ನನಲ್ಲಿ ಕೆಲಸಕ್ಕೆ ಜನ ಬೇಕಾಗಿದ್ದಾರೆ.

ಕಡಲಾಚೆಯ ರಿಗ್ ಎಂಬುದು ನೀರಿನಲ್ಲಿ ಬಾವಿಗಳನ್ನು ಕೊರೆಯಲು, ತೈಲ ಮತ್ತು ಅನಿಲವನ್ನು ಹೊರತೆಗೆದು ಅದನ್ನು ಭೂಮಿಗೆ ಸಾಗಿಸುವವರೆಗೆ ಸಂಗ್ರಹಿಸಲು ಬಳಸಲಾಗುವ ಒಂದು ದೊಡ್ಡ ರಚನೆಯಾಗಿದೆ.

ಈ ಹುದ್ದೆಗೆ ನೇಮಕಗೊಂಡವರನ್ನು ಒಮ್ಮೆಗೆ ಒಂದರಿಂದ ಆರು ತಿಂಗಳ ಅವಧಿಗೆ ಆಫ್‌ಶೋರ್ ರಿಗ್‌ಗೆ ಕಳುಹಿಸಲಾಗುತ್ತೆ. ದಿನಕ್ಕೆ 12 ಗಂಟೆ ಕೆಲಸ ಮಾಡಿದ್ರೆ ದಿನವೊಂದಕ್ಕೆ 36 ಸಾವಿರ ಮೂಲ ವೇತನವನ್ನು ಪಡೆಯುತ್ತಾರೆ.

ಕೆಲಸ ಮಾಡುವ ವ್ಯಕ್ತಿಯು 2 ವರ್ಷಗಳ ಕಾಲ ಇಲ್ಲಿಯೇ ಇದ್ದು, ತಲಾ 6-6 ತಿಂಗಳ 2 ಪಾಳಿಗಳನ್ನು ಪೂರ್ಣಗೊಳಿಸಿದರೆ, ಆಗ ಸಂಬಳವು £95,420 ಅಂದರೆ ಸುಮಾರು 1 ಕೋಟಿ ರೂಪಾಯಿ ಸಿಗುತ್ತೆ.

ರಜೆ ಇದ್ರೂ ಸಂಬಳ ಬರುತ್ತಂತೆ. ರಜೆ ದಿನವೂ 3,877 ರೂಪಾಯಿ ಸಿಗುತ್ತಂತೆ. ಒಂದು ವಾರದವರೆಗೆ ಅನಾರೋಗ್ಯದ ರಕ್ಷಣೆ ಕೂಡ ಲಭ್ಯವಿದೆ. ಈ ಉದ್ಯೋಗವು ಎಲ್ಲರಿಗೂ ಅಲ್ಲ. ನಿಮ್ಮ ತಾಂತ್ರಿಕ ಮತ್ತು ಸುರಕ್ಷತಾ ತರಬೇತಿಯು BOSIET, FOET, CA-EBS ಮತ್ತು OGUK ವೈದ್ಯಕೀಯ ತರಬೇತಿಯನ್ನು ಒಳಗೊಂಡಿರಬೇಕು.