Rent House: ಇದೇ ಕಾರಣಕ್ಕೆ ಬೆಂಗಳೂರಲ್ಲಿ ಬ್ಯಾಚುಲರ್​ಗೆ ಮನೆ ಬಾಡಿಗೆ ಕೊಡಲ್ಲ!

ಮನೆ ಕಟ್ಟಿ ನೋಡು, ಮದುವೆ ಮಾಡಿ ನೋಡು ಅಂತಾರೆ. ಎರಡೂ ಕೂಡ ಕೊಂಚ ಕಷ್ಟ ಪಟ್ರೆ ಮಾಡಿ ಮುಗಿಸಬಹುದು. ಈ ಬೆಂಗಳೂರಲ್ಲಿ ಬ್ಯಾಚುಲರ್​ಗೆ ಒಂದು ಬಾಡಿಗೆ ಮನೆ ಹುಡುಕೋದು ಇದೆಯಲ್ಲಾ, ಆ ಪಾಡು ಯಾರಿಗೂ ಬೇಡ.

ಬ್ಯಾಚುಲರ್ಸ್​ಗೆ ಬೆಂಗಳೂರಿನಲ್ಲಿ ಮನೆ ಬಾಡಿಗೆ ನೀಡುವ ಮುನ್ನ ಮಾಲೀಕರು ನೂರಾರು ಬಾರಿ ಯೋಚಿಸುತ್ತಾರೆ. ಮನೆ ಹೇಗೆ ಇಟ್ಕೋತಾರೋ? ಏನ್​ ಕಥೆನೋ? ಅನ್ನೋ ಭಯ ಅವರಿಗೆ ಖಂಡಿತ ಇರುತ್ತೆ.

ಮದುವೆ ಆಗಿಲ್ಲ ಅಂತ ಆದ್ರೆ ಬೆಂಗಳೂರಿನಲ್ಲಿ ಮನೆ ಬಾಡಿಗೆ ಸಿಗೋದು ಕಷ್ಟ. ಯಾಕೆ ಅಂತೀರಾ? ಇಲ್ಲೊಬ್ಬ ಮಾಲೀಕ ಯಾಕೆ ಬ್ಯಾಚುಲರ್​ಗೆ ಮನೆ ಬಾಡಿಗೆ ಕೊಡಲ್ಲ ಅಂತ ಫೋಟೋ ಸಮೇತ ಕಾರಣ ಹೇಳಿದ್ದಾರೆ ನೋಡಿ.

ಬ್ಯಾಚುಲರ್ಸ್​ ಮನೆ ಖಾಲಿ ಮಾಡಿ ಹೋಗಿರುವ ಫೋಟೋಗಳನ್ನು ಮಾಲೀಕರು ಟ್ವಿಟ್ಟರ್​ನಲ್ಲಿ ಹಂಚಿಕೊಂಡಿದ್ದಾರೆ. ಈ ಫೋಟೋಗಳನ್ನು ನೋಡಿದ್ರೆ ಇದೇನ್​ ಮನೆನೋ? ಇಲ್ಲ ತಿಪ್ಪೆನೋ? ಅನ್ನುವಂತಿದೆ.

2 ಬಿಎಚ್​ಕೆ ಫ್ಲಾಟ್​ ಅನ್ನು ಎಮ್​ಎನಿಸಿ ಕಂಪನಿಯಲ್ಲಿ ಕೆಲಸ ಮಾಡುವ ಬ್ಯಾಚುಲರ್​ಗೆ ಬಾಡಿಗೆ ನೀಡಿದ್ದರಂತೆ. 4 ತಿಂಗಳು ಬಾಡಿಗೆ ಕಟ್ಟುಕೊಂಡು ಅಲ್ಲೇ ಇದ್ದ ಯುವಕ ಇದ್ದಕ್ಕಿದ್ದ ಹಾಗೇ ಮನೆ ಖಾಲಿ ಮಾಡಿಕೊಂಡು ಹೋಗಿದ್ದಾನೆ.

ಅಡ್ವಾನ್ಸ್ ಹಣ ಹಿಂದಿರುಗಿಸಲು ಬಂದ ಮಾಲೀಕನಿಗೆ ಬಿಗ್​ ಶಾಕ್​ ಎದುರಾಗಿತ್ತು. ಮನೆ ತುಂಬೆಲ್ಲಾ ಬಿಯರ್​ ಬಾಟಲ್​ಗಳು. ಕೊಳಕು ಬೆಡ್​​, ಮನೆ ತುಂಬೆಲ್ಲಾ ಬರೀ ಬಿಯರ್​ ಬಾಟಲ್​ಗಳೇ ತುಂಬಿ ಹೋಗಿತ್ತಂತೆ.

ಮನೆ ಬಾಡಿಗೆಗೆ ಬಂದಾಗಿನಿಂದಲೂ ಈ ಯುವಕ ಮನೆಯನ್ನೇ ಕ್ಲೀನ್ ಮಾಡಿಲ್ವಂತೆ. ಬರೀ ಕುಡಿಯಲು ಮಾತ್ರ ಇಲ್ಲಿಗೆ ಬರುತ್ತಿದ್ದ ಅನ್ನುವಷ್ಟು ಕೊಳಕಾಗಿ ಈ ಮನೆ ಇತ್ತಂತೆ.

ಇಡೀ ಜಾಗ ಖಾಲಿ ಮದ್ಯದ ಬಾಟಲಿಗಳಿಂದ ತುಂಬಿತ್ತು. ಕಿಟಕಿಗಳು ತೆರೆದಿದ್ದರಿಂದ ಪಾರಿವಾಳಗಳು ಎಲ್ಲೆಂದರಲ್ಲಿ ಬಂದು ಮಲವಿಸರ್ಜನೆ ಮಾಡಿವೆ. ಮನೆ ಗಬ್ಬು ನಾರುತ್ತಿತ್ತಂತೆ. ಇದೇ ಕಾರಣಕ್ಕೆ ಬ್ಯಾಚುಲರ್​ಗೆ ಮನೆ ಬಾಡಿಗೆ ಕೊಡ್ಡಲ್ಲ ಅಂತ ಮಾಲೀಕ ಟ್ವೀಟ್ ಮಾಡಿದ್ದಾರೆ.