Online Games: ಈ ದೇಶಗಳು ಆನ್​ಲೈನ್​ ಗೇಮ್‌ಗಳಿಂದಲೇ ಶ್ರೀಮಂತವಾಗಿವೆ! ಇಲ್ಲಿನ ಸರ್ಕಾರ ಬಿಲಿಯನ್​ಗಟ್ಟಲೇ ಆದಾಯ ಗಳಿಸುತ್ತವೆ!

ಪ್ರಪಂಚದಾದ್ಯಂತ ಆನ್​ಲೈನ್​ ಗೇಮ್​ಗಳ ಅಭಿಮಾನಿಗಳ ಸಂಖ್ಯೆ ದೊಡ್ಡದಾಗಿದೆ. ಜನರು ವಿವಿಧ ರೀತಿಯ ಆನ್​ಲೈನ್​ ಆಟಗಳನ್ನು ಆಡುತ್ತಾರೆ. ಆನ್‌ಲೈನ್ ಗೇಮಿಂಗ್‌ನ ದೊಡ್ಡ ಕ್ರೇಜ್ ಅನೇಕ ದೇಶಗಳಲ್ಲಿ ಕಂಡುಬರುತ್ತದೆ. ಈ ಗೇಮಿಂಗ್‌ನಿಂದ ಈ ದೇಶಗಳು ಬಂಪರ್ ಆದಾಯವನ್ನು ಗಳಿಸುತ್ತವೆ. ಆನ್​ಲೈನ್​ ಗೇಮಿಂಗ್‌ನಿಂದ ಗಳಿಸುವ ಕೆಲವು ದೇಶಗಳ ಬಗ್ಗೆ ಈ ಸುದ್ದಿಯಲ್ಲಿ ತಿಳಿಯೋಣ.

ಜಗತ್ತಿನಲ್ಲಿ ಅತಿ ಹೆಚ್ಚು ಆಟಗಳನ್ನು ಆಡುವ ಮತ್ತು ಹಣಗಳಿಸುವ ದೇಶಗಳಲ್ಲಿ ಚೀನಾ ಮೊದಲ ಸ್ಥಾನದಲ್ಲಿದೆ. ಚೀನಾದಲ್ಲಿ ಆನ್‌ಲೈನ್ ಗೇಮ್​ಗಳನ್ನು ಆಡುವ ಕೋಟಿಗಟ್ಟಲೇ ಆಟಗಾರರಿದ್ದಾರೆ. ಚೀನಾದಲ್ಲಿ 742.2 ಮಿಲಿಯನ್ ಆಟಗಾರರು ಅಂದರೆ ಸುಮಾರು 72 ಕೋಟಿ ಜನರು ಆನ್‌ಲೈನ್ ಗೇಮ್ ಆಡುತ್ತಾರೆ. ಇದರಿಂದ ದೇಶಕ್ಕೆ 45.8 ಬಿಲಿಯನ್ ಡಾಲರ್ (3.76 ಲಕ್ಷ ಕೋಟಿ ರೂ) ಆದಾಯ ಬರುತ್ತಿದೆ.

ಅಮೆರಿಕಾ ಈ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದೆ. ಅಮರಿಕಾದಲ್ಲಿ 197.2 ಮಿಲಿಯನ್ ಆಟಗಾರರು ಆನ್​ಲೈನ್​ ಗೇಮ್​ಗಳನ್ನಾಡುತ್ತಾರೆ. ಇದರಿಂದ ದೇಶಕ್ಕೆ 45 ಬಿಲಿಯನ್ ಡಾಲರ್ (3.6 ಲಕ್ಷ ಕೋಟಿ ರೂ) ಆದಾಯ ಬರುತ್ತಿದೆ.

ಜಪಾನ್‌ನಲ್ಲಿ 78.1 ಮಿಲಿಯನ್ ಜನರು ಆನ್​ಲೈನ್​ ಗೇಮ್​ ಆಡುತ್ತಾರೆ. ಇದರಿಂದ ದೇಶಕ್ಕೆ 20 ಬಿಲಿಯನ್ ಡಾಲರ್ (1.6 ಲಕ್ಷ ಕೋಟಿ ರೂ) ಆದಾಯ ಬರುತ್ತಿದೆ.

ದಕ್ಷಿಣ ಕೊರಿಯಾದಲ್ಲಿ 33.8 ಮಿಲಿಯನ್ ಜನರು ಆನ್​ಲೈನ್ ಗೇಮ್​ಗಳನ್ನು ಆಡುತ್ತಾರೆ. ಇದರಿಂದ ದೇಶಕ್ಕೆ 7.9 ಬಿಲಿಯನ್ ಡಾಲರ್ (64 ಸಾವಿರ ಕೋಟಿ ರೂ) ಆದಾಯ ಬರುತ್ತಿದೆ.

ಯುರೋಪಿನ ಜರ್ಮನಿಯಲ್ಲೂ ಆನ್​ಲೈನ್ ಕ್ರೇಜ್ ಹೆಚ್ಚಾಗಿರುವುದನ್ನು ಕಾಣಬಹುದಾಗಿದೆ. ಈ ದೇಶದಲ್ಲಿ 49.8 ಮಿಲಿಯನ್ ಆಟಗಾರರು ಆಟಗಳನ್ನು ಆಡುತ್ತಾರೆ. ಇದರಿಂದ ದೇಶಕ್ಕೆ 6.6 ಬಿಲಿಯನ್ ಡಾಲರ್ (54 ಸಾವಿರ ಕೋಟಿ) ಆದಾಯ ಬರುತ್ತಿದೆ.

ಯುಕೆಯಲ್ಲಿ 39.1 ಮಿಲಿಯನ್ ಜನರು ಆನ್​ಲೈನ್​ ಗೇಮ್ಸ್ ಆಡುತ್ತಾರೆ. ಇದು ದೇಶಕ್ಕೆ 5.5 ಬಿಲಿಯನ್ ಡಾಲರ್ (45 ಸಾವಿರ ಕೋಟಿ) ಆದಾಯವನ್ನು ಗಳಿಸುತ್ತದೆ.

ಆನ್‌ಲೈನ್, ಆಫ್‌ಲೈನ್ ಮತ್ತು ಮೊಬೈಲ್ ಆಟಗಳನ್ನು ಆಡುವುದರಿಂದ ಆದಾಯ ಗಳಿಸುವ ದೇಶಗಳ ಪಟ್ಟಿಯಲ್ಲಿ ಫ್ರಾನ್ಸ್ ಕೂಡ ಇದೆ. ಫ್ರಾನ್ಸ್‌ನಲ್ಲಿ 39.3 ಮಿಲಿಯನ್ ಆಟಗಾರರು ವರ್ಚುವಲ್ ಆಟಗಳನ್ನು ಆಡುತ್ತಾರೆ. ಇದು ದೇಶಕ್ಕೆ 4.1 ಬಿಲಿಯನ್ ಡಾಲರ್ (33 ಸಾವಿರ ಕೋಟಿ) ಆದಾಯವನ್ನು ಗಳಿಸುತ್ತದೆ.

ಕೆನಡಾದಲ್ಲಿ 21.9 ಮಿಲಿಯನ್ ಆಟಗಾರರು ಆನ್​ಲೈನ್ ಗೇಮ್​ಗಳನ್ನು ಆಡುತ್ತಾರೆ. ಇದರಿಂದ ದೇಶಕ್ಕೆ 3.4 ಬಿಲಿಯನ್ ಡಾಲರ್ (27 ಸಾವಿರ ಕೋಟಿ) ಆದಾಯ ಬರುತ್ತದೆ.

ಇಟಲಿಯಲ್ಲಿ 37.6 ಮಿಲಿಯನ್ ಆಟಗಾರರು ಆನ್‌ಲೈನ್-ಆಫ್‌ಲೈನ್ ಮತ್ತು ಮೊಬೈಲ್ ಆಟಗಳನ್ನು ಆಡುತ್ತಾರೆ. ಇದರಿಂದ ದೇಶಕ್ಕೆ 3 ಬಿಲಿಯನ್ ಡಾಲರ್ (24 ಸಾವಿರ ಕೋಟಿ) ಆದಾಯ ಬರುತ್ತದೆ. ಈ ಎಲ್ಲಾ ಮಾಹಿತಿಯನ್ನು news.com ನಲ್ಲಿ ನೀಡಿದ ಮಾಹಿತಿಯ ಆಧಾರದ ಮೇಲೆ ಬರೆಯಲಾಗಿದೆ.